| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
7. பட²மஅபாஸாதி³கஸுத்தங்
7. Paṭhamaapāsādikasuttaṃ
217. ‘‘பஞ்சிமே, பி⁴க்க²வே, ஆதீ³னவா அபாஸாதி³கே. கதமே பஞ்ச? அத்தாபி அத்தானங் உபவத³தி, அனுவிச்ச விஞ்ஞூ க³ரஹந்தி, பாபகோ கித்திஸத்³தோ³ அப்³பு⁴க்³க³ச்ச²தி, ஸம்மூள்ஹோ காலங் கரோதி, காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபஜ்ஜதி. இமே கோ², பி⁴க்க²வே, பஞ்ச ஆதீ³னவா அபாஸாதி³கே.
217. ‘‘Pañcime, bhikkhave, ādīnavā apāsādike. Katame pañca? Attāpi attānaṃ upavadati, anuvicca viññū garahanti, pāpako kittisaddo abbhuggacchati, sammūḷho kālaṃ karoti, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Ime kho, bhikkhave, pañca ādīnavā apāsādike.
‘‘பஞ்சிமே, பி⁴க்க²வே, ஆனிஸங்ஸா பாஸாதி³கே . கதமே பஞ்ச? அத்தாபி அத்தானங் ந உபவத³தி, அனுவிச்ச விஞ்ஞூ பஸங்ஸந்தி, கல்யாணோ கித்திஸத்³தோ³ அப்³பு⁴க்³க³ச்ச²தி, அஸம்மூள்ஹோ காலங் கரோதி, காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜதி. இமே கோ², பி⁴க்க²வே, பஞ்ச ஆனிஸங்ஸா பாஸாதி³கே’’தி. ஸத்தமங்.
‘‘Pañcime, bhikkhave, ānisaṃsā pāsādike . Katame pañca? Attāpi attānaṃ na upavadati, anuvicca viññū pasaṃsanti, kalyāṇo kittisaddo abbhuggacchati, asammūḷho kālaṃ karoti, kāyassa bhedā paraṃ maraṇā sugatiṃ saggaṃ lokaṃ upapajjati. Ime kho, bhikkhave, pañca ānisaṃsā pāsādike’’ti. Sattamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 7.பட²மஅபாஸாதி³கஸுத்தவண்ணனா • 7.Paṭhamaapāsādikasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 3-10. ஸீலஸுத்தாதி³வண்ணனா • 3-10. Sīlasuttādivaṇṇanā
