| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
4. பட²மதா³ருக்க²ந்தோ⁴பமஸுத்தவண்ணனா
4. Paṭhamadārukkhandhopamasuttavaṇṇanā
241. விலாஸமானோ விய ஸாக³ரங் பத்வா. அந்தோஸாகோ²தி க³ங்கா³ய தீரஸ்ஸ அந்தோ ஓனதஸாகோ². தேமேதீதி திந்தோ ஹோதி. திரியங் பதிதோ த³ண்ட³ஸேது விய டி²தத்தா மஹாஜனஸ்ஸ பச்சயோ ஜாதோ, ததா² மஹந்தபா⁴வேன க³ங்கா³ஸோதங் ஓதரணாதி³ நத்தி².
241.Vilāsamāno viya sāgaraṃ patvā. Antosākhoti gaṅgāya tīrassa anto onatasākho. Temetīti tinto hoti. Tiriyaṃ patito daṇḍasetu viya ṭhitattā mahājanassa paccayo jāto, tathā mahantabhāvena gaṅgāsotaṃ otaraṇādi natthi.
அயங் ஹீதி அனந்தரங் வுத்தபுக்³க³லோ. அரியமக்³க³ங் ஓருய்ஹாதி சதுப்³பி³த⁴ங் அரியமக்³க³வீதி²ங் ஓதரித்வா. ‘‘சித்தங் நாமேத’’ந்திஆதி³னா சிந்தெத்வா கி³ஹிப³ந்த⁴னங் ந விஸ்ஸஜ்ஜேதீதி ஸம்ப³ந்தோ⁴. அத்தனோ ப⁴ஜமானகேதி அத்தனோ ப⁴ஜந்தே. ஜீவிகத்தா²ய பயுஜ்ஜிதப்³ப³தோ பயோகோ³, கெ²த்தவத்தா²தி³. ததோ பயோக³தோ உட்டி²தங் ஆயங். கிஞ்சாபி பி⁴க்கூ²னங் காயஸாமக்³கி³ங் தே³தி பி⁴க்க²த்தா²ய.
Ayaṃhīti anantaraṃ vuttapuggalo. Ariyamaggaṃ oruyhāti catubbidhaṃ ariyamaggavīthiṃ otaritvā. ‘‘Cittaṃ nāmeta’’ntiādinā cintetvā gihibandhanaṃ na vissajjetīti sambandho. Attano bhajamānaketi attano bhajante. Jīvikatthāya payujjitabbato payogo, khettavatthādi. Tato payogato uṭṭhitaṃ āyaṃ. Kiñcāpi bhikkhūnaṃ kāyasāmaggiṃ deti bhikkhatthāya.
முண்ட³க⁴டந்தி பி⁴ன்னொட்ட²ங் க⁴டங். க²ந்தே⁴தி அங்ஸே. ஸங்க⁴போ⁴க³ந்தி ஸங்க⁴ஸந்தகங் போ⁴க³கா³மங் க³ந்த்வா. அத்த²தோ ஏவங் வத³ந்தீதி ததா² அத்த²ஸ்ஸ ஸம்ப⁴வதோ ஏவங் வத³ந்தா விய ஹொந்தி. யாகு³மத்தகே யாகு³ந்தி யாகு³ங் பிவித்வா தாய அபரிபக்காய ஏவ அஞ்ஞங் யாகு³ங் அஜ்ஜோ²ஹரித்வாதி ஸம்ப³ந்தோ⁴.
Muṇḍaghaṭanti bhinnoṭṭhaṃ ghaṭaṃ. Khandheti aṃse. Saṅghabhoganti saṅghasantakaṃ bhogagāmaṃ gantvā. Atthato evaṃ vadantīti tathā atthassa sambhavato evaṃ vadantā viya honti. Yāgumattake yāgunti yāguṃ pivitvā tāya aparipakkāya eva aññaṃ yāguṃ ajjhoharitvāti sambandho.
