| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
2. ரத²காரவக்³கோ³
2. Rathakāravaggo
1. ஞாதஸுத்தங்
1. Ñātasuttaṃ
11. ‘‘தீஹி , பி⁴க்க²வே, த⁴ம்மேஹி ஸமன்னாக³தோ ஞாதோ பி⁴க்கு² ப³ஹுஜனஅஹிதாய படிபன்னோ ஹோதி ப³ஹுஜனது³க்கா²ய, ப³ஹுனோ ஜனஸ்ஸ அனத்தா²ய அஹிதாய து³க்கா²ய தே³வமனுஸ்ஸானங். கதமேஹி தீஹி? அனநுலோமிகே காயகம்மே ஸமாத³பேதி, அனநுலோமிகே வசீகம்மே ஸமாத³பேதி, அனநுலோமிகேஸு த⁴ம்மேஸு ஸமாத³பேதி. இமேஹி கோ², பி⁴க்க²வே, தீஹி த⁴ம்மேஹி ஸமன்னாக³தோ ஞாதோ பி⁴க்கு² ப³ஹுஜனஅஹிதாய படிபன்னோ ஹோதி ப³ஹுஜனது³க்கா²ய, ப³ஹுனோ ஜனஸ்ஸ அனத்தா²ய அஹிதாய து³க்கா²ய தே³வமனுஸ்ஸானங்.
11. ‘‘Tīhi , bhikkhave, dhammehi samannāgato ñāto bhikkhu bahujanaahitāya paṭipanno hoti bahujanadukkhāya, bahuno janassa anatthāya ahitāya dukkhāya devamanussānaṃ. Katamehi tīhi? Ananulomike kāyakamme samādapeti, ananulomike vacīkamme samādapeti, ananulomikesu dhammesu samādapeti. Imehi kho, bhikkhave, tīhi dhammehi samannāgato ñāto bhikkhu bahujanaahitāya paṭipanno hoti bahujanadukkhāya, bahuno janassa anatthāya ahitāya dukkhāya devamanussānaṃ.
‘‘தீஹி, பி⁴க்க²வே, த⁴ம்மேஹி ஸமன்னாக³தோ ஞாதோ பி⁴க்கு² ப³ஹுஜனஹிதாய படிபன்னோ ஹோதி ப³ஹுஜனஸுகா²ய, ப³ஹுனோ ஜனஸ்ஸ அத்தா²ய ஹிதாய ஸுகா²ய தே³வமனுஸ்ஸானங். கதமேஹி தீஹி? அனுலோமிகே காயகம்மே ஸமாத³பேதி, அனுலோமிகே வசீகம்மே ஸமாத³பேதி, அனுலோமிகேஸு த⁴ம்மேஸு ஸமாத³பேதி. இமேஹி கோ², பி⁴க்க²வே, தீஹி த⁴ம்மேஹி ஸமன்னாக³தோ ஞாதோ பி⁴க்கு² ப³ஹுஜனஹிதாய படிபன்னோ ஹோதி ப³ஹுஜனஸுகா²ய, ப³ஹுனோ ஜனஸ்ஸ அத்தா²ய ஹிதாய ஸுகா²ய தே³வமனுஸ்ஸான’’ந்தி. பட²மங்.
‘‘Tīhi, bhikkhave, dhammehi samannāgato ñāto bhikkhu bahujanahitāya paṭipanno hoti bahujanasukhāya, bahuno janassa atthāya hitāya sukhāya devamanussānaṃ. Katamehi tīhi? Anulomike kāyakamme samādapeti, anulomike vacīkamme samādapeti, anulomikesu dhammesu samādapeti. Imehi kho, bhikkhave, tīhi dhammehi samannāgato ñāto bhikkhu bahujanahitāya paṭipanno hoti bahujanasukhāya, bahuno janassa atthāya hitāya sukhāya devamanussāna’’nti. Paṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 1. ஞாதஸுத்தவண்ணனா • 1. Ñātasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1. ஞாதஸுத்தவண்ணனா • 1. Ñātasuttavaṇṇanā
