| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
2. பதா⁴னஸுத்தங்
2. Padhānasuttaṃ
2. ‘‘த்³வேமானி, பி⁴க்க²வே, பதா⁴னானி து³ரபி⁴ஸம்ப⁴வானி லோகஸ்மிங். கதமானி த்³வே? யஞ்ச கி³ஹீனங் அகா³ரங் அஜ்ஜா²வஸதங் சீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரானுப்பதா³னத்த²ங் பதா⁴னங், யஞ்ச அகா³ரஸ்மா அனகா³ரியங் பப்³ப³ஜிதானங் ஸப்³பூ³பதி⁴படினிஸ்ஸக்³க³த்த²ங் பதா⁴னங். இமானி கோ², பி⁴க்க²வே, த்³வே பதா⁴னானி து³ரபி⁴ஸம்ப⁴வானி லோகஸ்மிங்.
2. ‘‘Dvemāni, bhikkhave, padhānāni durabhisambhavāni lokasmiṃ. Katamāni dve? Yañca gihīnaṃ agāraṃ ajjhāvasataṃ cīvarapiṇḍapātasenāsanagilānapaccayabhesajjaparikkhārānuppadānatthaṃ padhānaṃ, yañca agārasmā anagāriyaṃ pabbajitānaṃ sabbūpadhipaṭinissaggatthaṃ padhānaṃ. Imāni kho, bhikkhave, dve padhānāni durabhisambhavāni lokasmiṃ.
‘‘ஏதத³க்³க³ங், பி⁴க்க²வே, இமேஸங் த்³வின்னங் பதா⁴னானங் யதி³த³ங் ஸப்³பூ³பதி⁴படினிஸ்ஸக்³க³த்த²ங் பதா⁴னங். தஸ்மாதிஹ, பி⁴க்க²வே, ஏவங் ஸிக்கி²தப்³ப³ங் – ‘ஸப்³பூ³பதி⁴படினிஸ்ஸக்³க³த்த²ங் பதா⁴னங் பத³ஹிஸ்ஸாமா’தி. ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. து³தியங்.
‘‘Etadaggaṃ, bhikkhave, imesaṃ dvinnaṃ padhānānaṃ yadidaṃ sabbūpadhipaṭinissaggatthaṃ padhānaṃ. Tasmātiha, bhikkhave, evaṃ sikkhitabbaṃ – ‘sabbūpadhipaṭinissaggatthaṃ padhānaṃ padahissāmā’ti. Evañhi vo, bhikkhave, sikkhitabba’’nti. Dutiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 2. பதா⁴னஸுத்தவண்ணனா • 2. Padhānasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 2. பதா⁴னஸுத்தவண்ணனா • 2. Padhānasuttavaṇṇanā
