| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
3. மித்தஸுத்தவண்ணனா
3. Mittasuttavaṇṇanā
53. ஸஹ அத்தே²ன வத்ததீதி ஸத்தோ², ப⁴ண்ட³மூலங் க³ஹெத்வா வாணிஜ்ஜவஸேன தே³ஸந்தராதீ³ஸு விசரணகஜனஸமூஹோ. தேனாஹ ‘‘ஸத்³தி⁴ங்சரோ’’தி, ஸஹசரணகோதி அத்தோ². மித்தந்தி ஸினேஹயோகே³ன மித்தகிச்சயுத்தங் . இதா⁴தி⁴ப்பேதப்பகாரங் த³ஸ்ஸேதுங் ‘‘ரோகே³ உப்பன்னே’’திஆதி³ வுத்தங். ததா²ரூபேதி ஜிகு³ச்ச²னீயே, து³த்திகிச்சே² வா. யதா² அஸண்டி²தானங் ஸண்டா²பனவஸேன பவஸதோ புரிஸஸ்ஸ போ⁴க³ப்³யஸனே நாத²தா, ஏவங் புத்தஸினேஹவஸேன புத்தஸ்ஸ மாதுயா அந்தோகே³ஹே நாத²தாதி வுத்தங் ‘‘மாதா மித்தங் ஸகே க⁴ரே’’தி. அத்த²ஜாதஸ்ஸாதி உபட்டி²தபயோஜனஸ்ஸாதி அத்தோ²தி ஆஹ ‘‘உப்பன்னகிச்சஸ்ஸா’’தி. ஸம்பராயஹிதந்தி ஸம்பராயே ஹிதாவஹங்.
53. Saha atthena vattatīti sattho, bhaṇḍamūlaṃ gahetvā vāṇijjavasena desantarādīsu vicaraṇakajanasamūho. Tenāha ‘‘saddhiṃcaro’’ti, sahacaraṇakoti attho. Mittanti sinehayogena mittakiccayuttaṃ . Idhādhippetappakāraṃ dassetuṃ ‘‘roge uppanne’’tiādi vuttaṃ. Tathārūpeti jigucchanīye, duttikicche vā. Yathā asaṇṭhitānaṃ saṇṭhāpanavasena pavasato purisassa bhogabyasane nāthatā, evaṃ puttasinehavasena puttassa mātuyā antogehe nāthatāti vuttaṃ ‘‘mātā mittaṃ sake ghare’’ti. Atthajātassāti upaṭṭhitapayojanassāti atthoti āha ‘‘uppannakiccassā’’ti. Samparāyahitanti samparāye hitāvahaṃ.
மித்தஸுத்தவண்ணனா நிட்டி²தா.
Mittasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 3. மித்தஸுத்தங் • 3. Mittasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3. மித்தஸுத்தவண்ணனா • 3. Mittasuttavaṇṇanā
