| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૨. રાધસંયુત્તં
2. Rādhasaṃyuttaṃ
૧. પઠમવગ્ગો
1. Paṭhamavaggo
૧. મારસુત્તવણ્ણના
1. Mārasuttavaṇṇanā
૧૬૦. રાધસંયુત્તસ્સ પઠમે મારો વા અસ્સાતિ મરણં વા ભવેય્ય. મારેતા વાતિ મારેતબ્બો વા. યો વા પન મીયતીતિ યો વા પન મરતિ. નિબ્બિદત્થન્તિ નિબ્બિદાઞાણત્થં. નિબ્બાનત્થાતિ ફલવિમુત્તિ નામેસા અનુપાદાનિબ્બાનત્થાતિ અત્થો. અચ્ચયાસીતિ અતિક્કન્તોસિ. નિબ્બાનોગધન્તિ નિબ્બાને પતિટ્ઠિતં. ઇદં મગ્ગબ્રહ્મચરિયં નામ નિબ્બાનબ્ભન્તરે વુસ્સતિ, ન નિબ્બાનં અતિક્કમિત્વાતિ અત્થો. નિબ્બાનપરિયોસાનન્તિ નિબ્બાનં અસ્સ પરિયોસાનં, નિપ્ફત્તિ નિટ્ઠાતિ અત્થો. પઠમં.
160. Rādhasaṃyuttassa paṭhame māro vā assāti maraṇaṃ vā bhaveyya. Māretā vāti māretabbo vā. Yo vā pana mīyatīti yo vā pana marati. Nibbidatthanti nibbidāñāṇatthaṃ. Nibbānatthāti phalavimutti nāmesā anupādānibbānatthāti attho. Accayāsīti atikkantosi. Nibbānogadhanti nibbāne patiṭṭhitaṃ. Idaṃ maggabrahmacariyaṃ nāma nibbānabbhantare vussati, na nibbānaṃ atikkamitvāti attho. Nibbānapariyosānanti nibbānaṃ assa pariyosānaṃ, nipphatti niṭṭhāti attho. Paṭhamaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૧. મારસુત્તં • 1. Mārasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૧. મારસુત્તવણ્ણના • 1. Mārasuttavaṇṇanā
