| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
4. பரிஞ்ஞெய்யஸுத்தவண்ணனா
4. Pariññeyyasuttavaṇṇanā
106. பரிஞ்ஞெய்யேதி எத்த² திஸ்ஸோ பரிஞ்ஞா ஞாதபரிஞ்ஞா, தீரணபரிஞ்ஞா, பஹானபரிஞ்ஞாதி. தாஸு ஞாதபரிஞ்ஞா யாவதே³வ தீரணபரிஞ்ஞத்தா². தீரணபரிஞ்ஞா ச யாவதே³வ பஹானபரிஞ்ஞத்தா²தி . தத்த² உக்கட்டா²ய பரிஞ்ஞாய கிச்சத³ஸ்ஸனவஸேன அத்த²ங் த³ஸ்ஸெந்தோ ‘‘பரிஞ்ஞெய்யேதி பரிஜானிதப்³பே³ ஸமதிக்கமிதப்³பே³’’தி, பஹாதப்³பே³தி அத்தோ². தேனாஹ ப⁴க³வா – ‘‘கதமா ச, பி⁴க்க²வே, பரிஞ்ஞா? ராக³க்க²யோ, தோ³ஸக்க²யோ, மோஹக்க²யோ’’தி, தஸ்மா ஸமதிக்கமந்தி, ஸமதிக்கந்தங் பஹானஸ்ஸ உபாயங். ஸமதிக்கமித்வா டி²தந்தி பஜஹித்வா டி²தந்தி அயமெத்த² அத்தோ².
106.Pariññeyyeti ettha tisso pariññā ñātapariññā, tīraṇapariññā, pahānapariññāti. Tāsu ñātapariññā yāvadeva tīraṇapariññatthā. Tīraṇapariññā ca yāvadeva pahānapariññatthāti . Tattha ukkaṭṭhāya pariññāya kiccadassanavasena atthaṃ dassento ‘‘pariññeyyeti parijānitabbe samatikkamitabbe’’ti, pahātabbeti attho. Tenāha bhagavā – ‘‘katamā ca, bhikkhave, pariññā? Rāgakkhayo, dosakkhayo, mohakkhayo’’ti, tasmā samatikkamanti, samatikkantaṃ pahānassa upāyaṃ. Samatikkamitvā ṭhitanti pajahitvā ṭhitanti ayamettha attho.
பரிஞ்ஞெய்யஸுத்தவண்ணனா நிட்டி²தா.
Pariññeyyasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. பரிஞ்ஞெய்யஸுத்தங் • 4. Pariññeyyasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4. பரிஞ்ஞெய்யஸுத்தவண்ணனா • 4. Pariññeyyasuttavaṇṇanā
