| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
9. பஹானஸுத்தங்
9. Pahānasuttaṃ
9. ‘‘ஸத்தன்னங் , பி⁴க்க²வே, ஸங்யோஜனானங் பஹானாய ஸமுச்சே²தா³ய ப்³ரஹ்மசரியங் வுஸ்ஸதி. கதமேஸங் ஸத்தன்னங்? அனுனயஸங்யோஜனஸ்ஸ பஹானாய ஸமுச்சே²தா³ய ப்³ரஹ்மசரியங் வுஸ்ஸதி, படிக⁴ஸங்யோஜனஸ்ஸ…பே॰… தி³ட்டி²ஸங்யோஜனஸ்ஸ… விசிகிச்சா²ஸங்யோஜனஸ்ஸ… மானஸங்யோஜனஸ்ஸ… ப⁴வராக³ஸங்யோஜனஸ்ஸ … அவிஜ்ஜாஸங்யோஜனஸ்ஸ பஹானாய ஸமுச்சே²தா³ய ப்³ரஹ்மசரியங் வுஸ்ஸதி. இமேஸங் கோ², பி⁴க்க²வே, ஸத்தன்னங் ஸங்யோஜனானங் பஹானாய ஸமுச்சே²தா³ய ப்³ரஹ்மசரியங் வுஸ்ஸதி. யதோ ச கோ², பி⁴க்க²வே, பி⁴க்கு²னோ அனுனயஸங்யோஜனங் பஹீனங் ஹோதி உச்சி²ன்னமூலங் தாலாவத்து²கதங் அனபா⁴வங் கதங் ஆயதிங் அனுப்பாத³த⁴ம்மங். படிக⁴ஸங்யோஜனங்…பே॰… தி³ட்டி²ஸங்யோஜனங்… விசிகிச்சா²ஸங்யோஜனங்… மானஸங்யோஜனங்… ப⁴வராக³ஸங்யோஜனங்… அவிஜ்ஜாஸங்யோஜனங் பஹீனங் ஹோதி உச்சி²ன்னமூலங் தாலாவத்து²கதங் அனபா⁴வங் கதங் ஆயதிங் அனுப்பாத³த⁴ம்மங். அயங் வுச்சதி, பி⁴க்க²வே, பி⁴க்கு² அச்செ²ச்சி² தண்ஹங், விவத்தயி ஸங்யோஜனங், ஸம்மா மானாபி⁴ஸமயா அந்தமகாஸி து³க்க²ஸ்ஸா’’தி. நவமங்.
9. ‘‘Sattannaṃ , bhikkhave, saṃyojanānaṃ pahānāya samucchedāya brahmacariyaṃ vussati. Katamesaṃ sattannaṃ? Anunayasaṃyojanassa pahānāya samucchedāya brahmacariyaṃ vussati, paṭighasaṃyojanassa…pe… diṭṭhisaṃyojanassa… vicikicchāsaṃyojanassa… mānasaṃyojanassa… bhavarāgasaṃyojanassa … avijjāsaṃyojanassa pahānāya samucchedāya brahmacariyaṃ vussati. Imesaṃ kho, bhikkhave, sattannaṃ saṃyojanānaṃ pahānāya samucchedāya brahmacariyaṃ vussati. Yato ca kho, bhikkhave, bhikkhuno anunayasaṃyojanaṃ pahīnaṃ hoti ucchinnamūlaṃ tālāvatthukataṃ anabhāvaṃ kataṃ āyatiṃ anuppādadhammaṃ. Paṭighasaṃyojanaṃ…pe… diṭṭhisaṃyojanaṃ… vicikicchāsaṃyojanaṃ… mānasaṃyojanaṃ… bhavarāgasaṃyojanaṃ… avijjāsaṃyojanaṃ pahīnaṃ hoti ucchinnamūlaṃ tālāvatthukataṃ anabhāvaṃ kataṃ āyatiṃ anuppādadhammaṃ. Ayaṃ vuccati, bhikkhave, bhikkhu acchecchi taṇhaṃ, vivattayi saṃyojanaṃ, sammā mānābhisamayā antamakāsi dukkhassā’’ti. Navamaṃ.
Related texts:
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1. த⁴னவக்³க³வண்ணனா • 1. Dhanavaggavaṇṇanā
