| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૭. નતુમ્હસુત્તવણ્ણના
7. Natumhasuttavaṇṇanā
૩૭. સત્તમે ન તુમ્હાકન્તિ અત્તનિ હિ સતિ અત્તનિયં નામ હોતિ. અત્તાયેવ ચ નત્થિ, તસ્મા ‘‘ન તુમ્હાક’’ન્તિ આહ. નપિ અઞ્ઞેસન્તિ અઞ્ઞો નામ પરેસં અત્તા, તસ્મિં સતિ અઞ્ઞેસં નામ સિયા, સોપિ નત્થિ, તસ્મા ‘‘નપિ અઞ્ઞેસ’’ન્તિ આહ. પુરાણમિદં, ભિક્ખવે, કમ્મન્તિ નયિદં પુરાણકમ્મમેવ, પુરાણકમ્મનિબ્બત્તો પનેસ કાયો, તસ્મા પચ્ચયવોહારેન એવં વુત્તો. અભિસઙ્ખતન્તિઆદિ કમ્મવોહારસ્સેવ વસેન પુરિમલિઙ્ગસભાગતાય વુત્તં, અયં પનેત્થ અત્થો – અભિસઙ્ખતન્તિ પચ્ચયેહિ કતોતિ દટ્ઠબ્બો. અભિસઞ્ચેતયિતન્તિ ચેતનાવત્થુકો ચેતનામૂલકોતિ દટ્ઠબ્બો. વેદનિયન્તિ વેદનિયવત્થૂતિ દટ્ઠબ્બો. સત્તમં.
37. Sattame na tumhākanti attani hi sati attaniyaṃ nāma hoti. Attāyeva ca natthi, tasmā ‘‘na tumhāka’’nti āha. Napi aññesanti añño nāma paresaṃ attā, tasmiṃ sati aññesaṃ nāma siyā, sopi natthi, tasmā ‘‘napi aññesa’’nti āha. Purāṇamidaṃ, bhikkhave, kammanti nayidaṃ purāṇakammameva, purāṇakammanibbatto panesa kāyo, tasmā paccayavohārena evaṃ vutto. Abhisaṅkhatantiādi kammavohārasseva vasena purimaliṅgasabhāgatāya vuttaṃ, ayaṃ panettha attho – abhisaṅkhatanti paccayehi katoti daṭṭhabbo. Abhisañcetayitanti cetanāvatthuko cetanāmūlakoti daṭṭhabbo. Vedaniyanti vedaniyavatthūti daṭṭhabbo. Sattamaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૭. નતુમ્હસુત્તં • 7. Natumhasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૭. નતુમ્હસુત્તવણ્ણના • 7. Natumhasuttavaṇṇanā
