| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
11. பட²மஅஸேக²ஸுத்தங்
11. Paṭhamaasekhasuttaṃ
111. அத² கோ² அஞ்ஞதரோ பி⁴க்கு² யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஸோ பி⁴க்கு² ப⁴க³வந்தங் ஏதத³வோச –
111. Atha kho aññataro bhikkhu yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho so bhikkhu bhagavantaṃ etadavoca –
‘‘‘அஸேகோ² அஸேகோ²’தி, ப⁴ந்தே, வுச்சதி. கித்தாவதா ப⁴ந்தே, பி⁴க்கு² அஸேகோ² ஹோதீ’’தி? ‘‘இத⁴, பி⁴க்கு², பி⁴க்கு² அஸேகா²ய ஸம்மாதி³ட்டி²யா ஸமன்னாக³தோ ஹோதி, அஸேகே²ன ஸம்மாஸங்கப்பேன ஸமன்னாக³தோ ஹோதி, அஸேகா²ய ஸம்மாவாசாய ஸமன்னாக³தோ ஹோதி, அஸேகே²ன ஸம்மாகம்மந்தேன ஸமன்னாக³தோ ஹோதி, அஸேகே²ன ஸம்மாஆஜீவேன ஸமன்னாக³தோ ஹோதி, அஸேகே²ன ஸம்மாவாயாமேன ஸமன்னாக³தோ ஹோதி, அஸேகா²ய ஸம்மாஸதியா ஸமன்னாக³தோ ஹோதி, அஸேகே²ன ஸம்மாஸமாதி⁴னா ஸமன்னாக³தோ ஹோதி, அஸேகே²ன ஸம்மாஞாணேன ஸமன்னாக³தோ ஹோதி, அஸேகா²ய ஸம்மாவிமுத்தியா ஸமன்னாக³தோ ஹோதி. ஏவங் கோ², பி⁴க்கு², பி⁴க்கு² அஸேகோ² ஹோதீ’’தி. ஏகாத³ஸமங்.
‘‘‘Asekho asekho’ti, bhante, vuccati. Kittāvatā bhante, bhikkhu asekho hotī’’ti? ‘‘Idha, bhikkhu, bhikkhu asekhāya sammādiṭṭhiyā samannāgato hoti, asekhena sammāsaṅkappena samannāgato hoti, asekhāya sammāvācāya samannāgato hoti, asekhena sammākammantena samannāgato hoti, asekhena sammāājīvena samannāgato hoti, asekhena sammāvāyāmena samannāgato hoti, asekhāya sammāsatiyā samannāgato hoti, asekhena sammāsamādhinā samannāgato hoti, asekhena sammāñāṇena samannāgato hoti, asekhāya sammāvimuttiyā samannāgato hoti. Evaṃ kho, bhikkhu, bhikkhu asekho hotī’’ti. Ekādasamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 11. பட²மஅஸேக²ஸுத்தவண்ணனா • 11. Paṭhamaasekhasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-12. ஸமணஸஞ்ஞாஸுத்தாதி³வண்ணனா • 1-12. Samaṇasaññāsuttādivaṇṇanā
