| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
2. நந்த³னவக்³கோ³
2. Nandanavaggo
1. நந்த³னஸுத்தவண்ணனா
1. Nandanasuttavaṇṇanā
11. ‘‘தத்ர ப⁴க³வா’’தி வுத்தே ந ததா² ப்³யஞ்ஜனானங் ஸிலிட்ட²தா, யதா² ‘‘தத்ர கோ² ப⁴க³வா’’தி வுத்தேதி ஆஹ ‘‘ப்³யஞ்ஜனஸிலிட்ட²தாவஸேனா’’தி. பரிஸஜெட்ட²கேதி பரிஸாய ஜெட்ட²கே, யே தஸ்ஸா தே³ஸனாய விஸேஸதோ பா⁴ஜனபூ⁴தா. பரிஸஜெட்ட²கே பி⁴க்கூ²தி சதுபரிஸஜெட்ட²கே பி⁴க்கூ². சதுன்னங் ஹி பரிஸானங் ஜெட்டா² பி⁴க்கு²பரிஸா பட²முப்பன்னத்தா. ஆமந்தேஸீதி ஸம்போ³தே⁴ஸி, ஸம்போ³த⁴னஞ்ச ஜானாபனந்தி ஆஹ ‘‘ஜானாபேஸீ’’தி. ப⁴த³ந்தேதி க³ருகா³ரவஸப்பதிஸ்ஸவவசனமேதங், அத்த²தோ பன ப⁴த³ந்தேதி ப⁴த்³த³ங் தவ ஹோது அத்தனோ நிட்டா²னபரியோஸானத்தா பரேஸஞ்ச ஸந்ததாவஹத்தா. ப⁴க³வதோ பச்சஸ்ஸோஸுந்தி எத்த² ப⁴க³வதோதி ஸாமிவசனங் ஆமந்தனமேவ ஸம்ப³ந்தி⁴அத்த²பத³ங் அபெக்க²தீதி அதி⁴ப்பாயேனாஹ ‘‘ப⁴க³வதோ வசனங் பதிஅஸ்ஸோஸு’’ந்தி. ப⁴க³வதோதி பன இத³ங் பதிஸ்ஸவனஸம்ப³ந்தே⁴ன ஸம்பதா³னவசனங் யதா² ‘‘தே³வத³த்தஸ்ஸ படிஸ்ஸுணாதீ’’தி. யங் பனெத்த² வத்தப்³ப³ங், தங் நிதா³னவக்³க³ஸ்ஸ ஆதி³ஸுத்தவண்ணனாயங் ஆக³மிஸ்ஸதி.
11. ‘‘Tatra bhagavā’’ti vutte na tathā byañjanānaṃ siliṭṭhatā, yathā ‘‘tatra kho bhagavā’’ti vutteti āha ‘‘byañjanasiliṭṭhatāvasenā’’ti. Parisajeṭṭhaketi parisāya jeṭṭhake, ye tassā desanāya visesato bhājanabhūtā. Parisajeṭṭhake bhikkhūti catuparisajeṭṭhake bhikkhū. Catunnaṃ hi parisānaṃ jeṭṭhā bhikkhuparisā paṭhamuppannattā. Āmantesīti sambodhesi, sambodhanañca jānāpananti āha ‘‘jānāpesī’’ti. Bhadanteti garugāravasappatissavavacanametaṃ, atthato pana bhadanteti bhaddaṃ tava hotu attano niṭṭhānapariyosānattā paresañca santatāvahattā. Bhagavato paccassosunti ettha bhagavatoti sāmivacanaṃ āmantanameva sambandhiatthapadaṃ apekkhatīti adhippāyenāha ‘‘bhagavato vacanaṃ patiassosu’’nti. Bhagavatoti pana idaṃ patissavanasambandhena sampadānavacanaṃ yathā ‘‘devadattassa paṭissuṇātī’’ti. Yaṃ panettha vattabbaṃ, taṃ nidānavaggassa ādisuttavaṇṇanāyaṃ āgamissati.
