| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
8. பட²மஅப⁴ப்³ப³ட்டா²னஸுத்தங்
8. Paṭhamaabhabbaṭṭhānasuttaṃ
92. ‘‘ச²யிமானி, பி⁴க்க²வே, அப⁴ப்³ப³ட்டா²னானி. கதமானி ச²? அப⁴ப்³போ³ தி³ட்டி²ஸம்பன்னோ புக்³க³லோ ஸத்த²ரி அகா³ரவோ விஹரிதுங் அப்பதிஸ்ஸோ, அப⁴ப்³போ³ தி³ட்டி²ஸம்பன்னோ புக்³க³லோ த⁴ம்மே அகா³ரவோ விஹரிதுங் அப்பதிஸ்ஸோ, அப⁴ப்³போ³ தி³ட்டி²ஸம்பன்னோ புக்³க³லோ ஸங்கே⁴ அகா³ரவோ விஹரிதுங் அப்பதிஸ்ஸோ, அப⁴ப்³போ³ தி³ட்டி²ஸம்பன்னோ புக்³க³லோ ஸிக்கா²ய அகா³ரவோ விஹரிதுங் அப்பதிஸ்ஸோ, அப⁴ப்³போ³ தி³ட்டி²ஸம்பன்னோ புக்³க³லோ அனாக³மனீயங் வத்து²ங் பச்சாக³ந்துங், அப⁴ப்³போ³ தி³ட்டி²ஸம்பன்னோ புக்³க³லோ அட்ட²மங் ப⁴வங் நிப்³ப³த்தேதுங். இமானி கோ², பி⁴க்க²வே, ச² அப⁴ப்³ப³ட்டா²னானீ’’தி. அட்ட²மங்.
92. ‘‘Chayimāni, bhikkhave, abhabbaṭṭhānāni. Katamāni cha? Abhabbo diṭṭhisampanno puggalo satthari agāravo viharituṃ appatisso, abhabbo diṭṭhisampanno puggalo dhamme agāravo viharituṃ appatisso, abhabbo diṭṭhisampanno puggalo saṅghe agāravo viharituṃ appatisso, abhabbo diṭṭhisampanno puggalo sikkhāya agāravo viharituṃ appatisso, abhabbo diṭṭhisampanno puggalo anāgamanīyaṃ vatthuṃ paccāgantuṃ, abhabbo diṭṭhisampanno puggalo aṭṭhamaṃ bhavaṃ nibbattetuṃ. Imāni kho, bhikkhave, cha abhabbaṭṭhānānī’’ti. Aṭṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 8-11. அப⁴ப்³ப³ட்டா²னஸுத்தசதுக்கவண்ணனா • 8-11. Abhabbaṭṭhānasuttacatukkavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 2-11. ஆவரணஸுத்தாதி³வண்ணனா • 2-11. Āvaraṇasuttādivaṇṇanā