கிலேஸானுரஞ்ஜிதோவாதி யோனிஸோமனஸிகாரஸ்ஸ அபா⁴வேன கிலேஸானுக³தசித்தோ ஏவ. அக்கீ²னி நீஹரித்வாதி கோத⁴வஸேன அக்கி²கே கரொந்தோ அக்கீ²னி நீஹரித்வா விசரிஸ்ஸதி. உத்³த⁴தோ ஹோதி அவூபஸந்தோ.
Kilesānurañjitovāti yonisomanasikārassa abhāvena kilesānugatacitto eva. Akkhīni nīharitvāti kodhavasena akkhike karonto akkhīni nīharitvā vicarissati. Uddhato hoti avūpasanto.
தி³ட்டி²க³திகோதி ஸாஸனிகோ ஏவங் அயோனிஸோ உம்முஜ்ஜித்வா ஸாஸனங் உத்³த⁴ம்மங் உப்³பி³னயங் கத்வா தீ³பெந்தோ அரிட்ட²ஸதி³ஸோ. தேனாஹ ‘‘ஸோ ஹீ’’திஆதி³. அரூபப⁴வே ரூபங் அத்தி², அஞ்ஞதா² ததோ சுதஸ்ஸ குதோ ரூபக்க²ந்த⁴ஸ்ஸ ஸம்ப⁴வோ. அஸஞ்ஞீப⁴வே சித்தங் அத்தீ²தி எத்தா²பி ஏஸேவ நயோ. ப³ஹுசித்தக்க²ணிகோ லோகுத்தரமக்³கோ³ ‘‘யோ இமே சத்தாரோ ஸதிபட்டா²னே பா⁴வெய்ய ஸத்தவஸ்ஸானீ’’திஆதி³வசனதோ (தீ³॰ நி॰ 2.404; ம॰ நி॰ 1.137). அனுஸயோ சித்தவிப்பயுத்தோ, அஞ்ஞதா² ஸாவஜ்ஜானவஜ்ஜத⁴ம்மானங் ஏகஜ்ஜ²ங் உப்பத்தி ஸியா. தே ச ஸத்தா ஸந்தா⁴வந்தி ஸங்ஸரந்தி, அஞ்ஞதா² கம்மப²லானங் ஸம்ப³ந்தோ⁴ ந ஸியாதி. இதி வத³ந்தோ ஏவங் மிச்சா²வாத³ங் பக்³க³ய்ஹ வத³ந்தோ.
Diṭṭhigatikoti sāsaniko evaṃ ayoniso ummujjitvā sāsanaṃ uddhammaṃ ubbinayaṃ katvā dīpento ariṭṭhasadiso. Tenāha ‘‘so hī’’tiādi. Arūpabhave rūpaṃ atthi, aññathā tato cutassa kuto rūpakkhandhassa sambhavo. Asaññībhave cittaṃ atthīti etthāpi eseva nayo. Bahucittakkhaṇiko lokuttaramaggo ‘‘yo ime cattāro satipaṭṭhāne bhāveyya sattavassānī’’tiādivacanato (dī. ni. 2.404; ma. ni. 1.137). Anusayo cittavippayutto, aññathā sāvajjānavajjadhammānaṃ ekajjhaṃ uppatti siyā. Te ca sattā sandhāvanti saṃsaranti, aññathā kammaphalānaṃ sambandho na siyāti. Iti vadanto evaṃ micchāvādaṃ paggayha vadanto.
தேமனருக்கோ² விய…பே॰… து³ல்லப⁴த⁴ம்மஸ்ஸவனோ ச புக்³க³லோ ஸத்³தா⁴ஸினேஹேன அதேமனதோ. கதவினயோ ஸிக்கி²தவினயோ யதா² ‘‘கதவிஜ்ஜோ’’தி. த⁴ம்மகதி²கானங் விசாரேதா²தி இத³ங் தெ³ய்யத⁴ம்மங் த⁴ம்மகதி²கானங் அய்யானங் தஸ்ஸ தஸ்ஸ யுத்தவஸேன விசாரேதா²தி நிய்யாதனவஸேன வத்வா. தி³வாகதி²கோ ஸரபா⁴ணகோ ஸாயன்ஹே கதே²தி, புரிமயாமங் கதெ²ந்தோ ரத்திகதி²கோ பா⁴ணகபுக்³க³லோ.
