| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
6. மித்தஸுத்தங்
6. Mittasuttaṃ
146. ‘‘பஞ்சஹி, பி⁴க்க²வே, த⁴ம்மேஹி ஸமன்னாக³தோ பி⁴க்கு² மித்தோ ந ஸேவிதப்³போ³. கதமேஹி பஞ்சஹி? கம்மந்தங் காரேதி, அதி⁴கரணங் ஆதி³யதி, பாமொக்கே²ஸு பி⁴க்கூ²ஸு படிவிருத்³தோ⁴ ஹோதி, தீ³க⁴சாரிகங் அனவத்த²சாரிகங் 1 அனுயுத்தோ விஹரதி, நப்படிப³லோ ஹோதி காலேன காலங் த⁴ம்மியா கதா²ய ஸந்த³ஸ்ஸேதுங் ஸமாத³பேதுங் ஸமுத்தேஜேதுங் ஸம்பஹங்ஸேதுங். இமேஹி கோ², பி⁴க்க²வே, பஞ்சஹி த⁴ம்மேஹி ஸமன்னாக³தோ பி⁴க்கு² மித்தோ ந ஸேவிதப்³போ³.
146. ‘‘Pañcahi, bhikkhave, dhammehi samannāgato bhikkhu mitto na sevitabbo. Katamehi pañcahi? Kammantaṃ kāreti, adhikaraṇaṃ ādiyati, pāmokkhesu bhikkhūsu paṭiviruddho hoti, dīghacārikaṃ anavatthacārikaṃ 2 anuyutto viharati, nappaṭibalo hoti kālena kālaṃ dhammiyā kathāya sandassetuṃ samādapetuṃ samuttejetuṃ sampahaṃsetuṃ. Imehi kho, bhikkhave, pañcahi dhammehi samannāgato bhikkhu mitto na sevitabbo.
‘‘பஞ்சஹி, பி⁴க்க²வே, த⁴ம்மேஹி ஸமன்னாக³தோ பி⁴க்கு² மித்தோ ஸேவிதப்³போ³. கதமேஹி பஞ்சஹி? ந கம்மந்தங் காரேதி, ந அதி⁴கரணங் ஆதி³யதி, ந பாமொக்கே²ஸு பி⁴க்கூ²ஸு படிவிருத்³தோ⁴ ஹோதி, ந தீ³க⁴சாரிகங் அனவத்த²சாரிகங் அனுயுத்தோ விஹரதி, படிப³லோ ஹோதி காலேன காலங் த⁴ம்மியா கதா²ய ஸந்த³ஸ்ஸேதுங் ஸமாத³பேதுங் ஸமுத்தேஜேதுங் ஸம்பஹங்ஸேதுங். இமேஹி கோ², பி⁴க்க²வே, பஞ்சஹி த⁴ம்மேஹி ஸமன்னாக³தோ பி⁴க்கு² மித்தோ ஸேவிதப்³போ³’’தி. ச²ட்ட²ங்.
‘‘Pañcahi, bhikkhave, dhammehi samannāgato bhikkhu mitto sevitabbo. Katamehi pañcahi? Na kammantaṃ kāreti, na adhikaraṇaṃ ādiyati, na pāmokkhesu bhikkhūsu paṭiviruddho hoti, na dīghacārikaṃ anavatthacārikaṃ anuyutto viharati, paṭibalo hoti kālena kālaṃ dhammiyā kathāya sandassetuṃ samādapetuṃ samuttejetuṃ sampahaṃsetuṃ. Imehi kho, bhikkhave, pañcahi dhammehi samannāgato bhikkhu mitto sevitabbo’’ti. Chaṭṭhaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 6. மித்தஸுத்தவண்ணனா • 6. Mittasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 4-6. திகண்ட³கீஸுத்தாதி³வண்ணனா • 4-6. Tikaṇḍakīsuttādivaṇṇanā
