| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
4. மணிப⁴த்³த³ஸுத்தவண்ணனா
4. Maṇibhaddasuttavaṇṇanā
238. ஸுக²ங் படிலப⁴தீதி தி³ட்ட²த⁴ம்மிகாதி³பே⁴த³ங் ஸுக²ங் அதி⁴க³ச்ச²தி. நிச்சமேவ ஸெய்யோ ஸதிமதோ ஆயதிங் ஹிதசரணதோ. மணிப⁴த்³தோ³ ‘‘ஸதிமாபுக்³க³லோ ஸதோகாரீ ஸம்பதி வேரங் நப்பஸவதீ’’தி அதி⁴ப்பாயேன ‘‘வேரா ச பரிமுச்சதீ’’தி ஆஹ. ப⁴க³வா பன ஸதிமந்ததாஸித்³தி⁴யா வேரபரிமுச்சனங் ந அச்சந்திகங், நாபி ஏகந்திகங் படிபக்கே²ன பரதோ ச அப்பஹீனத்தாதி தங் நிஸேதெ⁴ந்தோ ‘‘வேரா ச ந பரிமுச்சதீ’’தி வத்வா, யங் அச்சந்திகங் ஏகந்திகஞ்ச பரஸ்ஸ வஸேன வேரபரிமுச்சனங், தங் த³ஸ்ஸெந்தோ ‘‘யஸ்ஸா’’தி கா³த²மாஹ. கருணாயாதி அப்பனாப்பத்தாய கருணாய. கருணாபுப்³ப³பா⁴கே³தி கருணாபா⁴வனாய வஸேன உப்பாதி³தபட²மஜ்ஜா²னூபசாரே. ஸோதி கருணாபா⁴வனங் பா⁴வெந்தோ புக்³க³லோ. மெத்தங்ஸோதி மெத்தசித்தங் அங்ஸோ ஏகோ குஸலகொட்டா²ஸோ ஏதஸ்ஸாதி மெத்தங்ஸோ. தஸ்ஸ கேனசீதி தஸ்ஸ அரஹதோ கருணாய மெத்தாபா⁴வனாய ச ஸாதிஸயத்தா தத³பா⁴வேன கேனசி புக்³க³லேன ஸத்³தி⁴ங் வேரப்பஸங்கோ³ நாம நத்தி². இமினா கீ²ணாஸவேபி மெத்தாகருணாபா⁴வனாரஹிதே கோசி அத்தனோ சித்ததோ³ஸேன வேரங் கரெய்ய, ந பன தஸ்மிங் மெத்தாகருணாசேதோவிமுத்திஸமன்னாக³தே கோசி வேரங் கரெய்ய. ஏவங் மஹித்³தி⁴கா ப்³ரஹ்மவிஹாரபா⁴வனாதி த³ஸ்ஸேதி.
238.Sukhaṃ paṭilabhatīti diṭṭhadhammikādibhedaṃ sukhaṃ adhigacchati. Niccameva seyyo satimato āyatiṃ hitacaraṇato. Maṇibhaddo ‘‘satimāpuggalo satokārī sampati veraṃ nappasavatī’’ti adhippāyena ‘‘verā ca parimuccatī’’ti āha. Bhagavā pana satimantatāsiddhiyā veraparimuccanaṃ na accantikaṃ, nāpi ekantikaṃ paṭipakkhena parato ca appahīnattāti taṃ nisedhento ‘‘verā ca na parimuccatī’’ti vatvā, yaṃ accantikaṃ ekantikañca parassa vasena veraparimuccanaṃ, taṃ dassento ‘‘yassā’’ti gāthamāha. Karuṇāyāti appanāppattāya karuṇāya. Karuṇāpubbabhāgeti karuṇābhāvanāya vasena uppāditapaṭhamajjhānūpacāre. Soti karuṇābhāvanaṃ bhāvento puggalo. Mettaṃsoti mettacittaṃ aṃso eko kusalakoṭṭhāso etassāti mettaṃso. Tassa kenacīti tassa arahato karuṇāya mettābhāvanāya ca sātisayattā tadabhāvena kenaci puggalena saddhiṃ verappasaṅgo nāma natthi. Iminā khīṇāsavepi mettākaruṇābhāvanārahite koci attano cittadosena veraṃ kareyya, na pana tasmiṃ mettākaruṇācetovimuttisamannāgate koci veraṃ kareyya. Evaṃ mahiddhikā brahmavihārabhāvanāti dasseti.
மணிப⁴த்³த³ஸுத்தவண்ணனா நிட்டி²தா.
Maṇibhaddasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. மணிப⁴த்³த³ஸுத்தங் • 4. Maṇibhaddasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4. மணிப⁴த்³த³ஸுத்தவண்ணனா • 4. Maṇibhaddasuttavaṇṇanā
