| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
9-10. நந்தி³க்க²யஸுத்தாதி³வண்ணனா
9-10. Nandikkhayasuttādivaṇṇanā
51-52. நவமத³ஸமேஸூதி ஸுத்தத்³வயங் ஸஹேவ உத்³த⁴டங், த்³வீஸுபி அத்த²வண்ணனாய ஸரிக்க²பா⁴வதோ. நந்த³னட்டே²ன நந்தீ³, ரஞ்ஜனட்டே²ன ராகோ³. ஸதிபி ஸத்³த³த்த²தோ பே⁴தே³ ‘‘இமேஸங் அத்த²தோ நின்னானாகரணதாயா’’தி வத்வாபி பஹாயகத⁴ம்மபே⁴தே³ன பன லப்³ப⁴தேவ பே⁴த³மத்தாதி த³ஸ்ஸேதுங் ‘‘நிப்³பி³தா³னுபஸ்ஸனாய வா’’திஆதி³ வுத்தங். விரஜ்ஜந்தோ ராக³ங் பஜஹதீதி ஸம்ப³ந்தோ⁴. எத்தாவதாதி ‘‘நந்தி³க்க²யா ராக³க்க²யோ’’தி எத்தாவதா. விபஸ்ஸனங் நிட்ட²பெத்வா விபஸ்ஸனாகிச்சஸ்ஸ பரியோஸானேன. ராக³க்க²யாதி வுட்டா²னகா³மினிபரியோஸானாய விபஸ்ஸனாய ராக³ஸ்ஸ கே²பிதத்தா. அனந்தரங் உப்பன்னேன அரியமக்³கே³ன ஸமுச்சே²த³வஸேன நந்தி³க்க²யோதி. தேனாஹ ‘‘இத⁴ மக்³க³ங் த³ஸ்ஸெத்வா’’தி. அனந்தரங் பன உப்பன்னேன அரியப²லேன படிபஸ்ஸத்³தி⁴வஸேன நந்தி³ராக³க்க²யா ஸப்³ப³ங் ஸங்கிலேஸதோ சித்தங் விமுச்சதீதி. தேனாஹ ‘‘ப²லங் த³ஸ்ஸித’’ந்தி.
51-52.Navamadasamesūti suttadvayaṃ saheva uddhaṭaṃ, dvīsupi atthavaṇṇanāya sarikkhabhāvato. Nandanaṭṭhena nandī, rañjanaṭṭhena rāgo. Satipi saddatthato bhede ‘‘imesaṃ atthato ninnānākaraṇatāyā’’ti vatvāpi pahāyakadhammabhedena pana labbhateva bhedamattāti dassetuṃ ‘‘nibbidānupassanāya vā’’tiādi vuttaṃ. Virajjanto rāgaṃ pajahatīti sambandho. Ettāvatāti ‘‘nandikkhayā rāgakkhayo’’ti ettāvatā. Vipassanaṃ niṭṭhapetvā vipassanākiccassa pariyosānena. Rāgakkhayāti vuṭṭhānagāminipariyosānāya vipassanāya rāgassa khepitattā. Anantaraṃ uppannena ariyamaggena samucchedavasena nandikkhayoti. Tenāha ‘‘idha maggaṃ dassetvā’’ti. Anantaraṃ pana uppannena ariyaphalena paṭipassaddhivasena nandirāgakkhayā sabbaṃ saṃkilesato cittaṃ vimuccatīti. Tenāha ‘‘phalaṃ dassita’’nti.
நந்தி³க்க²யஸுத்தாதி³வண்ணனா நிட்டி²தா.
Nandikkhayasuttādivaṇṇanā niṭṭhitā.
அத்ததீ³பவக்³க³வண்ணனா நிட்டி²தா.
Attadīpavaggavaṇṇanā niṭṭhitā.
மூலபண்ணாஸகோ ஸமத்தோ.
Mūlapaṇṇāsako samatto.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
9. நந்தி³க்க²யஸுத்தங் • 9. Nandikkhayasuttaṃ
10. து³தியனந்தி³க்க²யஸுத்தங் • 10. Dutiyanandikkhayasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 9-10. நந்தி³க்க²யஸுத்தாதி³வண்ணனா • 9-10. Nandikkhayasuttādivaṇṇanā
