| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
9. பட²மஆயுஸுத்தவண்ணனா
9. Paṭhamaāyusuttavaṇṇanā
145. பண்ணாஸங் வா வஸ்ஸானி ஜீவதி வஸ்ஸஸததோ உபரி ஸெய்யதா²பி தே²ரோ அனுருத்³தோ⁴. ஸட்டி² வா வஸ்ஸானி ஸெய்யதா²பி தே²ரோ பா³குலோ. படிஹரித்வா பச்சனீகபா⁴வே ஸாதங் ஸுக²ங் ஏதஸ்ஸாதி பச்சனீகஸாதோ, தப்³பா⁴வோ பச்சனீகஸாததா, தாய. அபி⁴ப⁴வித்வா அபா⁴ஸி படிவசனங் ஜானமானோவ.
145.Paṇṇāsaṃvā vassāni jīvati vassasatato upari seyyathāpi thero anuruddho. Saṭṭhi vā vassāni seyyathāpi thero bākulo. Paṭiharitvā paccanīkabhāve sātaṃ sukhaṃ etassāti paccanīkasāto, tabbhāvo paccanīkasātatā, tāya. Abhibhavitvā abhāsi paṭivacanaṃ jānamānova.
ந ஹீளெய்ய ந ஜிகு³ச்செ²ய்ய. ஏவந்தி ஸோ தா³ரகோ விய கிஞ்சி அசிந்தெந்தோ ஸப்புரிஸோ சரெய்ய, ஏவங் ஹிஸ்ஸ சித்தது³க்க²ங் ந ஹோதீதி அதி⁴ப்பாயோ. பஜ்ஜலிதஸீஸோ விய சரெய்யாதி யதா² பஜ்ஜலிதஸீஸோ புரிஸோ அஞ்ஞங் கிஞ்சி அகத்வா தஸ்ஸேவ வூபஸமாய வாயமெய்ய, ஏவங் ஸப்புரிஸோ ஆயுங் பரித்தந்தி ஞத்வா தேனேவ நயேன ஸப்³ப³ஸங்கா²ரக³தங் அனிச்சங், அனிச்சத்தா ஏவ து³க்க²ங், அனத்தாதி விபஸ்ஸனம்பி ஓதரித்வா தங் உஸ்ஸுக்காபெந்தோபி ஸங்கா²ரவிக³மாய சரெய்ய படிபஜ்ஜெய்ய.
Na hīḷeyya na jiguccheyya. Evanti so dārako viya kiñci acintento sappuriso careyya, evaṃ hissa cittadukkhaṃ na hotīti adhippāyo. Pajjalitasīso viya careyyāti yathā pajjalitasīso puriso aññaṃ kiñci akatvā tasseva vūpasamāya vāyameyya, evaṃ sappuriso āyuṃ parittanti ñatvā teneva nayena sabbasaṅkhāragataṃ aniccaṃ, aniccattā eva dukkhaṃ, anattāti vipassanampi otaritvā taṃ ussukkāpentopi saṅkhāravigamāya careyya paṭipajjeyya.
பட²மஆயுஸுத்தவண்ணனா நிட்டி²தா.
Paṭhamaāyusuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 9. பட²மஆயுஸுத்தங் • 9. Paṭhamaāyusuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 9. பட²மஆயுஸுத்தவண்ணனா • 9. Paṭhamaāyusuttavaṇṇanā