Temanarukkho viya…pe… dullabhadhammassavano ca puggalo saddhāsinehena atemanato. Katavinayo sikkhitavinayo yathā ‘‘katavijjo’’ti. Dhammakathikānaṃvicārethāti idaṃ deyyadhammaṃ dhammakathikānaṃ ayyānaṃ tassa tassa yuttavasena vicārethāti niyyātanavasena vatvā. Divākathiko sarabhāṇako sāyanhe katheti, purimayāmaṃ kathento rattikathiko bhāṇakapuggalo.
நந்த³னவனாபி⁴ராமேதி நந்த³னவனங் விய மனோரமே. அஸ்ஸ பா⁴ரஹாரபி⁴க்கூ²தி அஸ்ஸ கிச்சவாஹகபி⁴க்கூ² உபஜ்ஜா²யாத³யோ. ஸுக²னிஸின்னகத²ந்தி படிஸந்தா²ரகதா²புப்³ப³கங் உபனிஸின்னகத²ங் ஸுத்வா.
Nandanavanābhirāmeti nandanavanaṃ viya manorame. Assa bhārahārabhikkhūti assa kiccavāhakabhikkhū upajjhāyādayo. Sukhanisinnakathanti paṭisanthārakathāpubbakaṃ upanisinnakathaṃ sutvā.
டி²தஸண்டா²னேனேவ டி²தாகாரேனேவ டி²தங், நப்பயுத்தந்தி அத்தோ². சித்தகம்மமூலாதீ³னி டி²தஸண்டா²னேனேவ டி²தாதி யோஜனா. முது³தாயாதி முது³ஹத³யதாய ஸாபெக்க²தாய.
Ṭhitasaṇṭhāneneva ṭhitākāreneva ṭhitaṃ, nappayuttanti attho. Cittakammamūlādīni ṭhitasaṇṭhāneneva ṭhitāti yojanā. Mudutāyāti muduhadayatāya sāpekkhatāya.
படிபத³ந்தி ஸமத²விபஸ்ஸனாபடிபத்திங். தீ³பெத்வா பகாஸெத்வா பாகடங் கத்வா. தத்ருப்பாதோ³தி தத்ர உப்பஜ்ஜனகஆயுப்பாதோ³. கெ²த்தங் ஸந்தா⁴ய வத³தி. தேல…பே॰… ஹத்தா²தி தேலக⁴ட-மது⁴க⁴டபா²ணிதக⁴டாதி³ஹத்தா². அபக்கமிங்ஸு து³ப்³பி³சாரிதத்தா. பூரேஸீதி ஹெட்டா² ச தத்த² தத்த² அதீதானி காலவசனானி போராணட்ட²கதா²ய ஆக³தத்தா கிர வுத்தானி.
Paṭipadanti samathavipassanāpaṭipattiṃ. Dīpetvā pakāsetvā pākaṭaṃ katvā. Tatruppādoti tatra uppajjanakaāyuppādo. Khettaṃ sandhāya vadati. Tela…pe… hatthāti telaghaṭa-madhughaṭaphāṇitaghaṭādihatthā. Apakkamiṃsu dubbicāritattā. Pūresīti heṭṭhā ca tattha tattha atītāni kālavacanāni porāṇaṭṭhakathāya āgatattā kira vuttāni.
