| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
3. மாதுகா³மஸுத்தங்
3. Mātugāmasuttaṃ
213. ‘‘த³ஸஹி , பி⁴க்க²வே, த⁴ம்மேஹி ஸமன்னாக³தோ மாதுகா³மோ யதா²ப⁴தங் நிக்கி²த்தோ ஏவங் நிரயே. கதமேஹி த³ஸஹி? பாணாதிபாதீ ஹோதி…பே॰… அதி³ன்னாதா³யீ ஹோதி… காமேஸுமிச்சா²சாரீ ஹோதி… முஸாவாதீ³ ஹோதி… பிஸுணவாசோ ஹோதி… ப²ருஸவாசோ ஹோதி… ஸம்ப²ப்பலாபீ ஹோதி… அபி⁴ஜ்ஜா²லு ஹோதி… ப்³யாபன்னசித்தோ ஹோதி… மிச்சா²தி³ட்டி²கோ ஹோதி…. இமேஹி கோ², பி⁴க்க²வே, த³ஸஹி த⁴ம்மேஹி ஸமன்னாக³தோ மாதுகா³மோ யதா²ப⁴தங் நிக்கி²த்தோ ஏவங் நிரயே.
213. ‘‘Dasahi , bhikkhave, dhammehi samannāgato mātugāmo yathābhataṃ nikkhitto evaṃ niraye. Katamehi dasahi? Pāṇātipātī hoti…pe… adinnādāyī hoti… kāmesumicchācārī hoti… musāvādī hoti… pisuṇavāco hoti… pharusavāco hoti… samphappalāpī hoti… abhijjhālu hoti… byāpannacitto hoti… micchādiṭṭhiko hoti…. Imehi kho, bhikkhave, dasahi dhammehi samannāgato mātugāmo yathābhataṃ nikkhitto evaṃ niraye.
‘‘த³ஸஹி, பி⁴க்க²வே, த⁴ம்மேஹி ஸமன்னாக³தோ மாதுகா³மோ யதா²ப⁴தங் நிக்கி²த்தோ ஏவங் ஸக்³கே³. கதமேஹி த³ஸஹி? பாணாதிபாதா படிவிரதோ ஹோதி…பே॰… அதி³ன்னாதா³னா படிவிரதோ ஹோதி… காமேஸுமிச்சா²சாரா படிவிரதோ ஹோதி… முஸாவாதா³ படிவிரதோ ஹோதி… பிஸுணாய வாசாய படிவிரதோ ஹோதி… ப²ருஸாய வாசாய படிவிரதோ ஹோதி… ஸம்ப²ப்பலாபா படிவிரதோ ஹோதி… அனபி⁴ஜ்ஜா²லு ஹோதி… அப்³யாபன்னசித்தோ ஹோதி… ஸம்மாதி³ட்டி²கோ ஹோதி… இமேஹி கோ², பி⁴க்க²வே, த³ஸஹி த⁴ம்மேஹி ஸமன்னாக³தோ மாதுகா³மோ யதா²ப⁴தங் நிக்கி²த்தோ ஏவங் ஸக்³கே³’’தி. ததியங்.
‘‘Dasahi, bhikkhave, dhammehi samannāgato mātugāmo yathābhataṃ nikkhitto evaṃ sagge. Katamehi dasahi? Pāṇātipātā paṭivirato hoti…pe… adinnādānā paṭivirato hoti… kāmesumicchācārā paṭivirato hoti… musāvādā paṭivirato hoti… pisuṇāya vācāya paṭivirato hoti… pharusāya vācāya paṭivirato hoti… samphappalāpā paṭivirato hoti… anabhijjhālu hoti… abyāpannacitto hoti… sammādiṭṭhiko hoti… imehi kho, bhikkhave, dasahi dhammehi samannāgato mātugāmo yathābhataṃ nikkhitto evaṃ sagge’’ti. Tatiyaṃ.
Related texts:
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-536. பட²மனிரயஸக்³க³ஸுத்தாதி³வண்ணனா • 1-536. Paṭhamanirayasaggasuttādivaṇṇanā
