| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
7. நாக³த³த்தஸுத்தவண்ணனா
7. Nāgadattasuttavaṇṇanā
227. அதிகாலேனாதி அதிவிய புப்³ப³ண்ஹகாலேன, காலஸ்ஸேவாதி அத்தோ². கோடிஸம்முஞ்ஜனியாதி ஸம்முஞ்ஜனிகோடியா, ஸம்முஞ்ஜனியா ஏகதே³ஸேனேவாதி அத்தோ². இமினா ஸம்மஜ்ஜனே அமனாபகாரிதங் த³ஸ்ஸேதி. மஜ்ஜ²ன்ஹிகே வீதிவத்தேதி கி³ஹிஸங்ஸக்³க³வஸேன காலங் வீதினாமெந்தோ மஜ்ஜ²ன்ஹே ப³ஹுவீதிவத்தே. அஞ்ஞேஹி பி⁴க்கூ²ஹீதி நாதிகாலங் பவிட்டே²ஹி. நிஸ்ஸக்கவசனஞ்சேதங். பா⁴யாமி நாக³த³த்தந்தி தஸ்ஸ படிபத்திங் பா⁴யிதப்³ப³ங் கத்வா தே³வதா வத³ந்தீ படிபத்தியங் நியோஜேதி. ஸுப்பக³ப்³ப⁴ந்தி காயபாக³ப்³பி³யாதீ³ஹி அதிவிய ஸமன்னாக³தங்.
227.Atikālenāti ativiya pubbaṇhakālena, kālassevāti attho. Koṭisammuñjaniyāti sammuñjanikoṭiyā, sammuñjaniyā ekadesenevāti attho. Iminā sammajjane amanāpakāritaṃ dasseti. Majjhanhike vītivatteti gihisaṃsaggavasena kālaṃ vītināmento majjhanhe bahuvītivatte. Aññehi bhikkhūhīti nātikālaṃ paviṭṭhehi. Nissakkavacanañcetaṃ. Bhāyāmi nāgadattanti tassa paṭipattiṃ bhāyitabbaṃ katvā devatā vadantī paṭipattiyaṃ niyojeti. Suppagabbhanti kāyapāgabbiyādīhi ativiya samannāgataṃ.
நாக³த³த்தஸுத்தவண்ணனா நிட்டி²தா.
Nāgadattasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. நாக³த³த்தஸுத்தங் • 7. Nāgadattasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. நாக³த³த்தஸுத்தவண்ணனா • 7. Nāgadattasuttavaṇṇanā
