| Library / Tipiṭaka / திபிடக • Tipiṭaka / இதிவுத்தக-அட்ட²கதா² • Itivuttaka-aṭṭhakathā |
8. மோனெய்யஸுத்தவண்ணனா
8. Moneyyasuttavaṇṇanā
67. அட்ட²மே மோனெய்யானீதி எத்த² இத⁴லோகபரலோகங் அத்தஹிதபரஹிதஞ்ச முனாதீதி முனி, கல்யாணபுது²ஜ்ஜனேன ஸத்³தி⁴ங் ஸத்த ஸெக்கா² அரஹா ச. இத⁴ பன அரஹாவ அதி⁴ப்பேதோ. முனினோ பா⁴வாதி மோனெய்யானி, அரஹதோ காயவசீமனோஸமாசாரா.
67. Aṭṭhame moneyyānīti ettha idhalokaparalokaṃ attahitaparahitañca munātīti muni, kalyāṇaputhujjanena saddhiṃ satta sekkhā arahā ca. Idha pana arahāva adhippeto. Munino bhāvāti moneyyāni, arahato kāyavacīmanosamācārā.
அத² வா முனிபா⁴வகரா மோனெய்யபடிபதா³த⁴ம்மா மோனெய்யானி. தேஸமயங் வித்தா²ரோ –
Atha vā munibhāvakarā moneyyapaṭipadādhammā moneyyāni. Tesamayaṃ vitthāro –
‘‘தத்த² கதமங் காயமோனெய்யங்? திவித⁴காயது³ச்சரிதஸ்ஸ பஹானங் காயமோனெய்யங், திவித⁴ங் காயஸுசரிதங் காயமோனெய்யங், காயாரம்மணே ஞாணங் காயமோனெய்யங், காயபரிஞ்ஞா காயமோனெய்யங், பரிஞ்ஞாஸஹக³தோ மக்³கோ³ காயமோனெய்யங், காயஸ்மிங் ச²ந்த³ராக³ப்பஹானங் காயமோனெய்யங், காயஸங்கா²ரனிரோதா⁴ சதுத்த²ஜ்ஜா²னஸமாபத்தி காயமோனெய்யங்.
‘‘Tattha katamaṃ kāyamoneyyaṃ? Tividhakāyaduccaritassa pahānaṃ kāyamoneyyaṃ, tividhaṃ kāyasucaritaṃ kāyamoneyyaṃ, kāyārammaṇe ñāṇaṃ kāyamoneyyaṃ, kāyapariññā kāyamoneyyaṃ, pariññāsahagato maggo kāyamoneyyaṃ, kāyasmiṃ chandarāgappahānaṃ kāyamoneyyaṃ, kāyasaṅkhāranirodhā catutthajjhānasamāpatti kāyamoneyyaṃ.
‘‘தத்த² கதமங் வசீமோனெய்யங்? சதுப்³பி³த⁴வசீது³ச்சரிதஸ்ஸ பஹானங் வசீமோனெய்யங், சதுப்³பி³த⁴ங் வசீஸுசரிதங், வாசாரம்மணே ஞாணங், வாசாபரிஞ்ஞா, பரிஞ்ஞாஸஹக³தோ மக்³கோ³, வாசாய ச²ந்த³ராக³ப்பஹானங், வசீஸங்கா²ரனிரோதா⁴ து³தியஜ்ஜா²னஸமாபத்தி வசீமோனெய்யங்.
‘‘Tattha katamaṃ vacīmoneyyaṃ? Catubbidhavacīduccaritassa pahānaṃ vacīmoneyyaṃ, catubbidhaṃ vacīsucaritaṃ, vācārammaṇe ñāṇaṃ, vācāpariññā, pariññāsahagato maggo, vācāya chandarāgappahānaṃ, vacīsaṅkhāranirodhā dutiyajjhānasamāpatti vacīmoneyyaṃ.
‘‘தத்த² கதமங் மனோமோனெய்யங்? திவித⁴மனோது³ச்சரிதஸ்ஸ பஹானங் மனோமோனெய்யங், திவித⁴ங் மனோஸுசரிதங், மனாரம்மணே ஞாணங், மனோபரிஞ்ஞா, பரிஞ்ஞாஸஹக³தோ மக்³கோ³, மனஸ்மிங் ச²ந்த³ராக³ப்பஹானங், சித்தஸங்கா²ரனிரோதா⁴ ஸஞ்ஞாவேத³யிதனிரோத⁴ஸமாபத்தி மனோமோனெய்ய’’ந்தி (மஹானி॰ 14; சூளனி॰ மெத்தகூ³மாணவபுச்சா²னித்³தே³ஸ 21).
‘‘Tattha katamaṃ manomoneyyaṃ? Tividhamanoduccaritassa pahānaṃ manomoneyyaṃ, tividhaṃ manosucaritaṃ, manārammaṇe ñāṇaṃ, manopariññā, pariññāsahagato maggo, manasmiṃ chandarāgappahānaṃ, cittasaṅkhāranirodhā saññāvedayitanirodhasamāpatti manomoneyya’’nti (mahāni. 14; cūḷani. mettagūmāṇavapucchāniddesa 21).
நின்ஹாதபாபகந்தி அக்³க³மக்³க³ஜலேன ஸுட்டு² விக்கா²லிதபாபமலங்.
Ninhātapāpakanti aggamaggajalena suṭṭhu vikkhālitapāpamalaṃ.
அட்ட²மஸுத்தவண்ணனா நிட்டி²தா.
Aṭṭhamasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / இதிவுத்தகபாளி • Itivuttakapāḷi / 8. மோனெய்யஸுத்தங் • 8. Moneyyasuttaṃ
