| Library / Tipiṭaka / તિપિટક • Tipiṭaka / સમ્મોહવિનોદની-અટ્ઠકથા • Sammohavinodanī-aṭṭhakathā |
૩. પઞ્હાપુચ્છકવણ્ણના
3. Pañhāpucchakavaṇṇanā
૭૧૪. પઞ્હાપુચ્છકે પાળિઅનુસારેનેવ સિક્ખાપદાનં કુસલાદિભાવો વેદિતબ્બો. આરમ્મણત્તિકેસુ પન યાનિ સિક્ખાપદાનિ એત્થ સત્તારમ્મણાનીતિ વુત્તાનિ, તાનિ યસ્મા સત્તોતિ સઙ્ખં ગતે સઙ્ખારેયેવ આરમ્મણં કરોન્તિ, યસ્મા ચ સબ્બાનિપિ એતાનિ સમ્પત્તવિરતિવસેનેવ નિદ્દિટ્ઠાનિ, તસ્મા ‘‘પરિત્તારમ્મણા’’તિ ચ ‘‘પચ્ચુપ્પન્નારમ્મણા’’તિ ચ વુત્તં. યતો પન વિરમતિ તસ્સ વત્થુનો અચ્ચન્તબહિદ્ધત્તા સબ્બેસમ્પિ બહિદ્ધારમ્મણતા વેદિતબ્બાતિ.
714. Pañhāpucchake pāḷianusāreneva sikkhāpadānaṃ kusalādibhāvo veditabbo. Ārammaṇattikesu pana yāni sikkhāpadāni ettha sattārammaṇānīti vuttāni, tāni yasmā sattoti saṅkhaṃ gate saṅkhāreyeva ārammaṇaṃ karonti, yasmā ca sabbānipi etāni sampattavirativaseneva niddiṭṭhāni, tasmā ‘‘parittārammaṇā’’ti ca ‘‘paccuppannārammaṇā’’ti ca vuttaṃ. Yato pana viramati tassa vatthuno accantabahiddhattā sabbesampi bahiddhārammaṇatā veditabbāti.
ઇમસ્મિં પન સિક્ખાપદવિભઙ્ગે સમ્માસમ્બુદ્ધેન અભિધમ્મભાજનીયેપિ પઞ્હાપુચ્છકેપિ લોકિયાનેવ સિક્ખાપદાનિ કથિતાનિ. ઉભોપિ હિ એતે નયા લોકિયત્તા એકપરિચ્છેદા એવ. એવમયં સિક્ખાપદવિભઙ્ગો દ્વેપરિવટ્ટં નીહરિત્વાવ ભાજેત્વા દસ્સિતોતિ.
Imasmiṃ pana sikkhāpadavibhaṅge sammāsambuddhena abhidhammabhājanīyepi pañhāpucchakepi lokiyāneva sikkhāpadāni kathitāni. Ubhopi hi ete nayā lokiyattā ekaparicchedā eva. Evamayaṃ sikkhāpadavibhaṅgo dveparivaṭṭaṃ nīharitvāva bhājetvā dassitoti.
સમ્મોહવિનોદનિયા વિભઙ્ગટ્ઠકથાય
Sammohavinodaniyā vibhaṅgaṭṭhakathāya
સિક્ખાપદવિભઙ્ગવણ્ણના નિટ્ઠિતા.
Sikkhāpadavibhaṅgavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / વિભઙ્ગપાળિ • Vibhaṅgapāḷi / ૧૪. સિક્ખાપદવિભઙ્ગો • 14. Sikkhāpadavibhaṅgo
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / વિભઙ્ગ-મૂલટીકા • Vibhaṅga-mūlaṭīkā / ૧૪. સિક્ખાપદવિભઙ્ગો • 14. Sikkhāpadavibhaṅgo
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / વિભઙ્ગ-અનુટીકા • Vibhaṅga-anuṭīkā / ૧૪. સિક્ખાપદવિભઙ્ગો • 14. Sikkhāpadavibhaṅgo
