| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૪. મનોનિવારણસુત્તવણ્ણના
4. Manonivāraṇasuttavaṇṇanā
૨૪. એવંલદ્ધિકાતિ સબ્બથાપિ ચિત્તુપ્પત્તિ સદુક્ખા, સબ્બથાપિ અચિત્તકભાવો સેય્યો, તસ્મા યતો કુતોચિ ચિત્તં નિવારેતબ્બન્તિ એવંદિટ્ઠિકા . સોતિ સત્તો. અનિય્યાનિકકથં કથેતિ અયોનિસો ચિત્તનિવારણં વદન્તી. સંયતભાવં આગતન્તિ રાગવિસેવનાદિતો સમ્મદેવ સંયતભાવં ઓતરભાવં. ધમ્મચરિયાવસેન હિ પવત્તમાને ચિત્તે નત્થિ ઈસકમ્પિ રાગાદિવિસેવનં, ન તસ્સ સમ્પતિ આયતિઞ્ચ કોચિ અનત્થો સિયા, તસ્મા તં મનો સબ્બતો અનવજ્જવુત્તિતો ન નિવારેતબ્બં. તેનાહ ‘‘દાનં દસ્સામી’’તિઆદિ. યતો યતોતિ યતો યતો સાવજ્જવુત્તિતો અયોનિસોમનસિકારતો. તન્તિ મનો નિવારેતબ્બં અનત્થાવહત્તા.
24.Evaṃladdhikāti sabbathāpi cittuppatti sadukkhā, sabbathāpi acittakabhāvo seyyo, tasmā yato kutoci cittaṃ nivāretabbanti evaṃdiṭṭhikā . Soti satto. Aniyyānikakathaṃ katheti ayoniso cittanivāraṇaṃ vadantī. Saṃyatabhāvaṃ āgatanti rāgavisevanādito sammadeva saṃyatabhāvaṃ otarabhāvaṃ. Dhammacariyāvasena hi pavattamāne citte natthi īsakampi rāgādivisevanaṃ, na tassa sampati āyatiñca koci anattho siyā, tasmā taṃ mano sabbato anavajjavuttito na nivāretabbaṃ. Tenāha ‘‘dānaṃ dassāmī’’tiādi. Yato yatoti yato yato sāvajjavuttito ayonisomanasikārato. Tanti mano nivāretabbaṃ anatthāvahattā.
મનોનિવારણસુત્તવણ્ણના નિટ્ઠિતા.
Manonivāraṇasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૪. મનોનિવારણસુત્તં • 4. Manonivāraṇasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૪. મનોનિવારણસુત્તવણ્ણના • 4. Manonivāraṇasuttavaṇṇanā
