| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
3. பஹானஸுத்தவண்ணனா
3. Pahānasuttavaṇṇanā
251. ஸப்³ப³ம்பி அட்ட²ஸதபபே⁴த³ங் தண்ஹங் சி²ந்தி³ ஸமுச்சே²த³பஹானவஸேன பஜஹி. தேனாஹ ‘‘ஸமுச்சி²ந்தீ³’’தி. யத³க்³கே³ன தண்ஹா ஸப்³ப³ஸோ ஸமுச்சி²ன்னா, தத³க்³கே³ன ஸப்³பா³னிபி ஸஞ்ஞோஜனானீதி ஆஹ ‘‘த³ஸவித⁴ம்பீ’’திஆதி³. ஸம்மாதி ஸுட்டு². பஹானஞ்ச நாம உபாயேன ஞாயேன பஹானந்தி ஆஹ ‘‘ஹேதுனா காரணேனா’’தி. த³ஸ்ஸனாபி⁴ஸமயாதி அஸம்மோஹபடிவேதா⁴. அரஹத்தமக்³கோ³ ஹி உப்பஜ்ஜமானோவ ஸபா⁴வபடிச்சா²த³கங் மோஹங் வித்³த⁴ங்ஸெந்தோ ஏவ பவத்ததி, தேன மானோ யாதா²வதோ தி³ட்டோ² நாம ஹோதி, அயமஸ்ஸ த³ஸ்ஸனாபி⁴ஸமயோ. யதா² ஹி ஸூரியே உட்டி²தே அந்த⁴காரோ வித்³த⁴ங்ஸியமானோ விஹதோ, ஏவங் அரஹத்தமக்³கே³ உப்பஜ்ஜமானே ஸோ ஸப்³ப³ஸோ பஹீனோ ஏவ ஹோதி, ந தஸ்மிங் ஸந்தானே பதிட்ட²ங் லப⁴தி, அயமஸ்ஸ பஹானாபி⁴ஸமயோ. தேன வுத்தங் ‘‘அரஹத்தமக்³கோ³ ஹீ’’திஆதி³. கிச்சவஸேனாதி அஸம்மோஹபடிவேத⁴ஸங்கா²தஸ்ஸ த³ஸ்ஸனகிச்சஸ்ஸ அனிப்பா²த³னவஸேன.
251.Sabbampi aṭṭhasatapabhedaṃ taṇhaṃ chindi samucchedapahānavasena pajahi. Tenāha ‘‘samucchindī’’ti. Yadaggena taṇhā sabbaso samucchinnā, tadaggena sabbānipi saññojanānīti āha ‘‘dasavidhampī’’tiādi. Sammāti suṭṭhu. Pahānañca nāma upāyena ñāyena pahānanti āha ‘‘hetunā kāraṇenā’’ti. Dassanābhisamayāti asammohapaṭivedhā. Arahattamaggo hi uppajjamānova sabhāvapaṭicchādakaṃ mohaṃ viddhaṃsento eva pavattati, tena māno yāthāvato diṭṭho nāma hoti, ayamassa dassanābhisamayo. Yathā hi sūriye uṭṭhite andhakāro viddhaṃsiyamāno vihato, evaṃ arahattamagge uppajjamāne so sabbaso pahīno eva hoti, na tasmiṃ santāne patiṭṭhaṃ labhati, ayamassa pahānābhisamayo. Tena vuttaṃ ‘‘arahattamaggo hī’’tiādi. Kiccavasenāti asammohapaṭivedhasaṅkhātassa dassanakiccassa anipphādanavasena.
யே இமே சத்தாரோ அந்தாதி ஸம்ப³ந்தோ⁴. மரியாத³ந்தோதி மரியாத³ஸங்கா²தோ அந்தோ. ஏஸ நயோ ஸேஸத்தயேபி. தேஸூதி சதூஸு அந்தேஸு. அது³ங் சதுத்த²கோடிஸங்கா²தங் ஸப்³ப³ஸ்ஸேவ வட்டது³க்க²ஸ்ஸ அந்தங் பரிச்சே²த³ங் அரஹத்தமக்³கே³ன மானஸ்ஸ தி³ட்ட²த்தா பஹீனத்தா ச அகாஸீதி யோஜனா. ஸமுஸ்ஸயோ அத்தபா⁴வோ.