தாவதிங்ஸகாயோதி தாவதிங்ஸஸஞ்ஞிதோ தே³வனிகாயோ. து³தியதே³வலோகோதி ச²ஸு காமலோகேஸு து³தியோ தே³வலோகோ. தெத்திங்ஸ ஜனா ஸஹபுஞ்ஞகாரினோ தத்த² உப்பன்னா, தங்ஸஹசரிதட்டா²னங் தாவதிங்ஸங் , தன்னிவாஸினோபி தாவதிங்ஸனாமகா ஸஹசரணஞாயேனாதி ஆஹ ‘‘மகே⁴ன மாணவேனா’’திஆதி³. அயங் பன கேசிவாதோ³ ப்³யாபன்னோ ஹோதீதி தங் அரோசெந்தேன ‘‘வத³ந்தீ’’தி வுத்தங். ப்³யாபன்னதங் த³ஸ்ஸெந்தோ ‘‘யஸ்மா பனா’’திஆதி³மாஹ. ததா² ஹி வக்க²தி ‘‘ஏவங் ஹி நித்³தோ³ஸங் பத³ங் ஹோதீ’’தி. நாமபண்ணத்தியேவாதி அத்த²னிரபெக்க²த்தா நிருள்ஹஸமஞ்ஞா ஏவ.
Tāvatiṃsakāyoti tāvatiṃsasaññito devanikāyo. Dutiyadevalokoti chasu kāmalokesu dutiyo devaloko. Tettiṃsa janā sahapuññakārino tattha uppannā, taṃsahacaritaṭṭhānaṃ tāvatiṃsaṃ, tannivāsinopi tāvatiṃsanāmakā sahacaraṇañāyenāti āha ‘‘maghena māṇavenā’’tiādi. Ayaṃ pana kecivādo byāpanno hotīti taṃ arocentena ‘‘vadantī’’ti vuttaṃ. Byāpannataṃ dassento ‘‘yasmā panā’’tiādimāha. Tathā hi vakkhati ‘‘evaṃ hi niddosaṃ padaṃ hotī’’ti. Nāmapaṇṇattiyevāti atthanirapekkhattā niruḷhasamaññā eva.
தங் வனந்தி தங் உபவனங். பவிட்டே² பவிட்டே² து³க்க²ப்பத்தேபி அத்தனோ ஸம்பத்தியா நந்த³யதி, பகே³வ அது³க்க²ப்பத்தேதி த³ஸ்ஸேதுங் ‘‘பஞ்சஸு ஹீ’’திஆதி³ வுத்தங். பவேஸிதானந்தி பகொட்ட²வாரேன பவேஸிதானம்பீதி அதி⁴ப்பாயோ. சவனகாலேயேவ தோ²கங் தி³ஸ்ஸமானவிகாரா ஹுத்வா சவந்தி, தே ஸந்தா⁴ய ‘‘ஹிமபிண்டோ³ விய விலீயந்தீ’’தி வுத்தங். யே பன அதி³ஸ்ஸமானவிகாரா ஸஹஸா அந்தரதா⁴யந்தி, தே ஸந்தா⁴ய ‘‘தீ³பஸிகா² விய விஜ்ஜா²யந்தீ’’தி வுத்தந்தி வத³ந்தி. நந்த³யதி பகதியா ஸோமனஸ்ஸிதங் தோ³மனஸ்ஸிதஞ்ச. நந்த³னேதி ஏவங்அன்வத்த²னாமகே உய்யானே. பரிவுதாதி ‘‘தே³வதா’’தி வசனங் உபாதா³ய இத்தி²லிங்க³வஸேன வுத்தங். தே³வபுத்தோ ஹி ஸோ.
Taṃ vananti taṃ upavanaṃ. Paviṭṭhe paviṭṭhe dukkhappattepi attano sampattiyā nandayati, pageva adukkhappatteti dassetuṃ ‘‘pañcasu hī’’tiādi vuttaṃ. Pavesitānanti pakoṭṭhavārena pavesitānampīti adhippāyo. Cavanakāleyeva thokaṃ dissamānavikārā hutvā cavanti, te sandhāya ‘‘himapiṇḍo viya vilīyantī’’ti vuttaṃ. Ye pana adissamānavikārā sahasā antaradhāyanti, te sandhāya ‘‘dīpasikhā viya vijjhāyantī’’ti vuttanti vadanti. Nandayati pakatiyā somanassitaṃ domanassitañca. Nandaneti evaṃanvatthanāmake uyyāne. Parivutāti ‘‘devatā’’ti vacanaṃ upādāya itthiliṅgavasena vuttaṃ. Devaputto hi so.
