| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
2. பஹானஸுத்தவண்ணனா
2. Pahānasuttavaṇṇanā
24. ஸப்³ப³ஸ்ஸாதி த்³வாராரம்மணேஹி ஸத்³தி⁴ங் த்³வாரப்பவத்தஸ்ஸ. பஹானாயாதி தப்படிப³த்³த⁴ச²ந்த³ராக³பஹானவஸேன பஜஹனாய. சக்கு²ஸம்ப²ஸ்ஸந்தி சக்கு²ஸன்னிஸ்ஸிதப²ஸ்ஸங். மூலபச்சயந்தி மூலபூ⁴தங் பச்சயங் கத்வா, ஸஹஜாதவேத³னாய சக்கு²ஸம்ப²ஸ்ஸபச்சயபா⁴வே வத்தப்³ப³மேவ நத்தி². ஏஸேவ நயோதி அபதே³ஸேன ‘‘ஸோதஸம்ப²ஸ்ஸங் மூலபச்சயங் கத்வா’’திஆதி³னா வத்தப்³ப³ந்தி த³ஸ்ஸேதி. மனோதி ப⁴வங்க³சித்தங் மனொத்³வாரஸ்ஸ அதி⁴ப்பேதத்தா. ஆரம்மணந்தி த⁴ம்மாரம்மணங். ஸஹாவஜ்ஜனகஜவனந்தி ஸஹமனொத்³வாராவஜ்ஜனகங் ஜவனங். தங்புப்³ப³கத்தா மனோவிஞ்ஞாணப²ஸ்ஸவேத³னானங் மூலபச்சயபூ⁴தா ஸப்³பெ³ஸ்வேவ சக்கு²த்³வாராதீ³ஸு வுத்தித்தா தத³னுரூபதோ ‘‘ப⁴வங்க³ஸஹஜாதோ ஸம்ப²ஸ்ஸோ’’தி வுத்தங். ஸஹாவஜ்ஜனவேத³னாய ஜவனவேத³னா ‘‘வேத³யித’’ந்தி அதி⁴ப்பேதா, ப⁴வங்க³ஸம்பயுத்தாய பன வேத³னாய க³ஹணே வத்தப்³ப³மேவ நத்தி². ப⁴வங்க³தோ அமோசெத்வா ப⁴வங்க³சித்தேன ஸத்³தி⁴ங்யேவ ஆவஜ்ஜனங் க³ஹெத்வா மனொத்³வாராவஜ்ஜனங் ப⁴வங்க³ங் த³ட்ட²ப்³ப³ங். யா பனெத்த² தே³ஸனாதி யா எத்த² ‘‘பஹானாயா’’திஆதி³னா பவத்ததே³ஸனா ஸத்து² அனஸிட்டி² ஆணா. அயங் பண்ணத்தி நாம தஸ்ஸ தஸ்ஸ அத்த²ஸ்ஸ பகாரதோ ஞாபனதோ. எத்த² ஸப்³ப³க்³க³ஹணேன ஸப்³பே³ ஸபா⁴வத⁴ம்மா க³ஹிதா, பஞ்ஞத்தி பன கதமாதி விசாரணாய தங் த³ஸ்ஸேதுங் ‘‘யா பனெத்தா²’’திஆதி³ வுத்தந்தி த³ட்ட²ப்³ப³ங்.
24.Sabbassāti dvārārammaṇehi saddhiṃ dvārappavattassa. Pahānāyāti tappaṭibaddhachandarāgapahānavasena pajahanāya. Cakkhusamphassanti cakkhusannissitaphassaṃ. Mūlapaccayanti mūlabhūtaṃ paccayaṃ katvā, sahajātavedanāya cakkhusamphassapaccayabhāve vattabbameva natthi. Eseva nayoti apadesena ‘‘sotasamphassaṃ mūlapaccayaṃ katvā’’tiādinā vattabbanti dasseti. Manoti bhavaṅgacittaṃ manodvārassa adhippetattā. Ārammaṇanti dhammārammaṇaṃ. Sahāvajjanakajavananti sahamanodvārāvajjanakaṃ javanaṃ. Taṃpubbakattā manoviññāṇaphassavedanānaṃ mūlapaccayabhūtā sabbesveva cakkhudvārādīsu vuttittā tadanurūpato ‘‘bhavaṅgasahajāto samphasso’’ti vuttaṃ. Sahāvajjanavedanāya javanavedanā ‘‘vedayita’’nti adhippetā, bhavaṅgasampayuttāya pana vedanāya gahaṇe vattabbameva natthi. Bhavaṅgato amocetvā bhavaṅgacittena saddhiṃyeva āvajjanaṃ gahetvā manodvārāvajjanaṃ bhavaṅgaṃ daṭṭhabbaṃ. Yā panettha desanāti yā ettha ‘‘pahānāyā’’tiādinā pavattadesanā satthu anasiṭṭhi āṇā. Ayaṃ paṇṇatti nāma tassa tassa atthassa pakārato ñāpanato. Ettha sabbaggahaṇena sabbe sabhāvadhammā gahitā, paññatti pana katamāti vicāraṇāya taṃ dassetuṃ ‘‘yā panetthā’’tiādi vuttanti daṭṭhabbaṃ.
பஹானஸுத்தவண்ணனா நிட்டி²தா.
Pahānasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 2. பஹானஸுத்தங் • 2. Pahānasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2. பஹானஸுத்தவண்ணனா • 2. Pahānasuttavaṇṇanā
