| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૯. પઠમછફસ્સાયતનસુત્તવણ્ણના
9. Paṭhamachaphassāyatanasuttavaṇṇanā
૭૧. નવમે ફસ્સાયતનાનન્તિ ફસ્સાકરાનં. અવુસિતન્તિ અવુટ્ઠં. આરકાતિ દૂરે. એત્થાહં, ભન્તે, અનસ્સસન્તિ, ભન્તે, અહં એત્થ અનસ્સસિં, નટ્ઠો નામ અહન્તિ વદતિ. ભગવા – ‘‘અયં ભિક્ખુ ‘અહં નામ ઇમસ્મિં સાસને નટ્ઠો’તિ વદતિ, કિન્નુ ખ્વસ્સ અઞ્ઞેસુ ધાતુકમ્મટ્ઠાન-કસિણકમ્મટ્ઠાનાદીસુ અભિયોગો અત્થી’’તિ ચિન્તેત્વા, તમ્પિ અપસ્સન્તો – ‘‘કતરં નુ ખો કમ્મટ્ઠાનં ઇમસ્સ સપ્પાયં ભવિસ્સતી’’તિ ચિન્તેસિ. તતો ‘‘આયતનકમ્મટ્ઠાનમેવ સપ્પાય’’ન્તિ દિસ્વા તં કથેન્તો તં કિં મઞ્ઞસિ ભિક્ખૂતિઆદિમાહ. સાધૂતિ તસ્સ બ્યાકરણે સમ્પહંસનં. એસેવન્તો દુક્ખસ્સાતિ અયમેવ વટ્ટદુક્ખસ્સન્તો પરિચ્છેદો, નિબ્બાનન્તિ અત્થો.
71. Navame phassāyatanānanti phassākarānaṃ. Avusitanti avuṭṭhaṃ. Ārakāti dūre. Etthāhaṃ, bhante, anassasanti, bhante, ahaṃ ettha anassasiṃ, naṭṭho nāma ahanti vadati. Bhagavā – ‘‘ayaṃ bhikkhu ‘ahaṃ nāma imasmiṃ sāsane naṭṭho’ti vadati, kinnu khvassa aññesu dhātukammaṭṭhāna-kasiṇakammaṭṭhānādīsu abhiyogo atthī’’ti cintetvā, tampi apassanto – ‘‘kataraṃ nu kho kammaṭṭhānaṃ imassa sappāyaṃ bhavissatī’’ti cintesi. Tato ‘‘āyatanakammaṭṭhānameva sappāya’’nti disvā taṃ kathento taṃ kiṃ maññasi bhikkhūtiādimāha. Sādhūti tassa byākaraṇe sampahaṃsanaṃ. Esevanto dukkhassāti ayameva vaṭṭadukkhassanto paricchedo, nibbānanti attho.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૯. પઠમછફસ્સાયતનસુત્તં • 9. Paṭhamachaphassāyatanasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૯. પઠમછફસ્સાયતનસુત્તવણ્ણના • 9. Paṭhamachaphassāyatanasuttavaṇṇanā