தி³வி ப⁴வத்தா தி³ப்³பா³தி ஆஹ ‘‘தே³வலோகே நிப்³ப³த்தேஹீ’’தி. காமேதப்³ப³தாய காமப³ந்த⁴னேஹி, ததா² அஞ்ஞமஞ்ஞங் அஸங்கிண்ணஸபா⁴வதாய காமகொட்டா²ஸேஹி. உபேதாதி உபக³தா ஸமன்னாக³தா. பரிசாரயமானாதி பரிரமமானா. இத³ஞ்ஹி பத³ங் அபெக்கி²த்வா ‘‘காமகு³ணேஹீ’’தி கத்தரி கரணவசனங், புரிமானி அபெக்கி²த்வா ஸஹயோகே³. ரமமானா சரந்தீதி கத்வா வுத்தங் ‘‘ரமமானா’’தி. பரிசாரயமானாதி வா பரிதோ ஸமந்ததோ சாரயமானாதி அத்தோ²தி ஆஹ ‘‘இந்த்³ரியானி ஸஞ்சாரயமானா’’தி. பட²மனயே ஹி அனுப⁴வனத்தோ² பரிசரணஸத்³தோ³, து³தியனயே பரிவத்தனத்தோ². ஸோ பனாதி ‘‘தாயங் வேலாய’’ந்தி வுத்தகாலோ. அது⁴னாதி ஸம்பதி. ஸோ விசரீதி ஸம்ப³ந்தோ⁴. காமகு³ணேஹீதி ஹேதும்ஹி கரணவசனங். ஓவுதோதி யதா² தங் ந ஞாயதி, ஏவங் பிஹிதசித்தோ. நிவுதோ பரியோனத்³தோ⁴தி தஸ்ஸேவ வேவசனங். தேனாஹ ‘‘லோகாபி⁴பூ⁴தோ’’தி. ஆஸபி⁴ந்தி ஸெட்ட²ங் ‘‘அக்³கோ³ஹமஸ்மி லோகஸ்ஸா’’திஆதி³னா (தீ³॰ நி॰ 2.31; ம॰ நி॰ 3.207) பா⁴ஸந்தோ போ³தி⁴ஸத்தோ விய.
Divi bhavattā dibbāti āha ‘‘devaloke nibbattehī’’ti. Kāmetabbatāya kāmabandhanehi, tathā aññamaññaṃ asaṃkiṇṇasabhāvatāya kāmakoṭṭhāsehi. Upetāti upagatā samannāgatā. Paricārayamānāti pariramamānā. Idañhi padaṃ apekkhitvā ‘‘kāmaguṇehī’’ti kattari karaṇavacanaṃ, purimāni apekkhitvā sahayoge. Ramamānā carantīti katvā vuttaṃ ‘‘ramamānā’’ti. Paricārayamānāti vā parito samantato cārayamānāti atthoti āha ‘‘indriyāni sañcārayamānā’’ti. Paṭhamanaye hi anubhavanattho paricaraṇasaddo, dutiyanaye parivattanattho. So panāti ‘‘tāyaṃ velāya’’nti vuttakālo. Adhunāti sampati. So vicarīti sambandho. Kāmaguṇehīti hetumhi karaṇavacanaṃ. Ovutoti yathā taṃ na ñāyati, evaṃ pihitacitto. Nivuto pariyonaddhoti tasseva vevacanaṃ. Tenāha ‘‘lokābhibhūto’’ti. Āsabhinti seṭṭhaṃ ‘‘aggohamasmi lokassā’’tiādinā (dī. ni. 2.31; ma. ni. 3.207) bhāsanto bodhisatto viya.
