| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૧૨. પરંમરણસુત્તવણ્ણના
12. Paraṃmaraṇasuttavaṇṇanā
૧૫૫. યથા અતીતકપ્પે અતીતાસુ જાતીસુ કમ્મકિલેસવસેન આગતો, તથા એતરહિપિ આગતોતિ તથાગતો, યથા યથા વા પન કમ્મં કતૂપચિતં, તથા તં તં અત્તભાવં આગતો ઉપગતો ઉપપન્નોતિ તથાગતો, સત્તોતિ આહ ‘‘તથાગતોતિ સત્તો’’તિ. એતન્તિ ‘‘એવં હોતિ ભવતિ તિટ્ઠતિ સસ્સતિસમ’’ન્તિ એવં પવત્તં દિટ્ઠિગતં. અત્થસન્નિસ્સિતં ન હોતીતિ દિટ્ઠધમ્મિકસમ્પરાયિકપરમત્થતો સુખન્તિ પસત્થસન્નિસ્સિતં ન હોતિ. આદિબ્રહ્મચરિયકન્તિ એત્થ મગ્ગબ્રહ્મચરિયં અધિપ્પેતં તસ્સ પધાનભાવતો. તસ્સ પન એતં દિટ્ઠિગતં આદિપટિપદામત્તં ન હોતિ અનુપકારકત્તા વિલોમનતો ચ. તતો એવ ઇતરબ્રહ્મચરિયસ્સપિ અનિસ્સયોવ. સેસં વુત્તનયેન વેદિતબ્બં.
155. Yathā atītakappe atītāsu jātīsu kammakilesavasena āgato, tathā etarahipi āgatoti tathāgato, yathā yathā vā pana kammaṃ katūpacitaṃ, tathā taṃ taṃ attabhāvaṃ āgato upagato upapannoti tathāgato, sattoti āha ‘‘tathāgatoti satto’’ti. Etanti ‘‘evaṃ hoti bhavati tiṭṭhati sassatisama’’nti evaṃ pavattaṃ diṭṭhigataṃ. Atthasannissitaṃ na hotīti diṭṭhadhammikasamparāyikaparamatthato sukhanti pasatthasannissitaṃ na hoti. Ādibrahmacariyakanti ettha maggabrahmacariyaṃ adhippetaṃ tassa padhānabhāvato. Tassa pana etaṃ diṭṭhigataṃ ādipaṭipadāmattaṃ na hoti anupakārakattā vilomanato ca. Tato eva itarabrahmacariyassapi anissayova. Sesaṃ vuttanayena veditabbaṃ.
પરંમરણસુત્તવણ્ણના નિટ્ઠિતા.
Paraṃmaraṇasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૧૨. પરંમરણસુત્તં • 12. Paraṃmaraṇasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૧૨. પરંમરણસુત્તવણ્ણના • 12. Paraṃmaraṇasuttavaṇṇanā
