| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૭. પચ્ચયસુત્તવણ્ણના
7. Paccayasuttavaṇṇanā
૨૭-૨૮. સત્તમે પટિપાટિયા વુત્તેસુ પરિયોસાનપદં ગહેત્વા કતમઞ્ચ, ભિક્ખવે, જરામરણન્તિઆદિ વુત્તં. એવં પચ્ચયં પજાનાતીતિ એવં દુક્ખસચ્ચવસેન પચ્ચયં જાનાતિ. પચ્ચયસમુદયાદયોપિ સમુદયસચ્ચાદીનંયેવ વસેન વેદિતબ્બા. દિટ્ઠિસમ્પન્નોતિ મગ્ગદિટ્ઠિયા સમ્પન્નો. દસ્સનસમ્પન્નોતિ તસ્સેવ વેવચનં. આગતો ઇમં સદ્ધમ્મન્તિ મગ્ગસદ્ધમ્મં આગતો. પસ્સતીતિ મગ્ગસદ્ધમ્મમેવ પસ્સતિ. સેક્ખેન ઞાણેનાતિ મગ્ગઞાણેનેવ. સેક્ખાય વિજ્જાયાતિ મગ્ગવિજ્જાય એવ. ધમ્મસોતં સમાપન્નોતિ મગ્ગસઙ્ખાતમેવ ધમ્મસોતં સમાપન્નો. અરિયોતિ પુથુજ્જનભૂમિં અતિક્કન્તો. નિબ્બેધિકપઞ્ઞોતિ નિબ્બેધિકપઞ્ઞાય સમન્નાગતો. અમતદ્વારં આહચ્ચ તિટ્ઠતીતિ અમતં નામ નિબ્બાનં, તસ્સ દ્વારં અરિયમગ્ગં આહચ્ચ તિટ્ઠતીતિ. અટ્ઠમં ઉત્તાનમેવ. સત્તમઅટ્ઠમાનિ.
27-28. Sattame paṭipāṭiyā vuttesu pariyosānapadaṃ gahetvā katamañca, bhikkhave, jarāmaraṇantiādi vuttaṃ. Evaṃ paccayaṃ pajānātīti evaṃ dukkhasaccavasena paccayaṃ jānāti. Paccayasamudayādayopi samudayasaccādīnaṃyeva vasena veditabbā. Diṭṭhisampannoti maggadiṭṭhiyā sampanno. Dassanasampannoti tasseva vevacanaṃ. Āgato imaṃ saddhammanti maggasaddhammaṃ āgato. Passatīti maggasaddhammameva passati. Sekkhena ñāṇenāti maggañāṇeneva. Sekkhāya vijjāyāti maggavijjāya eva. Dhammasotaṃ samāpannoti maggasaṅkhātameva dhammasotaṃ samāpanno. Ariyoti puthujjanabhūmiṃ atikkanto. Nibbedhikapaññoti nibbedhikapaññāya samannāgato. Amatadvāraṃ āhaccatiṭṭhatīti amataṃ nāma nibbānaṃ, tassa dvāraṃ ariyamaggaṃ āhacca tiṭṭhatīti. Aṭṭhamaṃ uttānameva. Sattamaaṭṭhamāni.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya
૭. પચ્ચયસુત્તં • 7. Paccayasuttaṃ
૮. ભિક્ખુસુત્તં • 8. Bhikkhusuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā)
૭. પચ્ચયસુત્તવણ્ણના • 7. Paccayasuttavaṇṇanā
૮. ભિક્ખુસુત્તવણ્ણના • 8. Bhikkhusuttavaṇṇanā
