| Library / Tipiṭaka / તિપિટક • Tipiṭaka / પઞ્ચપકરણ-મૂલટીકા • Pañcapakaraṇa-mūlaṭīkā |
૫. પઞ્ચકનિદ્દેસવણ્ણના
5. Pañcakaniddesavaṇṇanā
૧૯૧. પઠમપઞ્ચકે ઉદ્દેસેનેવ પુગ્ગલવિભાગો વિઞ્ઞાયતીતિ યથા તેસુ પટિપજ્જિતબ્બં , તાય પટિપત્તિયા તે વિભજન્તો ‘‘તત્ર ય્વાય’’ન્તિઆદિમાહ. આરમ્ભસદ્દોતિ આરમ્ભકિરિયાવાચકો સદ્દોતિ અત્થો. ફલુપ્પત્તિયા મગ્ગકિચ્ચં નિટ્ઠિતં હોતીતિ ‘‘મગ્ગકિચ્ચવસેન ફલમેવ વુત્ત’’ન્તિ આહ. આયાચનસાધૂતિ ન પસંસનાદિસાધૂતિ અત્થો.
191. Paṭhamapañcake uddeseneva puggalavibhāgo viññāyatīti yathā tesu paṭipajjitabbaṃ , tāya paṭipattiyā te vibhajanto ‘‘tatra yvāya’’ntiādimāha. Ārambhasaddoti ārambhakiriyāvācako saddoti attho. Phaluppattiyā maggakiccaṃ niṭṭhitaṃ hotīti ‘‘maggakiccavasena phalameva vutta’’nti āha. Āyācanasādhūti na pasaṃsanādisādhūti attho.
૧૯૨. આદિતો ધેય્યં ઠપેતબ્બં આધેય્યં, દસ્સનસવનપટિવચનદાનવસેન મુખેન વિય પવત્તં ગહણં મુખન્તિ દટ્ઠબ્બં. તં મુખં આધેય્યં, ગહણત્થં પકતિમુખમેવ વા આધેય્યં યસ્સ સો આધેય્યમુખો, અવિચારેત્વા આદિકથાય એવ ઠપિતગહણોતિ વુત્તં હોતિ.
192. Ādito dheyyaṃ ṭhapetabbaṃ ādheyyaṃ, dassanasavanapaṭivacanadānavasena mukhena viya pavattaṃ gahaṇaṃ mukhanti daṭṭhabbaṃ. Taṃ mukhaṃ ādheyyaṃ, gahaṇatthaṃ pakatimukhameva vā ādheyyaṃ yassa so ādheyyamukho, avicāretvā ādikathāya eva ṭhapitagahaṇoti vuttaṃ hoti.
૧૯૪. રજગ્ગસ્મિન્તિ રજગ્ગભાવે.
194. Rajaggasminti rajaggabhāve.
૧૯૯. ગવા ખીરં અગ્ગમક્ખાયતીતિ ન એવં સમ્બન્ધો, ઉપ્પત્તિતો પન પઞ્ચ ગોરસે દસ્સેત્વા તેસુ સપ્પિમણ્ડસ્સ અગ્ગભાવદસ્સનત્થં ‘‘ગવા ખીર’’ન્તિઆદિ વુત્તં. તેનાહ ‘‘ગાવિતો ખીરં નામ હોતી’’તિઆદિ.
199. Gavā khīraṃ aggamakkhāyatīti na evaṃ sambandho, uppattito pana pañca gorase dassetvā tesu sappimaṇḍassa aggabhāvadassanatthaṃ ‘‘gavā khīra’’ntiādi vuttaṃ. Tenāha ‘‘gāvito khīraṃ nāma hotī’’tiādi.
પઞ્ચકનિદ્દેસવણ્ણના નિટ્ઠિતા.
Pañcakaniddesavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / પુગ્ગલપઞ્ઞત્તિપાળિ • Puggalapaññattipāḷi / ૫. પઞ્ચકપુગ્ગલપઞ્ઞત્તિ • 5. Pañcakapuggalapaññatti
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૫. પઞ્ચકનિદ્દેસવણ્ણના • 5. Pañcakaniddesavaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૫. પઞ્ચકનિદ્દેસવણ્ણના • 5. Pañcakaniddesavaṇṇanā
