| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
5. பஞ்ஹபுச்சா²ஸுத்தங்
5. Pañhapucchāsuttaṃ
165. தத்ர கோ² ஆயஸ்மா ஸாரிபுத்தோ பி⁴க்கூ² ஆமந்தேஸி…பே॰… ‘‘யோ ஹி கோசி, ஆவுஸோ, பரங் பஞ்ஹங் புச்ச²தி, ஸப்³போ³ ஸோ பஞ்சஹி டா²னேஹி, ஏதேஸங் வா அஞ்ஞதரேன. கதமேஹி பஞ்சஹி? மந்த³த்தா மோமூஹத்தா 1 பரங் பஞ்ஹங் புச்ச²தி, பாபிச்சோ² இச்சா²பகதோ பரங் பஞ்ஹங் புச்ச²தி, பரிப⁴வங் பரங் பஞ்ஹங் புச்ச²தி, அஞ்ஞாதுகாமோ பரங் பஞ்ஹங் புச்ச²தி, அத² வா பனேவங்சித்தோ 2 பரங் பஞ்ஹங் புச்ச²தி – ‘ஸசே மே பஞ்ஹங் புட்டோ² ஸம்மதே³வ ப்³யாகரிஸ்ஸதி இச்சேதங் குஸலங், நோ சே 3 மே பஞ்ஹங் புட்டோ² ஸம்மதே³வ ப்³யாகரிஸ்ஸதி அஹமஸ்ஸ ஸம்மதே³வ ப்³யாகரிஸ்ஸாமீ’தி. யோ ஹி கோசி, ஆவுஸோ, பரங் பஞ்ஹங் புச்ச²தி, ஸப்³போ³ ஸோ இமேஹி பஞ்சஹி டா²னேஹி, ஏதேஸங் வா அஞ்ஞதரேன. அஹங் கோ² பனாவுஸோ, ஏவங்சித்தோ பரங் பஞ்ஹங் புச்சா²மி – ‘ஸசே மே பஞ்ஹங் புட்டோ² ஸம்மதே³வ ப்³யாகரிஸ்ஸதி இச்சேதங் குஸலங், நோ சே மே பஞ்ஹங் புட்டோ² ஸம்மதே³வ ப்³யாகரிஸ்ஸதி, அஹமஸ்ஸ ஸம்மதே³வ ப்³யாகரிஸ்ஸாமீ’’தி. பஞ்சமங்.
165. Tatra kho āyasmā sāriputto bhikkhū āmantesi…pe… ‘‘yo hi koci, āvuso, paraṃ pañhaṃ pucchati, sabbo so pañcahi ṭhānehi, etesaṃ vā aññatarena. Katamehi pañcahi? Mandattā momūhattā 4 paraṃ pañhaṃ pucchati, pāpiccho icchāpakato paraṃ pañhaṃ pucchati, paribhavaṃ paraṃ pañhaṃ pucchati, aññātukāmo paraṃ pañhaṃ pucchati, atha vā panevaṃcitto 5 paraṃ pañhaṃ pucchati – ‘sace me pañhaṃ puṭṭho sammadeva byākarissati iccetaṃ kusalaṃ, no ce 6 me pañhaṃ puṭṭho sammadeva byākarissati ahamassa sammadeva byākarissāmī’ti. Yo hi koci, āvuso, paraṃ pañhaṃ pucchati, sabbo so imehi pañcahi ṭhānehi, etesaṃ vā aññatarena. Ahaṃ kho panāvuso, evaṃcitto paraṃ pañhaṃ pucchāmi – ‘sace me pañhaṃ puṭṭho sammadeva byākarissati iccetaṃ kusalaṃ, no ce me pañhaṃ puṭṭho sammadeva byākarissati, ahamassa sammadeva byākarissāmī’’ti. Pañcamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 5. பஞ்ஹபுச்சா²ஸுத்தவண்ணனா • 5. Pañhapucchāsuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-5. பட²மஆகா⁴தபடிவினயஸுத்தாதி³வண்ணனா • 1-5. Paṭhamaāghātapaṭivinayasuttādivaṇṇanā
