| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
7. பச்சயஸுத்தவண்ணனா
7. Paccayasuttavaṇṇanā
27. படிபாடியாதி படிபாடியா ட²பனேன. சதுஸச்சயோஜனங் த³ஸ்ஸேதுங் பரியோஸான…பே॰… ஆதி³ வுத்தங். து³க்க²ஸச்சவஸேனாதி பரிஞ்ஞெய்யபா⁴வவஸேன. ஜராமரணாபதே³ஸேன ஹி பஞ்சுபாதா³னக்க²ந்தா⁴ வுத்தா, தே சஸ்ஸ அத்தனோ ப²லஸ்ஸ பச்சயா ந ஹொந்தி. தங் ஸந்தா⁴ய வுத்தங் ‘‘பச்சயங் ஜானாதீ’’தி. வினெய்யஜ்ஜா²ஸயவஸேன ஹெத்த² தே³ஸனா பவத்தா. ஸம்பன்னோதி ஸமன்னாக³தோ. ஆக³தோதி உபக³தோ, அதி⁴க³தோதி அத்தோ². பஸ்ஸதீதி பச்சவெக்க²ணஞாணேன பச்சக்க²தோ பஸ்ஸதி, மக்³க³பஞ்ஞாய ஏவங் அஸம்மோஹபடிவேத⁴வஸேன பஸ்ஸதி. மக்³க³ஞாணேனேவ, ந ப²லஞாணேன. த⁴ம்மஸோதங் ஸமாபன்னோதி அரியத⁴ம்மஸோதங் ஸம்மதே³வ ஆபன்னோ பத்தோ. அனயே நஇரியனதோ, அயே ச இரியனதோ, ஸதே³வகேன ச லோகேன ‘‘ஸரண’’ந்தி அகரணீயதோ அரியபக்க²ங் ப⁴ஜந்தோ புது²ஜ்ஜனபூ⁴மிங் அதிக்கந்தோ. நிப்³பே³தி⁴கபஞ்ஞாயாதி சதுன்னங் அரியஸச்சானங் நிப்³பி³ஜ்ஜ²னகபஞ்ஞாய. ஆஹச்ச திட்ட²தி மக்³க³க்க²ணே, ப²லக்க²ணே பன ஆஹச்ச டி²தோ நாம.
27.Paṭipāṭiyāti paṭipāṭiyā ṭhapanena. Catusaccayojanaṃ dassetuṃ pariyosāna…pe… ādi vuttaṃ. Dukkhasaccavasenāti pariññeyyabhāvavasena. Jarāmaraṇāpadesena hi pañcupādānakkhandhā vuttā, te cassa attano phalassa paccayā na honti. Taṃ sandhāya vuttaṃ ‘‘paccayaṃ jānātī’’ti. Vineyyajjhāsayavasena hettha desanā pavattā. Sampannoti samannāgato. Āgatoti upagato, adhigatoti attho. Passatīti paccavekkhaṇañāṇena paccakkhato passati, maggapaññāya evaṃ asammohapaṭivedhavasena passati. Maggañāṇeneva, na phalañāṇena. Dhammasotaṃ samāpannoti ariyadhammasotaṃ sammadeva āpanno patto. Anaye nairiyanato, aye ca iriyanato, sadevakena ca lokena ‘‘saraṇa’’nti akaraṇīyato ariyapakkhaṃ bhajanto puthujjanabhūmiṃ atikkanto. Nibbedhikapaññāyāti catunnaṃ ariyasaccānaṃ nibbijjhanakapaññāya. Āhacca tiṭṭhati maggakkhaṇe, phalakkhaṇe pana āhacca ṭhito nāma.
பச்சயஸுத்தவண்ணனா நிட்டி²தா.
Paccayasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. பச்சயஸுத்தங் • 7. Paccayasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. பச்சயஸுத்தவண்ணனா • 7. Paccayasuttavaṇṇanā
