| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૧૧. નિરામિસસુત્તવણ્ણના
11. Nirāmisasuttavaṇṇanā
૨૭૯. એકાદસમે સામિસાતિ કિલેસામિસેન સામિસા. નિરામિસતરાતિ નિરામિસાયપિ ઝાનપીતિયા નિરામિસતરાવ. નનુ ચ દ્વીસુ ઝાનેસુ પીતિ મહગ્ગતાપિ હોતિ લોકુત્તરાપિ, પચ્ચવેક્ખણપીતિ લોકિયાવ, સા કસ્મા નિરામિસતરા જાતાતિ? સન્તપણીતધમ્મપચ્ચવેક્ખણવસેન ઉપ્પન્નત્તા. યથા હિ રાજવલ્લભો ચૂળુપટ્ઠાકો અપ્પટિહારિકં યથાસુખં રાજકુલં પવિસન્તો સેટ્ઠિસેનાપતિઆદયો પાદેન પહરન્તોપિ ન ગણેતિ. કસ્મા? રઞ્ઞો આસન્નપરિચારકત્તા. ઇતિ સો તેહિ ઉત્તરિતરો હોતિ, એવમયમ્પિ સન્તપણીતધમ્મપચ્ચવેક્ખણવસેન ઉપ્પન્નત્તા લોકુત્તરપીતિતોપિ ઉત્તરિતરાતિ વેદિતબ્બા. સેસવારેસુપિ એસેવ નયો.
279. Ekādasame sāmisāti kilesāmisena sāmisā. Nirāmisatarāti nirāmisāyapi jhānapītiyā nirāmisatarāva. Nanu ca dvīsu jhānesu pīti mahaggatāpi hoti lokuttarāpi, paccavekkhaṇapīti lokiyāva, sā kasmā nirāmisatarā jātāti? Santapaṇītadhammapaccavekkhaṇavasena uppannattā. Yathā hi rājavallabho cūḷupaṭṭhāko appaṭihārikaṃ yathāsukhaṃ rājakulaṃ pavisanto seṭṭhisenāpatiādayo pādena paharantopi na gaṇeti. Kasmā? Rañño āsannaparicārakattā. Iti so tehi uttaritaro hoti, evamayampi santapaṇītadhammapaccavekkhaṇavasena uppannattā lokuttarapītitopi uttaritarāti veditabbā. Sesavāresupi eseva nayo.
વિમોક્ખવારે પન રૂપપટિસંયુત્તો વિમોક્ખો અત્તનો આરમ્મણભૂતેન રૂપામિસવસેનેવ સામિસો નામ, અરૂપપટિસંયુત્તો રૂપામિસાભાવેન નિરામિસો નામાતિ.
Vimokkhavāre pana rūpapaṭisaṃyutto vimokkho attano ārammaṇabhūtena rūpāmisavaseneva sāmiso nāma, arūpapaṭisaṃyutto rūpāmisābhāvena nirāmiso nāmāti.
વેદનાસંયુત્તવણ્ણના નિટ્ઠિતા.
Vedanāsaṃyuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૧૧. નિરામિસસુત્તં • 11. Nirāmisasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૧૧. નિરામિસસુત્તવણ્ણના • 11. Nirāmisasuttavaṇṇanā
