| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
5. பட²மஅக்க²ந்திஸுத்தங்
5. Paṭhamaakkhantisuttaṃ
215. ‘‘பஞ்சிமே, பி⁴க்க²வே, ஆதீ³னவா அக்க²ந்தியா. கதமே பஞ்ச? ப³ஹுனோ ஜனஸ்ஸ அப்பியோ ஹோதி அமனாபோ, வேரப³ஹுலோ ச ஹோதி, வஜ்ஜப³ஹுலோ ச, ஸம்மூள்ஹோ காலங் கரோதி, காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபஜ்ஜதி. இமே கோ², பி⁴க்க²வே, பஞ்ச ஆதீ³னவா அக்க²ந்தியா.
215. ‘‘Pañcime, bhikkhave, ādīnavā akkhantiyā. Katame pañca? Bahuno janassa appiyo hoti amanāpo, verabahulo ca hoti, vajjabahulo ca, sammūḷho kālaṃ karoti, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Ime kho, bhikkhave, pañca ādīnavā akkhantiyā.
‘‘பஞ்சிமே, பி⁴க்க²வே, ஆனிஸங்ஸா க²ந்தியா. கதமே பஞ்ச? ப³ஹுனோ ஜனஸ்ஸ பியோ ஹோதி மனாபோ, ந வேரப³ஹுலோ ஹோதி, ந வஜ்ஜப³ஹுலோ, அஸம்மூள்ஹோ காலங் கரோதி, காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜதி. இமே கோ², பி⁴க்க²வே, பஞ்ச ஆனிஸங்ஸா க²ந்தியா’’தி. பஞ்சமங்.
‘‘Pañcime, bhikkhave, ānisaṃsā khantiyā. Katame pañca? Bahuno janassa piyo hoti manāpo, na verabahulo hoti, na vajjabahulo, asammūḷho kālaṃ karoti, kāyassa bhedā paraṃ maraṇā sugatiṃ saggaṃ lokaṃ upapajjati. Ime kho, bhikkhave, pañca ānisaṃsā khantiyā’’ti. Pañcamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 5. பட²மஅக்க²ந்திஸுத்தவண்ணனா • 5. Paṭhamaakkhantisuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 3-10. ஸீலஸுத்தாதி³வண்ணனா • 3-10. Sīlasuttādivaṇṇanā
