| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
9. பட²மஆனந்த³ஸுத்தங்
9. Paṭhamaānandasuttaṃ
39. அத² கோ² ஆயஸ்மா ஆனந்தோ³ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா ஆனந்தோ³ ப⁴க³வந்தங் ஏதத³வோச – ‘‘‘ஸங்க⁴பே⁴தோ³ ஸங்க⁴பே⁴தோ³’தி, ப⁴ந்தே, வுச்சதி. கித்தாவதா நு கோ², ப⁴ந்தே, ஸங்கோ⁴ பி⁴ன்னோ ஹோதீ’’தி ? ‘‘இதா⁴னந்த³, பி⁴க்கூ² அத⁴ம்மங் த⁴ம்மோதி தீ³பெந்தி, த⁴ம்மங் அத⁴ம்மோதி தீ³பெந்தி, அவினயங் வினயோதி தீ³பெந்தி…பே॰… பஞ்ஞத்தங் ததா²க³தேன அபஞ்ஞத்தங் ததா²க³தேனாதி தீ³பெந்தி. தே இமேஹி த³ஸஹி வத்தூ²ஹி அவகஸ்ஸந்தி அபகஸ்ஸந்தி ஆவேனி கம்மானி கரொந்தி ஆவேனி பாதிமொக்க²ங் உத்³தி³ஸந்தி. எத்தாவதா கோ², ஆனந்த³, ஸங்கோ⁴ பி⁴ன்னோ ஹோதீ’’தி.
39. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘‘saṅghabhedo saṅghabhedo’ti, bhante, vuccati. Kittāvatā nu kho, bhante, saṅgho bhinno hotī’’ti ? ‘‘Idhānanda, bhikkhū adhammaṃ dhammoti dīpenti, dhammaṃ adhammoti dīpenti, avinayaṃ vinayoti dīpenti…pe… paññattaṃ tathāgatena apaññattaṃ tathāgatenāti dīpenti. Te imehi dasahi vatthūhi avakassanti apakassanti āveni kammāni karonti āveni pātimokkhaṃ uddisanti. Ettāvatā kho, ānanda, saṅgho bhinno hotī’’ti.
‘‘ஸமக்³க³ங் பன, ப⁴ந்தே, ஸங்க⁴ங் பி⁴ந்தி³த்வா கிங் ஸோ பஸவதீ’’தி? ‘‘கப்பட்டி²கங், ஆனந்த³, கிப்³பி³ஸங் பஸவதீ’’தி. ‘‘கிங் பன, ப⁴ந்தே, கப்பட்டி²கங் கிப்³பி³ஸ’’ந்தி? ‘‘கப்பங், ஆனந்த³, நிரயம்ஹி பச்சதீதி –
‘‘Samaggaṃ pana, bhante, saṅghaṃ bhinditvā kiṃ so pasavatī’’ti? ‘‘Kappaṭṭhikaṃ, ānanda, kibbisaṃ pasavatī’’ti. ‘‘Kiṃ pana, bhante, kappaṭṭhikaṃ kibbisa’’nti? ‘‘Kappaṃ, ānanda, nirayamhi paccatīti –
‘‘ஆபாயிகோ நேரயிகோ, கப்பட்டோ² ஸங்க⁴பே⁴த³கோ;
‘‘Āpāyiko nerayiko, kappaṭṭho saṅghabhedako;
வக்³க³ரதோ அத⁴ம்மட்டோ², யோக³க்கே²மா பத⁴ங்ஸதி;
Vaggarato adhammaṭṭho, yogakkhemā padhaṃsati;
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 9-10. ஆனந்த³ஸுத்தத்³வயவண்ணனா • 9-10. Ānandasuttadvayavaṇṇanā