Ye ime cattāro antāti sambandho. Mariyādantoti mariyādasaṅkhāto anto. Esa nayo sesattayepi. Tesūti catūsu antesu. Aduṃ catutthakoṭisaṅkhātaṃ sabbasseva vaṭṭadukkhassa antaṃ paricchedaṃ arahattamaggena mānassa diṭṭhattā pahīnattā ca akāsīti yojanā. Samussayo attabhāvo.
ந ரிஞ்சதீதி ந விவேசேதி ந விஸ்ஸஜ்ஜேதி. தேனாஹ ‘‘ஸம்பஜஞ்ஞங் ந ஜஹதீ’’தி, ஸம்பஜஞ்ஞங் ந பரிச்சஜதீதி அத்தோ². ஸங்க்²யங் நோபேதீதி இமஸ்ஸ ‘‘தி³ட்ட²த⁴ம்மே அனாஸவோ’’தி இமஸ்ஸ வஸேன அத்த²ங் வத³ந்தோ ‘‘ரத்தோ து³ட்டோ²’’தி அவோச ஸஉபாதி³ஸேஸனிப்³பா³னவஸேன. ஸங்க்²யங் நோபேதீதி வா தி³ட்டே²-த⁴ம்மே அனாஸவோ த⁴ம்மட்டோ² வேத³கூ³ காயஸ்ஸ பே⁴தா³ மனுஸ்ஸோ தே³வோதி வா பஞ்ஞத்திங் ந உபேதீதி அனுபாதி³ஸேஸனிப்³பா³னவஸேனபி அத்தோ² வத்தப்³போ³. எத்த² ச ஸுகா²தீ³ஸு வேத³னாஸு யதா²க்கமங் ராகா³னுஸயாத³யோ கதி²தாதி ஆஹ – ‘‘இமஸ்மிங் ஸுத்தே ஆரம்மணானுஸயோ கதி²தோ’’தி. யோ ஹி ராகா³தி³ பச்சயஸமவாயே அதிஇட்டா²தீ³ஸு உப்பஜ்ஜனாரஹோ மக்³கே³ன அப்பஹீனோ, ஸோ ‘‘ராகா³னுஸயோ’’திஆதி³னா வுத்தோ, அப்பஹீனத்தோ² ஸோ மக்³கே³ன பஹாதப்³போ³, ந பரியுட்டா²னாபி⁴ப⁴வத்தோ²தி.
Na riñcatīti na viveceti na vissajjeti. Tenāha ‘‘sampajaññaṃ na jahatī’’ti, sampajaññaṃ na pariccajatīti attho. Saṅkhyaṃ nopetīti imassa ‘‘diṭṭhadhamme anāsavo’’ti imassa vasena atthaṃ vadanto ‘‘ratto duṭṭho’’ti avoca saupādisesanibbānavasena. Saṅkhyaṃ nopetīti vā diṭṭhe-dhamme anāsavo dhammaṭṭho vedagū kāyassa bhedā manusso devoti vā paññattiṃ na upetīti anupādisesanibbānavasenapi attho vattabbo. Ettha ca sukhādīsu vedanāsu yathākkamaṃ rāgānusayādayo kathitāti āha – ‘‘imasmiṃ sutte ārammaṇānusayo kathito’’ti. Yo hi rāgādi paccayasamavāye atiiṭṭhādīsu uppajjanāraho maggena appahīno, so ‘‘rāgānusayo’’tiādinā vutto, appahīnattho so maggena pahātabbo, na pariyuṭṭhānābhibhavatthoti.
பஹானஸுத்தவண்ணனா நிட்டி²தா.
Pahānasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 3. பஹானஸுத்தங் • 3. Pahānasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3. பஹானஸுத்தவண்ணனா • 3. Pahānasuttavaṇṇanā
