| Library / Tipiṭaka / તિપિટક • Tipiṭaka / વિમતિવિનોદની-ટીકા • Vimativinodanī-ṭīkā |
મુચલિન્દકથાવણ્ણના
Mucalindakathāvaṇṇanā
૫. મુચલિન્દમૂલેતિ એત્થ ચ મુચલિન્દો વુચ્ચતિ નીપરુક્ખો, યો ‘‘નિચુલો’’તિપિ વુચ્ચતિ. ઉપ્પન્નમેઘોતિ સકલચક્કવાળગબ્ભં પૂરેત્વા ઉપ્પન્નો મહામેઘો. વદ્દલિકાતિ વુટ્ઠિયા એવ ઇત્થિલિઙ્ગવસેન નામં. યા ચ સત્તાહં પવત્તત્તા સત્તાહવદ્દલિકાતિ વુત્તાતિ આહ ‘‘સત્તાહં અવિચ્છિન્નવુટ્ઠિકા અહોસી’’તિ. સીતવાતેન દૂસિતં દિનમેતિસ્સા વદ્દલિકાયાતિ સીતવાતદુદ્દિનીતિ આહ ‘‘ઉદકફુસિતસમ્મિસ્સેના’’તિઆદિ. ઉબ્બિદ્ધતા નામ દૂરભાવેન ઉપટ્ઠાનન્તિ આહ ‘‘મેઘવિગમેન દૂરીભૂત’’ન્તિ. ઇન્દનીલમણિ વિય દિબ્બતિ જોતેતીતિ દેવો, આકાસો.
5.Mucalindamūleti ettha ca mucalindo vuccati nīparukkho, yo ‘‘niculo’’tipi vuccati. Uppannameghoti sakalacakkavāḷagabbhaṃ pūretvā uppanno mahāmegho. Vaddalikāti vuṭṭhiyā eva itthiliṅgavasena nāmaṃ. Yā ca sattāhaṃ pavattattā sattāhavaddalikāti vuttāti āha ‘‘sattāhaṃ avicchinnavuṭṭhikā ahosī’’ti. Sītavātena dūsitaṃ dinametissā vaddalikāyāti sītavātaduddinīti āha ‘‘udakaphusitasammissenā’’tiādi. Ubbiddhatā nāma dūrabhāvena upaṭṭhānanti āha ‘‘meghavigamena dūrībhūta’’nti. Indanīlamaṇi viya dibbati jotetīti devo, ākāso.
એતમત્થં વિદિત્વાતિ વિવેકસ્સ સુખભાવં વિદિત્વા. સબ્બસો અસન્તુટ્ઠિસમુચ્છેદકત્તા મગ્ગઞાણાનં ‘‘ચતુમગ્ગઞાણસન્તોસેના’’તિ વુત્તં. અકુપ્પનભાવોતિ અકુજ્ઝનસભાવો.
Etamatthaṃ viditvāti vivekassa sukhabhāvaṃ viditvā. Sabbaso asantuṭṭhisamucchedakattā maggañāṇānaṃ ‘‘catumaggañāṇasantosenā’’ti vuttaṃ. Akuppanabhāvoti akujjhanasabhāvo.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi / ૩. મુચલિન્દકથા • 3. Mucalindakathā
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / મુચલિન્દકથા • Mucalindakathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / મુચલિન્દકથાવણ્ણના • Mucalindakathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / મુચલિન્દકથાવણ્ણના • Mucalindakathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૩. મુચલિન્દકથા • 3. Mucalindakathā
