| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
10. பஜ்ஜோதஸுத்தவண்ணனா
10. Pajjotasuttavaṇṇanā
80. தங் தங் ஸமவிஸமங் பஜ்ஜோததீதி பஜ்ஜோதோ. பதீ³போ அந்த⁴காரங் வித⁴மித்வா பச்சக்க²தோ ரூபக³தங் த³ஸ்ஸேதி, ஏவங் பஞ்ஞாபஜ்ஜோதோ அவிஜ்ஜந்த⁴காரங் வித⁴மித்வா த⁴ம்மானங் பரமத்த²பூ⁴தங் ரூபங் த³ஸ்ஸேதி. ஜாக³ரப்³ராஹ்மணோ வியாதி ஜாக³ரகீ²ணாஸவப்³ராஹ்மணோ விய. ஸோ ஹி ஸதிபஞ்ஞாவேபுல்லப்பத்தியா ஸப்³ப³தா³பி ஜாக³ரோ ஹோதி. கா³வோதி கோ³ஜாதியோ. இத³ங் கு³ன்னங் கோ³ணானஞ்ச ஸாமஞ்ஞதோ க³ஹணங். கம்மேதி கரணத்தே² பு⁴ம்மவசனங். ஜீவனங் ஜீவோ, ஸஹ ஜீவேனாதி ஸஜீவினோ. தேனாஹ ‘‘கம்மேன ஸஹ ஜீவந்தான’’ந்தி, கஸிவாணிஜ்ஜாதி³கம்மங் கத்வா ஜீவந்தானந்தி அத்தோ². கோ³மண்ட³லேஹி ஸத்³தி⁴ந்தி கோ³க³ணேன ஸஹ. ந தேன வினா கஸிகம்மாதீ³னி உப்பஜ்ஜந்தி, கோ³ரஸஸித்³தி⁴யா சேவ கஸனபா⁴ரவஹனஸித்³தி⁴யா ச கஸிகம்மஏகச்சவாணிஜ்ஜகம்மாதீ³னி இஜ்ஜ²ந்தி. ஸத்தகாயஸ்ஸாதி ஆஹாருபஜீவினோ ஸத்தகாயஸ்ஸ கஸிதோ அஞ்ஞதா² ஜீவிகங் கப்பெந்தஸ்ஸபி கஸிஜீவிதவுத்தியா மூலகாரணங் ப²லனிப்ப²த்தினிமித்தத்தா தஸ்ஸ. இரியாபதோ² ச இரியனகிரியானங் பவத்தனுபாயோ. ‘‘ஸீதந்தி நங்க³லஸீதகம்ம’’ந்தி வத³ந்தி.
80. Taṃ taṃ samavisamaṃ pajjotatīti pajjoto. Padīpo andhakāraṃ vidhamitvā paccakkhato rūpagataṃ dasseti, evaṃ paññāpajjoto avijjandhakāraṃ vidhamitvā dhammānaṃ paramatthabhūtaṃ rūpaṃ dasseti. Jāgarabrāhmaṇo viyāti jāgarakhīṇāsavabrāhmaṇo viya. So hi satipaññāvepullappattiyā sabbadāpi jāgaro hoti. Gāvoti gojātiyo. Idaṃ gunnaṃ goṇānañca sāmaññato gahaṇaṃ. Kammeti karaṇatthe bhummavacanaṃ. Jīvanaṃ jīvo, saha jīvenāti sajīvino. Tenāha ‘‘kammena saha jīvantāna’’nti, kasivāṇijjādikammaṃ katvā jīvantānanti attho. Gomaṇḍalehi saddhinti gogaṇena saha. Na tena vinā kasikammādīni uppajjanti, gorasasiddhiyā ceva kasanabhāravahanasiddhiyā ca kasikammaekaccavāṇijjakammādīni ijjhanti. Sattakāyassāti āhārupajīvino sattakāyassa kasito aññathā jīvikaṃ kappentassapi kasijīvitavuttiyā mūlakāraṇaṃ phalanipphattinimittattā tassa. Iriyāpatho ca iriyanakiriyānaṃ pavattanupāyo. ‘‘Sītanti naṅgalasītakamma’’nti vadanti.
பஜ்ஜோதஸுத்தவண்ணனா நிட்டி²தா.
Pajjotasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 10. பஜ்ஜோதஸுத்தங் • 10. Pajjotasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 10. பஜ்ஜோதஸுத்தவண்ணனா • 10. Pajjotasuttavaṇṇanā
