| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૭. નાગદત્તસુત્તવણ્ણના
7. Nāgadattasuttavaṇṇanā
૨૨૭. સત્તમે અતિકાલેનાતિ સબ્બરત્તિં નિદ્દાયિત્વા બલવપચ્ચૂસે કોટિસમ્મુઞ્જનિયા થોકં સમ્મજ્જિત્વા મુખં ધોવિત્વા યાગુભિક્ખાય પાતોવ પવિસતિ. અતિદિવાતિ યાગું આદાય આસનસાલં ગન્ત્વા પિવિત્વા એકસ્મિં ઠાને નિપન્નો નિદ્દાયિત્વા – ‘‘મનુસ્સાનં ભોજનવેલાય પણીતં ભિક્ખં લભિસ્સામી’’તિ ઉપકટ્ઠે મજ્ઝન્હિકે ઉટ્ઠાય ધમ્મકરણેન ઉદકં ગહેત્વા અક્ખીનિ પમજ્જિત્વા પિણ્ડાય ચરિત્વા યાવદત્થં ભુઞ્જિત્વા મજ્ઝન્હિકે વીતિવત્તે પટિક્કમતિ. દિવા ચ આગન્ત્વાતિ અતિકાલે પવિટ્ઠેન નામ અઞ્ઞેહિ ભિક્ખૂહિ પઠમતરં આગન્તબ્બં હોતિ, ત્વં પન અતિવિય દિવા આગન્ત્વા ગતાસીતિ અત્થો. ભાયામિ નાગદત્તન્તિ તં નાગદત્તં અહં ભાયામિ. સુપ્પગબ્ભન્તિ સુટ્ઠુ પગબ્ભં. કુલેસૂતિ ખત્તિયકુલાદિઉપટ્ઠાકકુલેસુ. સત્તમં.
227. Sattame atikālenāti sabbarattiṃ niddāyitvā balavapaccūse koṭisammuñjaniyā thokaṃ sammajjitvā mukhaṃ dhovitvā yāgubhikkhāya pātova pavisati. Atidivāti yāguṃ ādāya āsanasālaṃ gantvā pivitvā ekasmiṃ ṭhāne nipanno niddāyitvā – ‘‘manussānaṃ bhojanavelāya paṇītaṃ bhikkhaṃ labhissāmī’’ti upakaṭṭhe majjhanhike uṭṭhāya dhammakaraṇena udakaṃ gahetvā akkhīni pamajjitvā piṇḍāya caritvā yāvadatthaṃ bhuñjitvā majjhanhike vītivatte paṭikkamati. Divā ca āgantvāti atikāle paviṭṭhena nāma aññehi bhikkhūhi paṭhamataraṃ āgantabbaṃ hoti, tvaṃ pana ativiya divā āgantvā gatāsīti attho. Bhāyāmi nāgadattanti taṃ nāgadattaṃ ahaṃ bhāyāmi. Suppagabbhanti suṭṭhu pagabbhaṃ. Kulesūti khattiyakulādiupaṭṭhākakulesu. Sattamaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૭. નાગદત્તસુત્તં • 7. Nāgadattasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૭. નાગદત્તસુત્તવણ્ણના • 7. Nāgadattasuttavaṇṇanā
