| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
9. நிப்³பா³னஸுத்தங்
9. Nibbānasuttaṃ
179. அத² கோ² ஆயஸ்மா ஆனந்தோ³ யேனாயஸ்மா ஸாரிபுத்தோ தேனுபஸங்கமி; உபஸங்கமித்வா ஆயஸ்மதா ஸாரிபுத்தேன ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா ஆனந்தோ³ ஆயஸ்மந்தங் ஸாரிபுத்தங் ஏதத³வோச – ‘‘கோ நு கோ², ஆவுஸோ ஸாரிபுத்த, ஹேது கோ பச்சயோ, யேன மிதே⁴கச்சே ஸத்தா தி³ட்டே²வ த⁴ம்மே ந பரினிப்³பா³யந்தீ’’தி?
179. Atha kho āyasmā ānando yenāyasmā sāriputto tenupasaṅkami; upasaṅkamitvā āyasmatā sāriputtena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho āyasmā ānando āyasmantaṃ sāriputtaṃ etadavoca – ‘‘ko nu kho, āvuso sāriputta, hetu ko paccayo, yena midhekacce sattā diṭṭheva dhamme na parinibbāyantī’’ti?
‘‘இதா⁴வுஸோ ஆனந்த³, ஸத்தா இமா ஹானபா⁴கி³யா ஸஞ்ஞாதி யதா²பூ⁴தங் நப்பஜானந்தி, இமா டி²திபா⁴கி³யா ஸஞ்ஞாதி யதா²பூ⁴தங் நப்பஜானந்தி, இமா விஸேஸபா⁴கி³யா ஸஞ்ஞாதி யதா²பூ⁴தங் நப்பஜானந்தி, இமா நிப்³பே³த⁴பா⁴கி³யா ஸஞ்ஞாதி யதா²பூ⁴தங் நப்பஜானந்தி. அயங் கோ², ஆவுஸோ ஆனந்த³, ஹேது அயங் பச்சயோ, யேன மிதே⁴கச்சே ஸத்தா தி³ட்டே²வ த⁴ம்மே ந பரினிப்³பா³யந்தீ’’தி.
‘‘Idhāvuso ānanda, sattā imā hānabhāgiyā saññāti yathābhūtaṃ nappajānanti, imā ṭhitibhāgiyā saññāti yathābhūtaṃ nappajānanti, imā visesabhāgiyā saññāti yathābhūtaṃ nappajānanti, imā nibbedhabhāgiyā saññāti yathābhūtaṃ nappajānanti. Ayaṃ kho, āvuso ānanda, hetu ayaṃ paccayo, yena midhekacce sattā diṭṭheva dhamme na parinibbāyantī’’ti.
‘‘கோ பனாவுஸோ ஸாரிபுத்த, ஹேது கோ பச்சயோ, யேன மிதே⁴கச்சே ஸத்தா தி³ட்டே²வ த⁴ம்மே பரினிப்³பா³யந்தீ’’தி? ‘‘இதா⁴வுஸோ ஆனந்த³, ஸத்தா இமா ஹானபா⁴கி³யா ஸஞ்ஞாதி யதா²பூ⁴தங் பஜானந்தி, இமா டி²திபா⁴கி³யா ஸஞ்ஞாதி யதா²பூ⁴தங் பஜானந்தி, இமா விஸேஸபா⁴கி³யா ஸஞ்ஞாதி யதா²பூ⁴தங் பஜானந்தி, இமா நிப்³பே³த⁴பா⁴கி³யா ஸஞ்ஞாதி யதா²பூ⁴தங் பஜானந்தி. அயங் கோ², ஆவுஸோ ஆனந்த³, ஹேது அயங் பச்சயோ, யேன மிதே⁴கச்சே ஸத்தா தி³ட்டே²வ த⁴ம்மே பரினிப்³பா³யந்தீ’’தி. நவமங்.
‘‘Ko panāvuso sāriputta, hetu ko paccayo, yena midhekacce sattā diṭṭheva dhamme parinibbāyantī’’ti? ‘‘Idhāvuso ānanda, sattā imā hānabhāgiyā saññāti yathābhūtaṃ pajānanti, imā ṭhitibhāgiyā saññāti yathābhūtaṃ pajānanti, imā visesabhāgiyā saññāti yathābhūtaṃ pajānanti, imā nibbedhabhāgiyā saññāti yathābhūtaṃ pajānanti. Ayaṃ kho, āvuso ānanda, hetu ayaṃ paccayo, yena midhekacce sattā diṭṭheva dhamme parinibbāyantī’’ti. Navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 9. நிப்³பா³னஸுத்தவண்ணனா • 9. Nibbānasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 9. நிப்³பா³னஸுத்தவண்ணனா • 9. Nibbānasuttavaṇṇanā
