| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
6. பட²மஅவண்ணாரஹஸுத்தங்
6. Paṭhamaavaṇṇārahasuttaṃ
236. ‘‘பஞ்சஹி , பி⁴க்க²வே, த⁴ம்மேஹி ஸமன்னாக³தோ ஆவாஸிகோ பி⁴க்கு² யதா²ப⁴தங் நிக்கி²த்தோ ஏவங் நிரயே. கதமேஹி பஞ்சஹி? அனநுவிச்ச அபரியோகா³ஹெத்வா அவண்ணாரஹஸ்ஸ வண்ணங் பா⁴ஸதி; அனநுவிச்ச அபரியோகா³ஹெத்வா வண்ணாரஹஸ்ஸ அவண்ணங் பா⁴ஸதி; அனநுவிச்ச அபரியோகா³ஹெத்வா அப்பஸாத³னீயே டா²னே பஸாத³ங் உபத³ங்ஸேதி; அனநுவிச்ச அபரியோகா³ஹெத்வா பஸாத³னீயே டா²னே அப்பஸாத³ங் உபத³ங்ஸேதி; ஸத்³தா⁴தெ³ய்யங் வினிபாதேதி. இமேஹி கோ², பி⁴க்க²வே, பஞ்சஹி த⁴ம்மேஹி ஸமன்னாக³தோ ஆவாஸிகோ பி⁴க்கு² யதா²ப⁴தங் நிக்கி²த்தோ ஏவங் நிரயே.
236. ‘‘Pañcahi , bhikkhave, dhammehi samannāgato āvāsiko bhikkhu yathābhataṃ nikkhitto evaṃ niraye. Katamehi pañcahi? Ananuvicca apariyogāhetvā avaṇṇārahassa vaṇṇaṃ bhāsati; ananuvicca apariyogāhetvā vaṇṇārahassa avaṇṇaṃ bhāsati; ananuvicca apariyogāhetvā appasādanīye ṭhāne pasādaṃ upadaṃseti; ananuvicca apariyogāhetvā pasādanīye ṭhāne appasādaṃ upadaṃseti; saddhādeyyaṃ vinipāteti. Imehi kho, bhikkhave, pañcahi dhammehi samannāgato āvāsiko bhikkhu yathābhataṃ nikkhitto evaṃ niraye.
‘‘பஞ்சஹி, பி⁴க்க²வே, த⁴ம்மேஹி ஸமன்னாக³தோ ஆவாஸிகோ பி⁴க்கு² யதா²ப⁴தங் நிக்கி²த்தோ ஏவங் ஸக்³கே³. கதமேஹி பஞ்சஹி? அனுவிச்ச பரியோகா³ஹெத்வா அவண்ணாரஹஸ்ஸ அவண்ணங் பா⁴ஸதி; அனுவிச்ச பரியோகா³ஹெத்வா வண்ணாரஹஸ்ஸ வண்ணங் பா⁴ஸதி; அனுவிச்ச பரியோகா³ஹெத்வா அப்பஸாத³னீயே டா²னே அப்பஸாத³ங் உபத³ங்ஸேதி; அனுவிச்ச பரியோகா³ஹெத்வா பஸாத³னீயே டா²னே பஸாத³ங் உபத³ங்ஸேதி; ஸத்³தா⁴தெ³ய்யங் ந வினிபாதேதி. இமேஹி கோ², பி⁴க்க²வே, பஞ்சஹி த⁴ம்மேஹி ஸமன்னாக³தோ ஆவாஸிகோ பி⁴க்கு² யதா²ப⁴தங் நிக்கி²த்தோ ஏவங் ஸக்³கே³’’தி. ச²ட்ட²ங்.
‘‘Pañcahi, bhikkhave, dhammehi samannāgato āvāsiko bhikkhu yathābhataṃ nikkhitto evaṃ sagge. Katamehi pañcahi? Anuvicca pariyogāhetvā avaṇṇārahassa avaṇṇaṃ bhāsati; anuvicca pariyogāhetvā vaṇṇārahassa vaṇṇaṃ bhāsati; anuvicca pariyogāhetvā appasādanīye ṭhāne appasādaṃ upadaṃseti; anuvicca pariyogāhetvā pasādanīye ṭhāne pasādaṃ upadaṃseti; saddhādeyyaṃ na vinipāteti. Imehi kho, bhikkhave, pañcahi dhammehi samannāgato āvāsiko bhikkhu yathābhataṃ nikkhitto evaṃ sagge’’ti. Chaṭṭhaṃ.
Related texts:
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-10. பட²மதீ³க⁴சாரிகஸுத்தாதி³வண்ணனா • 1-10. Paṭhamadīghacārikasuttādivaṇṇanā
