| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૭. નળકલાપીસુત્તવણ્ણના
7. Naḷakalāpīsuttavaṇṇanā
૬૭. સત્તમે કિન્નુ ખો, આવુસોતિ કસ્મા પુચ્છતિ? ‘‘એવં પુટ્ઠો કથં નુ ખો બ્યાકરેય્યા’’તિ. થેરસ્સ અજ્ઝાસયજાનનત્થં. અપિચ અતીતે દ્વે અગ્ગસાવકા ઇમં પઞ્હં વિનિચ્છયિંસૂતિ અનાગતે ભિક્ખૂ જાનિસ્સન્તીતિપિ પુચ્છતિ. ઇદાનેવ ખો મયન્તિ ઇદં થેરો યસ્સ નામરૂપસ્સ વિઞ્ઞાણં પચ્ચયોતિ વુત્તં, તદેવ નામરૂપં વિઞ્ઞાણસ્સ પચ્ચયોતિ વુત્તત્તા આહ . નળકલાપિયોતિ ઇધ પન અયકલાપાદિવસેન ઉપમં અનાહરિત્વા વિઞ્ઞાણનામરૂપાનં અબલદુબ્બલભાવદસ્સનત્થં અયં ઉપમા આભતા.
67. Sattame kinnu kho, āvusoti kasmā pucchati? ‘‘Evaṃ puṭṭho kathaṃ nu kho byākareyyā’’ti. Therassa ajjhāsayajānanatthaṃ. Apica atīte dve aggasāvakā imaṃ pañhaṃ vinicchayiṃsūti anāgate bhikkhū jānissantītipi pucchati. Idāneva kho mayanti idaṃ thero yassa nāmarūpassa viññāṇaṃ paccayoti vuttaṃ, tadeva nāmarūpaṃ viññāṇassa paccayoti vuttattā āha . Naḷakalāpiyoti idha pana ayakalāpādivasena upamaṃ anāharitvā viññāṇanāmarūpānaṃ abaladubbalabhāvadassanatthaṃ ayaṃ upamā ābhatā.
નિરોધો હોતીતિ એત્તકે ઠાને પચ્ચયુપ્પન્નપઞ્ચવોકારભવવસેન દેસના કથિતા. છત્તિંસાય વત્થૂહીતિ હેટ્ઠા વિસ્સજ્જિતેસુ દ્વાદસસુ પદેસુ એકેકસ્મિં તિણ્ણં તિણ્ણં વસેન છત્તિંસાય કારણેહિ. એત્થ ચ પઠમો ધમ્મકથિકગુણો, દુતિયા પટિપત્તિ, તતિયં પટિપત્તિફલં. તત્થ પઠમનયેન દેસનાસમ્પત્તિ કથિતા, દુતિયેન સેક્ખભૂમિ, તતિયેન અસેક્ખભૂમીતિ. સત્તમં.
Nirodho hotīti ettake ṭhāne paccayuppannapañcavokārabhavavasena desanā kathitā. Chattiṃsāya vatthūhīti heṭṭhā vissajjitesu dvādasasu padesu ekekasmiṃ tiṇṇaṃ tiṇṇaṃ vasena chattiṃsāya kāraṇehi. Ettha ca paṭhamo dhammakathikaguṇo, dutiyā paṭipatti, tatiyaṃ paṭipattiphalaṃ. Tattha paṭhamanayena desanāsampatti kathitā, dutiyena sekkhabhūmi, tatiyena asekkhabhūmīti. Sattamaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૭. નળકલાપીસુત્તં • 7. Naḷakalāpīsuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૭. નળકલાપીસુત્તવણ્ણના • 7. Naḷakalāpīsuttavaṇṇanā
