| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
8. நவங்கு³போஸத²ஸுத்தங்
8. Navaṅguposathasuttaṃ
18. ‘‘நவஹி , பி⁴க்க²வே, அங்கே³ஹி ஸமன்னாக³தோ உபோஸதோ² உபவுத்தோ² மஹப்ப²லோ ஹோதி மஹானிஸங்ஸோ மஹாஜுதிகோ மஹாவிப்பா²ரோ. கத²ங் உபவுத்தோ² ச, பி⁴க்க²வே, நவஹங்கே³ஹி ஸமன்னாக³தோ உபோஸதோ² மஹப்ப²லோ ஹோதி மஹானிஸங்ஸோ மஹாஜுதிகோ மஹாவிப்பா²ரோ? இத⁴, பி⁴க்க²வே, அரியஸாவகோ இதி படிஸஞ்சிக்க²தி – ‘யாவஜீவங் அரஹந்தோ பாணாதிபாதங் பஹாய பாணாதிபாதா படிவிரதா நிஹிதத³ண்டா³ நிஹிதஸத்தா² லஜ்ஜீ த³யாபன்னா ஸப்³ப³பாணபூ⁴தஹிதானுகம்பினோ விஹரந்தி; அஹம்பஜ்ஜ இமஞ்ச ரத்திங் இமஞ்ச தி³வஸங் பாணாதிபாதங் பஹாய பாணாதிபாதா படிவிரதோ நிஹிதத³ண்டோ³ நிஹிதஸத்தோ² லஜ்ஜீ த³யாபன்னோ ஸப்³ப³பாணபூ⁴தஹிதானுகம்பீ விஹராமி. இமினாபங்கே³ன 1 அரஹதங் அனுகரோமி; உபோஸதோ² ச மே உபவுத்தோ² ப⁴விஸ்ஸதீ’தி. இமினா பட²மேன அங்கே³ன ஸமன்னாக³தோ ஹோதி…பே॰ ….
18. ‘‘Navahi , bhikkhave, aṅgehi samannāgato uposatho upavuttho mahapphalo hoti mahānisaṃso mahājutiko mahāvipphāro. Kathaṃ upavuttho ca, bhikkhave, navahaṅgehi samannāgato uposatho mahapphalo hoti mahānisaṃso mahājutiko mahāvipphāro? Idha, bhikkhave, ariyasāvako iti paṭisañcikkhati – ‘yāvajīvaṃ arahanto pāṇātipātaṃ pahāya pāṇātipātā paṭiviratā nihitadaṇḍā nihitasatthā lajjī dayāpannā sabbapāṇabhūtahitānukampino viharanti; ahampajja imañca rattiṃ imañca divasaṃ pāṇātipātaṃ pahāya pāṇātipātā paṭivirato nihitadaṇḍo nihitasattho lajjī dayāpanno sabbapāṇabhūtahitānukampī viharāmi. Imināpaṅgena 2 arahataṃ anukaromi; uposatho ca me upavuttho bhavissatī’ti. Iminā paṭhamena aṅgena samannāgato hoti…pe. ….
‘‘‘யாவஜீவங் அரஹந்தோ உச்சாஸயனமஹாஸயனங் பஹாய உச்சாஸயனமஹாஸயனா படிவிரதா நீசஸெய்யங் கப்பெந்தி – மஞ்சகே வா திணஸந்தா²ரகே வா; அஹம்பஜ்ஜ இமஞ்ச ரத்திங் இமஞ்ச தி³வஸங் உச்சாஸயனமஹாஸயனங் பஹாய உச்சாஸயனமஹாஸயனா படிவிரதோ நீசஸெய்யங் கப்பேமி – மஞ்சகே வா திணஸந்தா²ரகே வா. இமினாபங்கே³ன அரஹதங் அனுகரோமி; உபோஸதோ² ச மே உபவுத்தோ² ப⁴விஸ்ஸதீ’தி. இமினா அட்ட²மேன அங்கே³ன ஸமன்னாக³தோ ஹோதி.
‘‘‘Yāvajīvaṃ arahanto uccāsayanamahāsayanaṃ pahāya uccāsayanamahāsayanā paṭiviratā nīcaseyyaṃ kappenti – mañcake vā tiṇasanthārake vā; ahampajja imañca rattiṃ imañca divasaṃ uccāsayanamahāsayanaṃ pahāya uccāsayanamahāsayanā paṭivirato nīcaseyyaṃ kappemi – mañcake vā tiṇasanthārake vā. Imināpaṅgena arahataṃ anukaromi; uposatho ca me upavuttho bhavissatī’ti. Iminā aṭṭhamena aṅgena samannāgato hoti.
‘‘மெத்தாஸஹக³தேன சேதஸா ஏகங் தி³ஸங் ப²ரித்வா விஹரதி, ததா² து³தியங் ததா² ததியங் ததா² சதுத்த²ங். இதி உத்³த⁴மதோ⁴ திரியங் ஸப்³ப³தி⁴ ஸப்³ப³த்ததாய ஸப்³பா³வந்தங் லோகங் மெத்தாஸஹக³தேன சேதஸா விபுலேன மஹக்³க³தேன அப்பமாணேன அவேரேன அப்³யாபஜ்ஜேன 3 ப²ரித்வா விஹரதி. இமினா நவமேன அங்கே³ன ஸமன்னாக³தோ ஹோதி. ஏவங் உபவுத்தோ² கோ², பி⁴க்க²வே, நவஹங்கே³ஹி ஸமன்னாக³தோ உபோஸதோ² மஹப்ப²லோ ஹோதி மஹானிஸங்ஸோ மஹாஜுதிகோ மஹாவிப்பா²ரோ’’தி. அட்ட²மங்.
‘‘Mettāsahagatena cetasā ekaṃ disaṃ pharitvā viharati, tathā dutiyaṃ tathā tatiyaṃ tathā catutthaṃ. Iti uddhamadho tiriyaṃ sabbadhi sabbattatāya sabbāvantaṃ lokaṃ mettāsahagatena cetasā vipulena mahaggatena appamāṇena averena abyāpajjena 4 pharitvā viharati. Iminā navamena aṅgena samannāgato hoti. Evaṃ upavuttho kho, bhikkhave, navahaṅgehi samannāgato uposatho mahapphalo hoti mahānisaṃso mahājutiko mahāvipphāro’’ti. Aṭṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 7-8. குலஸுத்தாதி³வண்ணனா • 7-8. Kulasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 5-9. க³ண்ட³ஸுத்தாதி³வண்ணனா • 5-9. Gaṇḍasuttādivaṇṇanā
