| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૩. માતુગામસંયુત્તં
3. Mātugāmasaṃyuttaṃ
૧. પઠમપેય્યાલવગ્ગો
1. Paṭhamapeyyālavaggo
૧-૨. માતુગામસુત્તાદિવણ્ણના
1-2. Mātugāmasuttādivaṇṇanā
૨૮૦-૨૮૧. માતુગામસંયુત્તસ્સ પઠમે અઙ્ગેહીતિ અગુણઙ્ગેહિ. ન ચ રૂપવાતિ ન રૂપસમ્પન્નો વિરૂપો દુદ્દસિકો. ન ચ ભોગવાતિ ન ભોગસમ્પન્નો નિદ્ધનો. ન ચ સીલવાતિ ન સીલસમ્પન્નો દુસ્સીલો. અલસો ચાતિ કન્તનપચનાદીનિ કમ્માનિ કાતું ન સક્કોતિ, કુસીતો આલસિયો નિસિન્નટ્ઠાને નિસિન્નોવ, ઠિતઠાને ઠિતોવ નિદ્દાયતિ એવ. પજઞ્ચસ્સ ન લભતીતિ અસ્સ પુરિસસ્સ કુલવંસપતિટ્ઠાપકં પુત્તં ન લભતિ, વઞ્ઝિત્થી નામ હોતિ. સુક્કપક્ખો વુત્તવિપરિયાયેન વેદિતબ્બો. દુતિયં પઠમે વુત્તનયેનેવ પરિવત્તેતબ્બં.
280-281. Mātugāmasaṃyuttassa paṭhame aṅgehīti aguṇaṅgehi. Na ca rūpavāti na rūpasampanno virūpo duddasiko. Na ca bhogavāti na bhogasampanno niddhano. Na ca sīlavāti na sīlasampanno dussīlo. Alaso cāti kantanapacanādīni kammāni kātuṃ na sakkoti, kusīto ālasiyo nisinnaṭṭhāne nisinnova, ṭhitaṭhāne ṭhitova niddāyati eva. Pajañcassa na labhatīti assa purisassa kulavaṃsapatiṭṭhāpakaṃ puttaṃ na labhati, vañjhitthī nāma hoti. Sukkapakkho vuttavipariyāyena veditabbo. Dutiyaṃ paṭhame vuttanayeneva parivattetabbaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya
૧. માતુગામસુત્તં • 1. Mātugāmasuttaṃ
૨. પુરિસસુત્તં • 2. Purisasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૧-૨. માતુગામસુત્તાદિવણ્ણના • 1-2. Mātugāmasuttādivaṇṇanā
