| Library / Tipiṭaka / તિપિટક • Tipiṭaka / જાતક-અટ્ઠકથા • Jātaka-aṭṭhakathā |
૧૧. પરોસતવગ્ગો
11. Parosatavaggo
[૧૦૧] ૧. પરોસતજાતકવણ્ણના
[101] 1. Parosatajātakavaṇṇanā
૧૦૧.
101.
‘‘પરોસતઞ્ચેપિ સમાગતાનં, ઝાયેય્યું તે વસ્સસતં અપઞ્ઞા;
‘‘Parosatañcepi samāgatānaṃ, jhāyeyyuṃ te vassasataṃ apaññā;
એકોવ સેય્યો પુરિસો સપઞ્ઞો, યો ભાસિતસ્સ વિજાનાતિ અત્થ’’ન્તિ. –
Ekova seyyo puriso sapañño, yo bhāsitassa vijānāti attha’’nti. –
ઇદં જાતકં વત્થુતો ચ વેય્યાકરણતો ચ સમોધાનતો ચ પરોસહસ્સજાતકસદિસમેવ. કેવલઞ્હેત્થ ‘‘ઝાયેય્યુ’’ન્તિ પદમત્તમેવ વિસેસો. તસ્સત્થો – વસ્સસતમ્પિ અપઞ્ઞા ઝાયેય્યું ઓલોકેય્યું ઉપધારેય્યું, એવં ઓલોકેન્તાપિ પન અત્થં વા કારણં વા ન પસ્સન્તિ, તસ્મા યો ભાસિતસ્સ અત્થં જાનાતિ, સો એકોવ સપઞ્ઞો સેય્યોતિ.
Idaṃ jātakaṃ vatthuto ca veyyākaraṇato ca samodhānato ca parosahassajātakasadisameva. Kevalañhettha ‘‘jhāyeyyu’’nti padamattameva viseso. Tassattho – vassasatampi apaññā jhāyeyyuṃ olokeyyuṃ upadhāreyyuṃ, evaṃ olokentāpi pana atthaṃ vā kāraṇaṃ vā na passanti, tasmā yo bhāsitassa atthaṃ jānāti, so ekova sapañño seyyoti.
પરોસતજાતકવણ્ણના પઠમા.
Parosatajātakavaṇṇanā paṭhamā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / ખુદ્દકનિકાય • Khuddakanikāya / જાતકપાળિ • Jātakapāḷi / ૧૦૧. પરોસતજાતકં • 101. Parosatajātakaṃ
