| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
3. பரிஹானஸுத்தவண்ணனா
3. Parihānasuttavaṇṇanā
96. பரிஹானஸபா⁴வந்தி அனவஜ்ஜத⁴ம்மேஹி பரிஹாயனஸபா⁴வங். அபி⁴ப⁴விதானீதி அபி⁴பூ⁴தானி நிப்³பி³ஸேவனபா⁴வாகாரேன. ஸரஸங்கப்பாதி தஸ்மிங் தஸ்மிங் விஸயே அனவட்டி²தபா⁴வேன ஸங்கப்பா. ஸங்யோஜனியாதி ஸங்யோஜேதப்³பா³. ஸங்யோஜனானஞ்ஹி புனப்புனங் உப்பத்தியா ஓகாஸங் தெ³ந்தோ கிலேஸஜாதங் அதி⁴வாஸேதி நாம. கிலேஸோ ஏவ கிலேஸஜாதங். ஆரம்மணங் பன சித்தே கரொந்தோ அதி⁴வாஸேதி நாம. ச²ந்த³ராக³ப்பஹானேன ந பஜஹதி ஆரம்மணங், கிலேஸங் பன அனுப்பத்தித⁴ம்மதாபாத³னேன ஏவ. அபி⁴ப⁴விதங் ஆயதனந்தி கதி²தங் அதி⁴வாஸனாதி³னா. ‘‘கத²ஞ்ச, பி⁴க்க²வே, பரிஹானத⁴ம்மோ ஹோதீ’’தி த⁴ம்மங் புச்சி²த்வா தங் விப⁴ஜந்தேன ப⁴க³வதா ‘‘தஞ்சே பி⁴க்கு² அதி⁴வாஸேதீ’’திஆதி³னா புக்³க³லேன புக்³க³லாதி⁴ட்டா²னேன த⁴ம்மோ த³ஸ்ஸிதோ.
96.Parihānasabhāvanti anavajjadhammehi parihāyanasabhāvaṃ. Abhibhavitānīti abhibhūtāni nibbisevanabhāvākārena. Sarasaṅkappāti tasmiṃ tasmiṃ visaye anavaṭṭhitabhāvena saṅkappā. Saṃyojaniyāti saṃyojetabbā. Saṃyojanānañhi punappunaṃ uppattiyā okāsaṃ dento kilesajātaṃ adhivāseti nāma. Kileso eva kilesajātaṃ. Ārammaṇaṃ pana citte karonto adhivāseti nāma. Chandarāgappahānena na pajahati ārammaṇaṃ, kilesaṃ pana anuppattidhammatāpādanena eva. Abhibhavitaṃ āyatananti kathitaṃ adhivāsanādinā. ‘‘Kathañca, bhikkhave, parihānadhammo hotī’’ti dhammaṃ pucchitvā taṃ vibhajantena bhagavatā ‘‘tañce bhikkhu adhivāsetī’’tiādinā puggalena puggalādhiṭṭhānena dhammo dassito.
பரிஹானஸுத்தவண்ணனா நிட்டி²தா.
Parihānasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 3. பரிஹானத⁴ம்மஸுத்தங் • 3. Parihānadhammasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3. பரிஹானத⁴ம்மஸுத்தவண்ணனா • 3. Parihānadhammasuttavaṇṇanā