கேவலங் த³ஸ்ஸனங் கிமத்தி²யந்தி ஆஹ – ‘‘யே…பே॰… வஸேனா’’தி, தஸ்மிங் நந்த³னவனே அவட்டி²தகாமபா⁴கா³னுப⁴வனவஸேனாதி அத்தோ². நரதே³வானந்தி புரிஸபூ⁴ததே³வதானங். தேனாஹ ‘‘தே³வபுரிஸான’’ந்தி. அப்பகங் அதி⁴கங் ஊனங் வா க³ணனூபக³ங் நாம ந ஹோதீதி ‘‘திக்க²த்துங் த³ஸன்ன’’ந்தி வுத்தங். ‘‘தெத்திங்ஸான’’ந்தி ஹி வத்தப்³பே³ அயங் ருள்ஹீ. பரிவாரஸங்கா²தேன, ந கித்திஸங்கா²தேனாதி அதி⁴ப்பாயோ. ஸீலாசாராதி³கு³ணனேமித்திகா ஹி கித்தி. ‘‘தாவதிங்ஸா தே³வா தீ³கா⁴யுகா வண்ணவந்தோ ஸுக²ப³ஹுலா’’தி ஏவமாதி³வசனேன யஸே இச்சி²தே அவிஸேஸெத்வாவ ‘‘யஸேன ஸம்பன்னான’’ந்தி ஸக்கா வத்துங்.
Kevalaṃ dassanaṃ kimatthiyanti āha – ‘‘ye…pe… vasenā’’ti, tasmiṃ nandanavane avaṭṭhitakāmabhāgānubhavanavasenāti attho. Naradevānanti purisabhūtadevatānaṃ. Tenāha ‘‘devapurisāna’’nti. Appakaṃ adhikaṃ ūnaṃ vā gaṇanūpagaṃ nāma na hotīti ‘‘tikkhattuṃ dasanna’’nti vuttaṃ. ‘‘Tettiṃsāna’’nti hi vattabbe ayaṃ ruḷhī. Parivārasaṅkhātena, na kittisaṅkhātenāti adhippāyo. Sīlācārādiguṇanemittikā hi kitti. ‘‘Tāvatiṃsā devā dīghāyukā vaṇṇavanto sukhabahulā’’ti evamādivacanena yase icchite avisesetvāva ‘‘yasena sampannāna’’nti sakkā vattuṃ.
அரியஸாவிகாதி ஸோதாபன்னா. ‘‘ஸகதா³கா³மினீ’’தி கேசி. அதி⁴ப்பாயங் விவட்டெத்வாதி யதா² த்வங் அந்த⁴பா³லே மஞ்ஞஸி, த⁴ம்மஸபா⁴வோ ஏவங் ந ஹோதீதி தஸ்ஸா தே³வதாய அதி⁴ப்பாயங் விபரிவத்தெத்வா. ஏகந்ததோ ஸுக²ங் நாம நிப்³பா³னமேவ. காமா ஹி து³க்கா² விபரிணாமத⁴ம்மாதி இமினா அதி⁴ப்பாயேன தஸ்ஸா அதி⁴ப்பாயங் படிக்கி²பித்வா. காமங் சதுத்த²பூ⁴மகாபி ஸங்கா²ரா அனிச்சா ஏவ, தே பன ஸம்மஸனூபகா³ ந ஹொந்தீதி தேபூ⁴மகக்³க³ஹணங் ஸம்மஸனயொக்³கே³ன. ஹுத்வாதி புப்³பே³ அவிஜ்ஜமானா பச்சயஸமவாயேன ப⁴வித்வா உப்பஜ்ஜித்வா. ஏதேன நேஸங் பா⁴வபா⁴கோ³ த³ஸ்ஸிதோ. அபா⁴வத்தே²னாதி ஸரஸனிரோத⁴பூ⁴தேன வித்³த⁴ங்ஸனபா⁴வேன.