உபக³மனானுபக³மனாதீ³னி ஓரிமஸ்ஸ பாரிமஸ்ஸ ச உபக³மனானுபக³மனானி சேவ மஜ்ஜே² ஸங்ஸீத³னானி ச. படிவிஜ்ஜி²துந்தி ஜானிதுங். ஏதந்தி யதா²வுத்தங் சக்கு²ஸபா⁴வங். தோ³மனஸ்ஸந்தி தஸ்ஸேவ மந்த³பா⁴வபச்சயங் தோ³மனஸ்ஸங். ஆபஜ்ஜந்தோபி உபக³ச்ச²தி நாம தன்னிமித்தஸங்கிலேஸஸ்ஸ உப்பாதி³தத்தா. திண்ணங் லக்க²ணானந்தி ஹுத்வா அபா⁴வதோ ஆதி³அந்தவந்ததோ தாவகாலிகதோ நிச்சபடிக்கே²பதோதிஆதீ³னங் திண்ணங் லக்க²ணானங் ஸல்லக்க²ணவஸேன.
Upagamanānupagamanādīni orimassa pārimassa ca upagamanānupagamanāni ceva majjhe saṃsīdanāni ca. Paṭivijjhitunti jānituṃ. Etanti yathāvuttaṃ cakkhusabhāvaṃ. Domanassanti tasseva mandabhāvapaccayaṃ domanassaṃ. Āpajjantopi upagacchati nāma tannimittasaṃkilesassa uppāditattā. Tiṇṇaṃ lakkhaṇānanti hutvā abhāvato ādiantavantato tāvakālikato niccapaṭikkhepatotiādīnaṃ tiṇṇaṃ lakkhaṇānaṃ sallakkhaṇavasena.
வாமதோதி மிச்சா². த³க்கி²ணதோதி ஸம்மா. யதா² தஸ்ஸ தஸ்ஸ ஸத்தஸ்ஸ ஓரபா⁴வத்தா அஜ்ஜ²த்திகானி ஆயதனானி ஓரிமங் தீரங் கத்வா வுத்தானி, ஏவங் நேஸங் பரபா⁴வத்தா பா³ஹிரானி ஆயதனானி பாரிமங் வுத்தானி. அபாயமஜ்ஜே² ஸங்ஸரணஹேதுதாய நந்தீ³ராகோ³வ ‘‘மஜ்ஜே² ஸங்ஸாதோ³’’தி வுத்தோ.
Vāmatoti micchā. Dakkhiṇatoti sammā. Yathā tassa tassa sattassa orabhāvattā ajjhattikāni āyatanāni orimaṃ tīraṃ katvā vuttāni, evaṃ nesaṃ parabhāvattā bāhirāni āyatanāni pārimaṃ vuttāni. Apāyamajjhe saṃsaraṇahetutāya nandīrāgova ‘‘majjhe saṃsādo’’ti vutto.
உன்னதோதி ‘‘ஸெய்யோஹமஸ்மீ’’திஆதி³னா உன்னதிங் உபக³தோ. அத்துக்கங்ஸனே பங்ஸுகூலிகபா⁴வேன அத்தானங் த³ஹனதோ அஞ்ஞாகாரதாக³ஹேதப்³போ³. பாஸாணோ நு கோ² ஏஸ கா²ணுகோதி க³ஹேதப்³ப³தா³ருக்க²ந்த⁴ஸதி³ஸோ வுத்தோ.
Unnatoti ‘‘seyyohamasmī’’tiādinā unnatiṃ upagato. Attukkaṃsane paṃsukūlikabhāvena attānaṃ dahanato aññākāratāgahetabbo. Pāsāṇo nu kho esa khāṇukoti gahetabbadārukkhandhasadiso vutto.
சுண்ணவிசுண்ணங் ஹோதி ஆவட்டவேக³ஸ்ஸ ப³லவபா⁴வதோ. சதூஸு அபாயேஸூதி பஞ்சகாமகு³ணாவட்டே பதிதபுக்³க³லோ மனுஸ்ஸலோகேபி கு³ணஸரீரபே⁴த³னேன தீ³க⁴ரத்தங் சுண்ணவிசுண்ணங் ஆபஜ்ஜதியேவ, தஸ்ஸ ததா² ஆபன்னத்தா. ஏவஞ்ஹி ஸோ அபாயேஸு தாதி³ஸேஸு ஜாயதி.
