| Library / Tipiṭaka / તિપિટક • Tipiṭaka / પઞ્ચપકરણ-અનુટીકા • Pañcapakaraṇa-anuṭīkā |
૧. માતિકાવણ્ણના
1. Mātikāvaṇṇanā
૧. નયમાતિકાવણ્ણના
1. Nayamātikāvaṇṇanā
૧. ચુદ્દસવિધેનાતિ ચુદ્દસપ્પકારેન, ચુદ્દસહિ પદેહીતિ અત્થો. તત્થ ‘‘સઙ્ગહો અસઙ્ગહો’’તિ ઇદમેકં પદં, તથા ‘‘સમ્પયોગો વિપ્પયોગો’’તિ. ‘‘સઙ્ગહિતેન સમ્પયુત્તં વિપ્પયુત્ત’’ન્તિઆદીનિ પન તીણિ તીણિ પદાનિ એકેકં પદં. ઇતરેસુ પદવિભાગો સુવિઞ્ઞેય્યોવ. એતેહીતિ સઙ્ગહાદિપ્પકારેહિ. નયનં પાપનં, તં પન પવત્તનં ઞાપનઞ્ચ હોતીતિ ‘‘પવત્તીયતિ ઞાયન્તી’’તિ ચ દ્વિધાપિ અત્થો વુત્તો. નયા એવ ઉદ્દિસિયમાના માતિકા. અત્થદ્વયેપિ પવત્તનઞાણકિરિયાનં કરણભાવેન સઙ્ગહાદિપ્પકારા નયાતિ વુત્તા. તેનાહ અટ્ઠકથાયં ‘‘ઇમિના સઙ્ગહાદિકેન નયેના’’તિ (ધાતુ॰ અટ્ઠ॰ ૧). પદાનન્તિ અત્થદીપકાનં વચનાનં. પજ્જતિ એતેન અત્થોતિ હિ પદં. પદાનન્તિ ચ સંસામિસમ્બન્ધે સામિવચનં, પકરણસ્સાતિ પન અવયવાવયવીસમ્બન્ધે.
1. Cuddasavidhenāti cuddasappakārena, cuddasahi padehīti attho. Tattha ‘‘saṅgaho asaṅgaho’’ti idamekaṃ padaṃ, tathā ‘‘sampayogo vippayogo’’ti. ‘‘Saṅgahitena sampayuttaṃ vippayutta’’ntiādīni pana tīṇi tīṇi padāni ekekaṃ padaṃ. Itaresu padavibhāgo suviññeyyova. Etehīti saṅgahādippakārehi. Nayanaṃ pāpanaṃ, taṃ pana pavattanaṃ ñāpanañca hotīti ‘‘pavattīyati ñāyantī’’ti ca dvidhāpi attho vutto. Nayā eva uddisiyamānā mātikā. Atthadvayepi pavattanañāṇakiriyānaṃ karaṇabhāvena saṅgahādippakārā nayāti vuttā. Tenāha aṭṭhakathāyaṃ ‘‘iminā saṅgahādikena nayenā’’ti (dhātu. aṭṭha. 1). Padānanti atthadīpakānaṃ vacanānaṃ. Pajjati etena atthoti hi padaṃ. Padānanti ca saṃsāmisambandhe sāmivacanaṃ, pakaraṇassāti pana avayavāvayavīsambandhe.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / ધાતુકથાપાળિ • Dhātukathāpāḷi / ૧. નયમાતિકા • 1. Nayamātikā
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૧. નયમાતિકાવણ્ણના • 1. Nayamātikāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૧. નયમાતિકાવણ્ણના • 1. Nayamātikāvaṇṇanā
