| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
9. பரிஹானஸுத்தங்
9. Parihānasuttaṃ
79. ‘‘அட்டி²மே, பி⁴க்க²வே, த⁴ம்மா ஸேக²ஸ்ஸ பி⁴க்கு²னோ பரிஹானாய ஸங்வத்தந்தி. கதமே அட்ட²? கம்மாராமதா, ப⁴ஸ்ஸாராமதா, நித்³தா³ராமதா, ஸங்க³ணிகாராமதா, இந்த்³ரியேஸு அகு³த்தத்³வாரதா, போ⁴ஜனே அமத்தஞ்ஞுதா, ஸங்ஸக்³கா³ராமதா, பபஞ்சாராமதா – இமே கோ², பி⁴க்க²வே, அட்ட² த⁴ம்மா ஸேக²ஸ்ஸ பி⁴க்கு²னோ பரிஹானாய ஸங்வத்தந்தி.
79. ‘‘Aṭṭhime, bhikkhave, dhammā sekhassa bhikkhuno parihānāya saṃvattanti. Katame aṭṭha? Kammārāmatā, bhassārāmatā, niddārāmatā, saṅgaṇikārāmatā, indriyesu aguttadvāratā, bhojane amattaññutā, saṃsaggārāmatā, papañcārāmatā – ime kho, bhikkhave, aṭṭha dhammā sekhassa bhikkhuno parihānāya saṃvattanti.
‘‘அட்டி²மே, பி⁴க்க²வே, த⁴ம்மா ஸேக²ஸ்ஸ பி⁴க்கு²னோ அபரிஹானாய ஸங்வத்தந்தி. கதமே அட்ட²? ந கம்மாராமதா, ந ப⁴ஸ்ஸாராமதா, ந நித்³தா³ராமதா, ந ஸங்க³ணிகாராமதா, இந்த்³ரியேஸு கு³த்தத்³வாரதா, போ⁴ஜனே மத்தஞ்ஞுதா, அஸங்ஸக்³கா³ராமதா, நிப்பபஞ்சாராமதா – இமே கோ², பி⁴க்க²வே, அட்ட² த⁴ம்மா ஸேக²ஸ்ஸ பி⁴க்கு²னோ அபரிஹானாய ஸங்வத்தந்தீ’’தி. நவமங்.
‘‘Aṭṭhime, bhikkhave, dhammā sekhassa bhikkhuno aparihānāya saṃvattanti. Katame aṭṭha? Na kammārāmatā, na bhassārāmatā, na niddārāmatā, na saṅgaṇikārāmatā, indriyesu guttadvāratā, bhojane mattaññutā, asaṃsaggārāmatā, nippapañcārāmatā – ime kho, bhikkhave, aṭṭha dhammā sekhassa bhikkhuno aparihānāya saṃvattantī’’ti. Navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 3-9. மரணஸ்ஸதிஸுத்தத்³வயாதி³வண்ணனா • 3-9. Maraṇassatisuttadvayādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-10. ஸத்³தா⁴ஸுத்தாதி³வண்ணனா • 1-10. Saddhāsuttādivaṇṇanā
