| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
2. பச்சா²ஸமணஸுத்தங்
2. Pacchāsamaṇasuttaṃ
112. ‘‘பஞ்சஹி, பி⁴க்க²வே, த⁴ம்மேஹி ஸமன்னாக³தோ பச்சா²ஸமணோ ந ஆதா³தப்³போ³. கதமேஹி பஞ்சஹி? அதிதூ³ரே வா க³ச்ச²தி அச்சாஸன்னே வா , ந பத்தபரியாபன்னங் க³ண்ஹதி, ஆபத்திஸாமந்தா ப⁴ணமானங் ந நிவாரேதி, ப⁴ணமானஸ்ஸ அந்தரந்தரா கத²ங் ஓபாதேதி, து³ப்பஞ்ஞோ ஹோதி ஜளோ ஏளமூகோ³. இமேஹி கோ², பி⁴க்க²வே, பஞ்சஹி த⁴ம்மேஹி ஸமன்னாக³தோ பச்சா²ஸமணோ ந ஆதா³தப்³போ³.
112. ‘‘Pañcahi, bhikkhave, dhammehi samannāgato pacchāsamaṇo na ādātabbo. Katamehi pañcahi? Atidūre vā gacchati accāsanne vā , na pattapariyāpannaṃ gaṇhati, āpattisāmantā bhaṇamānaṃ na nivāreti, bhaṇamānassa antarantarā kathaṃ opāteti, duppañño hoti jaḷo eḷamūgo. Imehi kho, bhikkhave, pañcahi dhammehi samannāgato pacchāsamaṇo na ādātabbo.
‘‘பஞ்சஹி, பி⁴க்க²வே, த⁴ம்மேஹி ஸமன்னாக³தோ பச்சா²ஸமணோ ஆதா³தப்³போ³. கதமேஹி பஞ்சஹி? நாதிதூ³ரே க³ச்ச²தி ந அச்சாஸன்னே, பத்தபரியாபன்னங் க³ண்ஹதி, ஆபத்திஸாமந்தா ப⁴ணமானங் நிவாரேதி , ப⁴ணமானஸ்ஸ ந அந்தரந்தரா கத²ங் ஓபாதேதி, பஞ்ஞவா ஹோதி அஜளோ அனேளமூகோ³. இமேஹி கோ², பி⁴க்க²வே, பஞ்சஹி த⁴ம்மேஹி ஸமன்னாக³தோ பச்சா²ஸமணோ ஆதா³தப்³போ³’’தி. து³தியங்.
‘‘Pañcahi, bhikkhave, dhammehi samannāgato pacchāsamaṇo ādātabbo. Katamehi pañcahi? Nātidūre gacchati na accāsanne, pattapariyāpannaṃ gaṇhati, āpattisāmantā bhaṇamānaṃ nivāreti , bhaṇamānassa na antarantarā kathaṃ opāteti, paññavā hoti ajaḷo aneḷamūgo. Imehi kho, bhikkhave, pañcahi dhammehi samannāgato pacchāsamaṇo ādātabbo’’ti. Dutiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 2. பச்சா²ஸமணஸுத்தவண்ணனா • 2. Pacchāsamaṇasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-4. குலூபகஸுத்தாதி³வண்ணனா • 1-4. Kulūpakasuttādivaṇṇanā