Ariyasāvikāti sotāpannā. ‘‘Sakadāgāminī’’ti keci. Adhippāyaṃ vivaṭṭetvāti yathā tvaṃ andhabāle maññasi, dhammasabhāvo evaṃ na hotīti tassā devatāya adhippāyaṃ viparivattetvā. Ekantato sukhaṃ nāma nibbānameva. Kāmā hi dukkhā vipariṇāmadhammāti iminā adhippāyena tassā adhippāyaṃ paṭikkhipitvā. Kāmaṃ catutthabhūmakāpi saṅkhārā aniccā eva, te pana sammasanūpagā na hontīti tebhūmakaggahaṇaṃ sammasanayoggena. Hutvāti pubbe avijjamānā paccayasamavāyena bhavitvā uppajjitvā. Etena nesaṃ bhāvabhāgo dassito. Abhāvatthenāti sarasanirodhabhūtena viddhaṃsanabhāvena.
அனிச்சா அத்³து⁴வா, ததோ ஏவ ‘‘மய்ஹங் இமே ஸுகா²’’தி வா ந இச்சாதி அனிச்சா. உப்பாத³வயஸபா⁴வாதி க²ணே க²ணே உப்பஜ்ஜனநிருஜ்ஜ²னஸபா⁴வா. தேனாஹ ‘‘உப்ப…பே॰… வேவசன’’ந்தி. புரிமஸ்ஸ வா பச்சி²மங் காரணவேவசனந்தி ஆஹ ‘‘யஸ்மா வா’’திஆதி³. தத³னந்தராதி தேஸங் உப்பாத³வயானங் அந்தரே. வேமஜ்ஜ²ட்டா²னந்தி டி²திக்க²ணங் வத³தி. யே பன ‘‘ஸங்கா²ரானங் டி²தி நத்தீ²’’தி வத³ந்தி, தேஸங் தங் மிச்சா². யதா² ஹி தஸ்ஸேவ த⁴ம்மஸ்ஸ உப்பாதா³வத்தா²ய பி⁴ன்னா ப⁴ங்கா³வத்தா² இச்சி²தா, அஞ்ஞதா² அஞ்ஞங் உப்பஜ்ஜதி, அஞ்ஞங் நிருஜ்ஜ²தீதி ஆபஜ்ஜதி, ஏவங் உப்பன்னஸ்ஸ ப⁴ங்கா³பி⁴முகா²வத்தா² இச்சி²தப்³பா³, ஸாவ டி²திக்க²ணோ. ந ஹி உப்பஜ்ஜமானோ பி⁴ஜ்ஜதீதி ஸக்கா விஞ்ஞாதுந்தி. வூபஸமஸங்கா²தந்தி அச்சந்தங் வூபஸமஸங்கா²தங் நிப்³பா³னமேவ ஸுக²ங், ந தயா அதி⁴ப்பேதா காமாதி அதி⁴ப்பாயோ.
Aniccā addhuvā, tato eva ‘‘mayhaṃ ime sukhā’’ti vā na iccāti aniccā. Uppādavayasabhāvāti khaṇe khaṇe uppajjananirujjhanasabhāvā. Tenāha ‘‘uppa…pe… vevacana’’nti. Purimassa vā pacchimaṃ kāraṇavevacananti āha ‘‘yasmā vā’’tiādi. Tadanantarāti tesaṃ uppādavayānaṃ antare. Vemajjhaṭṭhānanti ṭhitikkhaṇaṃ vadati. Ye pana ‘‘saṅkhārānaṃ ṭhiti natthī’’ti vadanti, tesaṃ taṃ micchā. Yathā hi tasseva dhammassa uppādāvatthāya bhinnā bhaṅgāvatthā icchitā, aññathā aññaṃ uppajjati, aññaṃ nirujjhatīti āpajjati, evaṃ uppannassa bhaṅgābhimukhāvatthā icchitabbā, sāva ṭhitikkhaṇo. Na hi uppajjamāno bhijjatīti sakkā viññātunti. Vūpasamasaṅkhātanti accantaṃ vūpasamasaṅkhātaṃ nibbānameva sukhaṃ, na tayā adhippetā kāmāti adhippāyo.
நந்த³னஸுத்தவண்ணனா நிட்டி²தா.
Nandanasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. நந்த³னஸுத்தங் • 1. Nandanasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1. நந்த³னஸுத்தவண்ணனா • 1. Nandanasuttavaṇṇanā
