| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
6. பட²மப⁴வஸுத்தங்
6. Paṭhamabhavasuttaṃ
77. அத² கோ² ஆயஸ்மா ஆனந்தோ³ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா ஆனந்தோ³ ப⁴க³வந்தங் ஏதத³வோச – ‘‘ப⁴வோ, ப⁴வோதி, ப⁴ந்தே, வுச்சதி. கித்தாவதா நு கோ², ப⁴ந்தே, ப⁴வோ ஹோதீ’’தி?
77. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘bhavo, bhavoti, bhante, vuccati. Kittāvatā nu kho, bhante, bhavo hotī’’ti?
‘‘காமதா⁴துவேபக்கஞ்ச, ஆனந்த³, கம்மங் நாப⁴விஸ்ஸ, அபி நு கோ² காமப⁴வோ பஞ்ஞாயேதா²’’தி? ‘‘நோ ஹேதங், ப⁴ந்தே’’. ‘‘இதி கோ², ஆனந்த³, கம்மங் கெ²த்தங், விஞ்ஞாணங் பீ³ஜங், தண்ஹா ஸ்னேஹோ 1. அவிஜ்ஜானீவரணானங் ஸத்தானங் தண்ஹாஸங்யோஜனானங் ஹீனாய தா⁴துயா விஞ்ஞாணங் பதிட்டி²தங் ஏவங் ஆயதிங் 2 புனப்³ப⁴வாபி⁴னிப்³ப³த்தி ஹோதி. ( ) 3
‘‘Kāmadhātuvepakkañca, ānanda, kammaṃ nābhavissa, api nu kho kāmabhavo paññāyethā’’ti? ‘‘No hetaṃ, bhante’’. ‘‘Iti kho, ānanda, kammaṃ khettaṃ, viññāṇaṃ bījaṃ, taṇhā sneho 4. Avijjānīvaraṇānaṃ sattānaṃ taṇhāsaṃyojanānaṃ hīnāya dhātuyā viññāṇaṃ patiṭṭhitaṃ evaṃ āyatiṃ 5 punabbhavābhinibbatti hoti. ( ) 6
‘‘ரூபதா⁴துவேபக்கஞ்ச, ஆனந்த³, கம்மங் நாப⁴விஸ்ஸ, அபி நு கோ² ரூபப⁴வோ பஞ்ஞாயேதா²’’தி? ‘‘நோ ஹேதங், ப⁴ந்தே’’. ‘‘இதி கோ² ஆனந்த³, கம்மங் கெ²த்தங், விஞ்ஞாணங் பீ³ஜங், தண்ஹா ஸ்னேஹோ. அவிஜ்ஜானீவரணானங் ஸத்தானங் தண்ஹாஸங்யோஜனானங் மஜ்ஜி²மாய தா⁴துயா விஞ்ஞாணங் பதிட்டி²தங் ஏவங் ஆயதிங் புனப்³ப⁴வாபி⁴னிப்³ப³த்தி ஹோதி. ( ) 7
‘‘Rūpadhātuvepakkañca, ānanda, kammaṃ nābhavissa, api nu kho rūpabhavo paññāyethā’’ti? ‘‘No hetaṃ, bhante’’. ‘‘Iti kho ānanda, kammaṃ khettaṃ, viññāṇaṃ bījaṃ, taṇhā sneho. Avijjānīvaraṇānaṃ sattānaṃ taṇhāsaṃyojanānaṃ majjhimāya dhātuyā viññāṇaṃ patiṭṭhitaṃ evaṃ āyatiṃ punabbhavābhinibbatti hoti. ( ) 8
‘‘அரூபதா⁴துவேபக்கஞ்ச, ஆனந்த³, கம்மங் நாப⁴விஸ்ஸ, அபி நு கோ² அரூபப⁴வோ பஞ்ஞாயேதா²’’தி? ‘‘நோ ஹேதங், ப⁴ந்தே’’. ‘‘இதி கோ², ஆனந்த³, கம்மங் கெ²த்தங், விஞ்ஞாணங் பீ³ஜங், தண்ஹா ஸ்னேஹோ. அவிஜ்ஜானீவரணானங் ஸத்தானங் தண்ஹாஸங்யோஜனானங் பணீதாய தா⁴துயா விஞ்ஞாணங் பதிட்டி²தங் ஏவங் ஆயதிங் புனப்³ப⁴வாபி⁴னிப்³ப³த்தி ஹோதி. ஏவங் கோ², ஆனந்த³, ப⁴வோ ஹோதீ’’தி. ச²ட்ட²ங்.
‘‘Arūpadhātuvepakkañca, ānanda, kammaṃ nābhavissa, api nu kho arūpabhavo paññāyethā’’ti? ‘‘No hetaṃ, bhante’’. ‘‘Iti kho, ānanda, kammaṃ khettaṃ, viññāṇaṃ bījaṃ, taṇhā sneho. Avijjānīvaraṇānaṃ sattānaṃ taṇhāsaṃyojanānaṃ paṇītāya dhātuyā viññāṇaṃ patiṭṭhitaṃ evaṃ āyatiṃ punabbhavābhinibbatti hoti. Evaṃ kho, ānanda, bhavo hotī’’ti. Chaṭṭhaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 6. பட²மப⁴வஸுத்தவண்ணனா • 6. Paṭhamabhavasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 6-7. பட²மப⁴வஸுத்தாதி³வண்ணனா • 6-7. Paṭhamabhavasuttādivaṇṇanā
