| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૯. પઠમઆયુસુત્તવણ્ણના
9. Paṭhamaāyusuttavaṇṇanā
૧૪૫. નવમે અપ્પં વા ભિય્યોતિ ભિય્યો જીવન્તો અપરં વસ્સસતં જીવિતું ન સક્કોતિ, પણ્ણાસં વા સટ્ઠિ વા વસ્સાનિ જીવતિ. અજ્ઝભાસીતિ સમણો ગોતમો ‘‘મનુસ્સાનં અપ્પમાયૂ’’તિ કથેતિ, દીઘભાવમસ્સ કથેસ્સામીતિ પચ્ચનીકસાતતાય અભિભવિત્વા અભાસિ.
145. Navame appaṃ vā bhiyyoti bhiyyo jīvanto aparaṃ vassasataṃ jīvituṃ na sakkoti, paṇṇāsaṃ vā saṭṭhi vā vassāni jīvati. Ajjhabhāsīti samaṇo gotamo ‘‘manussānaṃ appamāyū’’ti katheti, dīghabhāvamassa kathessāmīti paccanīkasātatāya abhibhavitvā abhāsi.
ન નં હીળેતિ તં આયું ‘‘અપ્પકમિદ’’ન્તિ ન હીળેય્ય. ખીરમત્તો વાતિ યથા દહરો કુમારો ઉત્તાનસેય્યકો ખીરં પિવિત્વા દુકૂલચુમ્બટકે નિપન્નો અસઞ્ઞી વિય નિદ્દાયતિ, કસ્સચિ આયું અપ્પં વા દીઘં વાતિ ન ચિન્તેતિ, એવં સપ્પુરિસો. ચરેય્યાદિત્તસીસો વાતિ આયું પરિત્તન્તિ ઞત્વા પજ્જલિતસીસો વિય ચરેય્ય. નવમં.
Nanaṃ hīḷeti taṃ āyuṃ ‘‘appakamida’’nti na hīḷeyya. Khīramatto vāti yathā daharo kumāro uttānaseyyako khīraṃ pivitvā dukūlacumbaṭake nipanno asaññī viya niddāyati, kassaci āyuṃ appaṃ vā dīghaṃ vāti na cinteti, evaṃ sappuriso. Careyyādittasīso vāti āyuṃ parittanti ñatvā pajjalitasīso viya careyya. Navamaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૯. પઠમઆયુસુત્તં • 9. Paṭhamaāyusuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૯. પઠમઆયુસુત્તવણ્ણના • 9. Paṭhamaāyusuttavaṇṇanā
