| Library / Tipiṭaka / તિપિટક • Tipiṭaka / કથાવત્થુપાળિ • Kathāvatthupāḷi |
૨૦. વીસતિમવગ્ગો
20. Vīsatimavaggo
(૧૯૫) ૨. ઞાણકથા
(195) 2. Ñāṇakathā
૮૬૩. નત્થિ પુથુજ્જનસ્સ ઞાણન્તિ? આમન્તા. નત્થિ પુથુજ્જનસ્સ પઞ્ઞા પજાનના વિચયો પવિચયો ધમ્મવિચયો સલ્લક્ખણા ઉપલક્ખણા પચ્ચુપલક્ખણાતિ? ન હેવં વત્તબ્બે…પે॰… નનુ અત્થિ પુથુજ્જનસ્સ પઞ્ઞા પજાનના વિચયો…પે॰… પચ્ચુપલક્ખણાતિ? આમન્તા. હઞ્ચિ અત્થિ પુથુજ્જનસ્સ પઞ્ઞા પજાનના વિચયો…પે॰… પચ્ચુપલક્ખણા, નો ચ વત રે વત્તબ્બે – ‘‘નત્થિ પુથુજ્જનસ્સ ઞાણ’’ન્તિ.
863. Natthi puthujjanassa ñāṇanti? Āmantā. Natthi puthujjanassa paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇāti? Na hevaṃ vattabbe…pe… nanu atthi puthujjanassa paññā pajānanā vicayo…pe… paccupalakkhaṇāti? Āmantā. Hañci atthi puthujjanassa paññā pajānanā vicayo…pe… paccupalakkhaṇā, no ca vata re vattabbe – ‘‘natthi puthujjanassa ñāṇa’’nti.
૮૬૪. નત્થિ પુથુજ્જનસ્સ ઞાણન્તિ? આમન્તા. પુથુજ્જનો પઠમં ઝાનં સમાપજ્જેય્યાતિ? આમન્તા. હઞ્ચિ પુથુજ્જનો પઠમં ઝાનં સમાપજ્જેય્ય, નો ચ વત રે વત્તબ્બે – ‘‘નત્થિ પુથુજ્જનસ્સ ઞાણ’’ન્તિ.
864. Natthi puthujjanassa ñāṇanti? Āmantā. Puthujjano paṭhamaṃ jhānaṃ samāpajjeyyāti? Āmantā. Hañci puthujjano paṭhamaṃ jhānaṃ samāpajjeyya, no ca vata re vattabbe – ‘‘natthi puthujjanassa ñāṇa’’nti.
પુથુજ્જનો દુતિયં ઝાનં…પે॰… તતિયં ઝાનં…પે॰… ચતુત્થં ઝાનં…પે॰… આકાસાનઞ્ચાયતનં સમાપજ્જેય્ય, વિઞ્ઞાણઞ્ચાયતનં આકિઞ્ચઞ્ઞાયતનં નેવસઞ્ઞાનાસઞ્ઞાયતનં સમાપજ્જેય્ય, પુથુજ્જનો દાનં દદેય્ય …પે॰… ચીવરં દદેય્ય, પિણ્ડપાતં દદેય્ય, સેનાસનં દદેય્ય, ગિલાનપચ્ચયભેસજ્જપરિક્ખારં દદેય્યાતિ? આમન્તા. હઞ્ચિ પુથુજ્જનો ગિલાનપચ્ચયભેસજ્જપરિક્ખારં દદેય્ય, નો ચ વત રે વત્તબ્બે – નત્થિ પુથુજ્જનસ્સ ઞાણ’’ન્તિ.
Puthujjano dutiyaṃ jhānaṃ…pe… tatiyaṃ jhānaṃ…pe… catutthaṃ jhānaṃ…pe… ākāsānañcāyatanaṃ samāpajjeyya, viññāṇañcāyatanaṃ ākiñcaññāyatanaṃ nevasaññānāsaññāyatanaṃ samāpajjeyya, puthujjano dānaṃ dadeyya …pe… cīvaraṃ dadeyya, piṇḍapātaṃ dadeyya, senāsanaṃ dadeyya, gilānapaccayabhesajjaparikkhāraṃ dadeyyāti? Āmantā. Hañci puthujjano gilānapaccayabhesajjaparikkhāraṃ dadeyya, no ca vata re vattabbe – natthi puthujjanassa ñāṇa’’nti.
૮૬૫. અત્થિ પુથુજ્જનસ્સ ઞાણન્તિ? આમન્તા. પુથુજ્જનો તેન ઞાણેન દુક્ખં પરિજાનાતિ , સમુદયં પજહતિ, નિરોધં સચ્છિકરોતિ, મગ્ગં ભાવેતીતિ? ન હેવં વત્તબ્બે…પે॰….
865. Atthi puthujjanassa ñāṇanti? Āmantā. Puthujjano tena ñāṇena dukkhaṃ parijānāti , samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
ઞાણકથા નિટ્ઠિતા.
Ñāṇakathā niṭṭhitā.
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૨. ઞાણકથાવણ્ણના • 2. Ñāṇakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૨. ઞાણકથાવણ્ણના • 2. Ñāṇakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૨. ઞાણકથાવણ્ણના • 2. Ñāṇakathāvaṇṇanā