Cuṇṇavicuṇṇaṃhoti āvaṭṭavegassa balavabhāvato. Catūsu apāyesūti pañcakāmaguṇāvaṭṭe patitapuggalo manussalokepi guṇasarīrabhedanena dīgharattaṃ cuṇṇavicuṇṇaṃ āpajjatiyeva, tassa tathā āpannattā. Evañhi so apāyesu tādisesu jāyati.
ஸீலஸ்ஸ து³ட்ட²ங் நாம நத்தி², தஸ்மா அபா⁴வத்தோ² இத⁴ து³-ஸத்³தோ³தி ஆஹ ‘‘நிஸ்ஸீலோ’’தி. ‘‘பாபங் பாபேன ஸுகர’’ந்திஆதீ³ஸு (உதா³॰ 48) விய பாப-ஸத்³தோ³ நிஹீனபரியாயோதி ஆஹ ‘‘லாமகத⁴ம்மோ’’தி. ந ஸுசீதி காயவாசாசித்தேஹி ந ஸுசி. ஸங்காய வாதி அத்தனோ வா ஸங்காய பரேஸங் ஸமாசாரகிரியங் ஸரதி ஆஸங்கதி. தேனாஹ ‘‘தஸ்ஸ ஹீ’’திஆதி³. தானி கம்மானி பவிஸதீதி தானி கம்மானி கரொந்தானங் அந்தரே பவிஸதி. கு³ணானங் பூதிபா⁴வேனாதி கு³ணபா⁴வேன க³ஹிதானங் ஸீலத⁴ம்மானங் ஸங்கிலிட்ட²பா⁴வப்பத்தியா. கசவரஜாதோதி அப்³ப⁴ந்தரங் ஸஞ்ஜாதகசவரோ, கசவரபூ⁴தோ வா.
Sīlassa duṭṭhaṃ nāma natthi, tasmā abhāvattho idha du-saddoti āha ‘‘nissīlo’’ti. ‘‘Pāpaṃ pāpena sukara’’ntiādīsu (udā. 48) viya pāpa-saddo nihīnapariyāyoti āha ‘‘lāmakadhammo’’ti. Na sucīti kāyavācācittehi na suci. Saṅkāya vāti attano vā saṅkāya paresaṃ samācārakiriyaṃ sarati āsaṅkati. Tenāha ‘‘tassa hī’’tiādi. Tāni kammāni pavisatīti tāni kammāni karontānaṃ antare pavisati. Guṇānaṃ pūtibhāvenāti guṇabhāvena gahitānaṃ sīladhammānaṃ saṃkiliṭṭhabhāvappattiyā. Kacavarajātoti abbhantaraṃ sañjātakacavaro, kacavarabhūto vā.
அணணா பப்³ப³ஜ்ஜாதி அணணஸ்ஸேவ பப்³ப³ஜ்ஜா. ஓரிமதீராதீ³னங் உபக³மனானுபக³மனாதீ³னங் ஜோதிதத்தா வட்டவிவட்டங் கதி²தங்.
Aṇaṇā pabbajjāti aṇaṇasseva pabbajjā. Orimatīrādīnaṃ upagamanānupagamanādīnaṃ jotitattā vaṭṭavivaṭṭaṃ kathitaṃ.
பட²மதா³ருக்க²ந்தோ⁴பமஸுத்தவண்ணனா நிட்டி²தா.
Paṭhamadārukkhandhopamasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. பட²மதா³ருக்க²ந்தோ⁴பமஸுத்தங் • 4. Paṭhamadārukkhandhopamasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4. பட²மதா³ருக்க²ந்தோ⁴பமஸுத்தவண்ணனா • 4. Paṭhamadārukkhandhopamasuttavaṇṇanā
