| Library / Tipiṭaka / તિપિટક • Tipiṭaka / વજિરબુદ્ધિ-ટીકા • Vajirabuddhi-ṭīkā |
પણ્ડકવત્થુકથાવણ્ણના
Paṇḍakavatthukathāvaṇṇanā
૧૦૯. ઓપક્કમિકપણ્ડકસ્સ હીનઙ્ગત્તા અપબ્બજિતસ્સ પબ્બજ્જા વારિતા, પબ્બજિતસ્સ ઉપસમ્પદા ન કાતબ્બા. પુબ્બે ઉપસમ્પન્નસ્સ ચે ઉપચરણં અત્થિ, ન નાસના કાતબ્બાતિ નો તક્કોતિ આચરિયો. છિન્નઙ્ગજાતો ન પણ્ડકો. પઞ્ચસુ નપુંસકપણ્ડકોવ અભાવકો. ઇતરે ચત્તારો સભાવકાતિ વેદિતબ્બા. ભાવો પન તેસં પણ્ડકો હોતિ. એતે ચત્તારોપિ કિર પુરિસાવાતિ એકે. ઇત્થીપિ પક્ખપણ્ડકી હોતીતિ એકે. ઉપક્કમે કતે પણ્ડકભાવો અવસ્સં હોતિ, તસ્મા પબ્બજ્જં ન લભતિ. ‘‘યદિ પન કસ્સચિ ન હોતિ, પબ્બજ્જા ન વારિતાતિ વિનિચ્છયં વદન્તી’’તિ વુત્તં.
109. Opakkamikapaṇḍakassa hīnaṅgattā apabbajitassa pabbajjā vāritā, pabbajitassa upasampadā na kātabbā. Pubbe upasampannassa ce upacaraṇaṃ atthi, na nāsanā kātabbāti no takkoti ācariyo. Chinnaṅgajāto na paṇḍako. Pañcasu napuṃsakapaṇḍakova abhāvako. Itare cattāro sabhāvakāti veditabbā. Bhāvo pana tesaṃ paṇḍako hoti. Ete cattāropi kira purisāvāti eke. Itthīpi pakkhapaṇḍakī hotīti eke. Upakkame kate paṇḍakabhāvo avassaṃ hoti, tasmā pabbajjaṃ na labhati. ‘‘Yadi pana kassaci na hoti, pabbajjā na vāritāti vinicchayaṃ vadantī’’ti vuttaṃ.
‘‘પબ્બજ્જા વારિતાતિ અપણ્ડકપક્ખે પબ્બાજેત્વા પણ્ડકપક્ખે નાસેતબ્બોતિ અધિપ્પાયો’’તિ લિખિતં. પોરાણગણ્ઠિપદે પન માસપણ્ડકલેખપણ્ડકેહિ સહ સત્ત પણ્ડકા વુત્તા. તત્થ લેખપણ્ડકો નામ કિર મન્તવસેન ઉપહતબીજો. તત્થ ‘‘ઓપક્કમિકલેખપણ્ડકા પબ્બજિતા ન નાસેતબ્બા. યો પબ્બાજેતિ, તસ્સ દુક્કટ’’ન્તિ ચ વુત્તં.
‘‘Pabbajjā vāritāti apaṇḍakapakkhe pabbājetvā paṇḍakapakkhe nāsetabboti adhippāyo’’ti likhitaṃ. Porāṇagaṇṭhipade pana māsapaṇḍakalekhapaṇḍakehi saha satta paṇḍakā vuttā. Tattha lekhapaṇḍako nāma kira mantavasena upahatabījo. Tattha ‘‘opakkamikalekhapaṇḍakā pabbajitā na nāsetabbā. Yo pabbājeti, tassa dukkaṭa’’nti ca vuttaṃ.
પણ્ડકવત્થુકથાવણ્ણના નિટ્ઠિતા.
Paṇḍakavatthukathāvaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi / ૪૭. પણ્ડકવત્થુ • 47. Paṇḍakavatthu
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / પણ્ડકવત્થુકથા • Paṇḍakavatthukathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / પણ્ડકવત્થુકથાવણ્ણના • Paṇḍakavatthukathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / પણ્ડકવત્થુકથાવણ્ણના • Paṇḍakavatthukathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૪૭. પણ્ડકવત્થુકથા • 47. Paṇḍakavatthukathā
