| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
9. பரிக்கமனஸுத்தங்
9. Parikkamanasuttaṃ
175. ‘‘ஸபரிக்கமனோ அயங், பி⁴க்க²வே, த⁴ம்மோ, நாயங் த⁴ம்மோ அபரிக்கமனோ. கத²ஞ்ச, பி⁴க்க²வே, ஸபரிக்கமனோ அயங் த⁴ம்மோ, நாயங் த⁴ம்மோ அபரிக்கமனோ? பாணாதிபாதிஸ்ஸ, பி⁴க்க²வே, பாணாதிபாதா வேரமணீ பரிக்கமனங் ஹோதி. அதி³ன்னாதா³யிஸ்ஸ, பி⁴க்க²வே, அதி³ன்னாதா³னா வேரமணீ பரிக்கமனங் ஹோதி. காமேஸுமிச்சா²சாரிஸ்ஸ, பி⁴க்க²வே, காமேஸுமிச்சா²சாரா வேரமணீ பரிக்கமனங் ஹோதி. முஸாவாதி³ஸ்ஸ, பி⁴க்க²வே, முஸாவாதா³ வேரமணீ பரிக்கமனங் ஹோதி. பிஸுணவாசஸ்ஸ , பி⁴க்க²வே, பிஸுணாய வாசாய வேரமணீ பரிக்கமனங் ஹோதி. ப²ருஸவாசஸ்ஸ, பி⁴க்க²வே, ப²ருஸாய வாசாய வேரமணீ பரிக்கமனங் ஹோதி. ஸம்ப²ப்பலாபிஸ்ஸ, பி⁴க்க²வே, ஸம்ப²ப்பலாபா வேரமணீ பரிக்கமனங் ஹோதி. அபி⁴ஜ்ஜா²லுஸ்ஸ, பி⁴க்க²வே, அனபி⁴ஜ்ஜா² பரிக்கமனங் ஹோதி. ப்³யாபன்னசித்தஸ்ஸ 1, பி⁴க்க²வே, அப்³யாபாதோ³ பரிக்கமனங் ஹோதி. மிச்சா²தி³ட்டி²ஸ்ஸ, பி⁴க்க²வே, ஸம்மாதி³ட்டி² பரிக்கமனங் ஹோதி. ஏவங் கோ², பி⁴க்க²வே, ஸபரிக்கமனோ அயங் த⁴ம்மோ, நாயங் த⁴ம்மோ அபரிக்கமனோ’’தி. நவமங்.
175. ‘‘Saparikkamano ayaṃ, bhikkhave, dhammo, nāyaṃ dhammo aparikkamano. Kathañca, bhikkhave, saparikkamano ayaṃ dhammo, nāyaṃ dhammo aparikkamano? Pāṇātipātissa, bhikkhave, pāṇātipātā veramaṇī parikkamanaṃ hoti. Adinnādāyissa, bhikkhave, adinnādānā veramaṇī parikkamanaṃ hoti. Kāmesumicchācārissa, bhikkhave, kāmesumicchācārā veramaṇī parikkamanaṃ hoti. Musāvādissa, bhikkhave, musāvādā veramaṇī parikkamanaṃ hoti. Pisuṇavācassa , bhikkhave, pisuṇāya vācāya veramaṇī parikkamanaṃ hoti. Pharusavācassa, bhikkhave, pharusāya vācāya veramaṇī parikkamanaṃ hoti. Samphappalāpissa, bhikkhave, samphappalāpā veramaṇī parikkamanaṃ hoti. Abhijjhālussa, bhikkhave, anabhijjhā parikkamanaṃ hoti. Byāpannacittassa 2, bhikkhave, abyāpādo parikkamanaṃ hoti. Micchādiṭṭhissa, bhikkhave, sammādiṭṭhi parikkamanaṃ hoti. Evaṃ kho, bhikkhave, saparikkamano ayaṃ dhammo, nāyaṃ dhammo aparikkamano’’ti. Navamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 9. பரிக்கமனஸுத்தவண்ணனா • 9. Parikkamanasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-44. ப்³ராஹ்மணபச்சோரோஹணீஸுத்தாதி³வண்ணனா • 1-44. Brāhmaṇapaccorohaṇīsuttādivaṇṇanā
